Nyanndra Mun 10:18 - NYANMIƐN NDƐ'N 1998

¹⁸ Sran nga bɔ i wiengu wun kpɔɛ o i klun b'ɔ fia su'n, i sɔ sran liɛ'n ɔ ti gblɛfuɛ. Yɛ sran nga kusu b'ɔ tɔn sran suɛn sin'n, i sɔ sran liɛ'n ɔ ti sinnglinfuɛ.

Nyanndra Mun 10:18 ပူးပေါင်းရင်းမြစ်များ

2 Samiɛl 3:27

Kɛ Abnɛr juli Ebrɔn lɛ'n, Zoab flɛli i klɛ nun klɔ'n i anuan'n nun lɔ. Ɔ yo kɛ wuun ɔ ´kan ndɛ kle i sa. Yɛ bi! Yɛ ɔ wɔli i klun tokofi-ɔ. Ɔ kunnin i sieli i niaan bian Azaɛl osu.

Jue Mun 101:5

Sran nga i wiengu suɛn yɛ ɔ tɔn i blɛlɛ-blɛlɛ sin'n, n ´nunnun i. Sran ng'ɔ bu-mɛn i wiengu sran'n, b'ɔ yo i wun dandan'n, e nin i sɔfuɛ'n e sɔn-man.

Jue Mun 12:2

Anannganman, de ye! Ɔ sufuɛ nanwlɛfuɛ'm be su nunnun. Be bɔ be lafi be su-ɔ ɔ yo ye'n, be wun-man be wie fi kun.

Jue Mun 15:3

Sran sɔ'n ɔ tɔn-mɛn i wiengu suɛn, ɔ yo-mɛn i wiengu tɛ, ɔ kpɛ-mɛn i nzowa.

Jue Mun 5:9

Anannganman! A ti Nyanmiɛn bɔ a ti nanwlɛfuɛ, kle min atin'n. Min kpɔfuɛ'm be ti, siesie atin nga a klo kɛ n fa su'n man min.

Jue Mun 50:20

Kɛ a tran ase sa'n, ɔ niaan'n i wun ndɛ cɛ yɛ a kan-an. A saci ɔ́ nin i ku sɛ'n nun ba'n i wun.

Jue Mun 55:21

Nian, gblɛfuɛ'n, ɔ nin i janvuɛ mun b'a nyɛn i. Nda ng'ɔ tali'n, ɔ'a di-man su kun.

Ezipt Lɔ Tulɛ'n 23:1

«Nán kan ndɛ ng'ɔ ti ato ndɛ'n sin lika'm be nun. Nán jran sa tɛ yofuɛ'm bé sin, nán yo ato lalofuɛ.

Zeremi 6:28

Be kekleke liɛ'n ti kɛ aaba annzɛ blalɛ sa, ɔ lɛ-man be nun kun. Be ti abla difuɛ, be kwlaa be ti sa tɛ yofuɛ.

Zeremi 9:4

Be lakalaka be wiengu. Be di-man nanwlɛ. Ato bualɛ'n yɛ be suan-an. B'a yo sa tɛ'n lele ɔ'a flan be bɔbɔ siɛn'n.

Saun Yolɛ 19:16

Nán amun tɔn amun osufuɛ'm be suɛn. Nán amun fua amun wiengu kun i ti nan amun tɔn i suɛn man be fa ndɛ be yi i su nan be kun i ngbɛn. Min yɛ n ti Anannganman nin-ɔn.

1 Samiɛl 18:29

Ɔ man ɔ sroli David trali laa'n, yɛ ɔ kpɔli i mlɔnmlɔnmlɔn siɛn'n.