Nyanndra Mun 10:17 - NYANMIƐN NDƐ'N 1998

¹⁷ Sran nga bɔ be tu i fɔ-ɔ ɔ fa sie i klun'n, muae cɛ yɛ ɔ fite su-ɔ. Yɛ sran nga kusu bɔ be kpɛn i su-ɔ ɔ kpiti-man'n, ɔ ti mlinfuɛ.

Nyanndra Mun 10:17 ပူးပေါင်းရင်းမြစ်များ

2 Be Nyoliɛ 25:16

Famiɛn'n kpaloli i nuan ndɛ'n, yɛ ɔ usɛli i kɛ: «?I kpa'n, e fali wɔ kɛ a yo famiɛn'n i afɔtuɛ manfuɛ? Sɛ a kunndɛ-man kɛ be yo wɔ tɛtɛ'n, nán kan ndɛ fi kun!» Nyanmiɛn nuan ijɔfuɛ'n mannin ndɛ'n su ekun, ɔ seli kɛ: «Sa nga a yoli'n nin afɔtuɛ nga m mannin wɔ bɔ w'a fa-man ti'n, n si kɛ Nyanmiɛn ɔ'a gugu kɛ ɔ ´kun wɔ.»

Nyanndra Mun 1:30

Afin akunndan nga m mannin amun'n, amu'an fa-man su. Afɔtuɛ nga m mannin amun'n, amu'an fa-man su.

Nyanndra Mun 12:1

Sran ng'ɔ kplin su kɛ be tu i fɔ'n, i sɔ sran liɛ'n klo kɛ ɔ ´si akunndan. Sran ng'ɔ klo-man kɛ be tu i fɔ'n, ɔ ti sinnglinfuɛ.

Nyanndra Mun 15:10

Sran nga b'ɔ yaci atin kpa'n ɔ ko fa tɛ'n, i sɔfuɛ'n, be `tu i fɔ kpa. Nga kusu bɔ be tu i fɔ-ɔ ɔ fa-man'n, san wie'n cɛ yɛ ɔ ´kun i-ɔ.

Nyanndra Mun 15:32

Sran nga i waan nán man be tu i fɔ'n, ɔ kpɔ i bɔbɔ wun. Sran nga be tu i fɔ b'ɔ fa'n, i sɔfuɛ'n ɔ ´yo ngwlɛlɛfuɛ.

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Nyanndra Mun 3:18

Be nga be nyɛn i'n, ɔ man be nguan.

Nyanndra Mun 4:13

Like nga be kle wɔ'n, tra nun kpa, nán yaci nun. Fa sie, afin i yɛ ɔ ti ɔ nguan nyanman nin-ɔn.

Nyanndra Mun 4:4

Mín si'n kleli min ngwlɛlɛ, ɔ seli min kɛ yoo: «Min ndɛ nga n kan kle wɔ'n, man be tran ɔ klun. Mín nuan su ndɛ nga n kan be'n, sɛ a di su'n a lɛ nguan.

Nyanndra Mun 5:12

ko se kɛ: «Ee! ?Ɔ yo sɛ bɔ m'an klo-man fɔ tulɛ nin-ɔn? ?Ɔ yo sɛ bɔ m'an klo-man kɛ be kan min nyrun ndɛ-ɔ?

Nyanndra Mun 5:14

Awieliɛ'n yɛ ɔ'a wie min yɛ, n lɛ-man nyrun klɔ'n nun kun.»

Nyanndra Mun 6:23

Afin afɔtuɛ'n ti kɛ kannin sa, ɔ kpaja bé bo. Afɔtuɛ'n ti kɛ tɛ sa, be fa wun bé bo. Fɔ tulɛ nga ngwlɛlɛfuɛ'n tu sran'n, ɔ ti nguan atin yɛ ɔ bo mɛn i-ɔ.

Akunndanfuɛ'n 5:6

Sinnglinfuɛ'n i like liɛ ng'ɔ klo i'n yɛlɛ like nga be kwla yo-man'n i akunndan bulɛ nin ndɛ finfin, ɔ nin ndɛ kpanngban'm be kanlɛ. Sanngɛ ɔ liɛ bɔ a ti ngwlɛlɛfuɛ'n, man ɔ nyin yi Nyanmiɛn .

JÉSUS-CHRIST I DYASIN FE'N BO LUC KLELI'N 11:28

Jésus a kplin-man su, nan ɔ'a se kɛ: «Se kɛ, sran ng'ɔ tie Nyanmiɛn ndɛ'n b'ɔ fa su'n, i liɛ su ti ye!»

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

Hébreu 2:1

I sɔ'n ti'n, man e fa ndɛ nga e tili be'n sie e klun kpa tra laa'n, sɛ y'a yo-man sɔ-ɔ ɔ cɛ-man nan y'a to a fuan atin'n.

Jɔlɛ Difuɛ Mun 19:17

Ɔ ´nian-an, aofuɛ yɛ ɔ o gua'n su yɛ, yɛ ɔ usɛli i kɛ: «?A fin ye sɛ, yɛ a su ko nin?»