Nyanndra Mun 1:31 - NYANMIƐN NDƐ'N 1998

³¹ Amun bɔbɔ amun atin nga amun fali'n i su sa yɛ ɔ nyannin amun-ɔn.

Nyanndra Mun 1:31 ပူးပေါင်းရင်းမြစ်များ

Zɔb I Nyrɛnnɛn Wunlɛ 4:8

Nga m'an sie i nzɔliɛ kpa'n yɛlɛ nga: sran nga sa tɛ'n yɛ ɔ ti be junman yɛ be di'n, bɔ sa ng'ɔ ti-man su'n yɛ ɔ ti kɛ be like sa yɛ be lua'n, san be ´ti i su mma'n.

Jue Mun 81:13

Yɛ n yacili be bé nyin kekle tantrantan sɔ'n nun. Ɔ man be fali be bɔbɔ be akunndan'n be nantili !

Nyanndra Mun 12:14

Kɛ sran kun ´nyan muae'n, ɔ fin i nuan nun ndɛ'n. Junman nga sran kun di'n, i nuan like yɛ ɔ nyɛn i-ɔ.

Nyanndra Mun 13:2

Kɛ sran kun ´nyan like kpa di i lɛ'n, ɔ fin i nuan nun ndɛ'n. Gblɛfuɛ'm be liɛ'n ninnge kekleekle mun yɛ bé nyin o su-ɔ.

Nyanndra Mun 14:14

Sran nga i nzuɛn ti-man kpa'n, ɔ fɛ i sa tɛtɛ'm bé su afɛ'n. Sran kpa'n i klun jɔ, sa kpa b'ɔ yo be'n be ti.

Nyanndra Mun 22:8

Sran ng'ɔ yo sa ng'ɔ ti-mɛn i nuan su'n, nyrɛnnɛn'n cɛ yɛ ɔ tɔ i su-ɔ. Afin wunmiɛn ng'ɔ lɛ i b'ɔ fa yo sa tɛtɛ'n ɔ ´wie cɛn kun.

Nyanndra Mun 5:22

Sran nga sa tɛ'n yɛ ɔ yo'n, sa tɛ sɔ'n ɔ ci i. Ɔ ti kɛ aya sa, ɔ trɛ i bɔbɔ.

Nyanndra Mun 5:23

Ngwlɛlɛ b'ɔ si-mɛn'n ti ɔ wu. I sinnzin b'ɔ cɛnnin ngboko'n ti, awieliɛ'n wie i.

Nyanndra Mun 8:36

Sran ng'ɔ yo min tɛ kusu-ɔ wuun ɔ ti kɛ ɔ'a yo i bɔbɔ wun tɛ. Be kwlaa nga be kpɔ min'n, ɔ ti kɛ wuun be klo wie'n ti-ɔ.

Ezai 66:4

n kusu'n, be like tɛtɛ nga be yo'n i su sa yɛ n ´fa yo be-ɔ. Sa kekle'm bɔ be sro be'n, n ´fɛ i kwlakwla n ´yi bé su. Afin kɛ n flɛli be'n, be nun kun sa ɔ'a tɛ-man min su, n kannin ndɛ n kleli be, sanngɛ b'a tie-man. Sa ng'ɔ ti min nyrun sa tɛ'n, yɛ be yoli-ɔ. Like nga n klo-mɛn i'n, yɛ be yoli-ɔ.»

Zeremi 14:16

Sran nga kusu bɔ be kan ndɛ sɔ'n kle be'n, awe'n nin alɛ'n ´kun be, be ´gua Zerizalɛm akpɔ'm be su flɛnnɛnnɛn! Be su nyan-man sran fi b'ɔ ´sie be-ɔ. Be nin be yi mun nin be mma yasua mun, ɔ nin be mma bla mun, sa tɛ nga be yoli'n, n ´fa taka bé ti afiɛn.»

Zeremi 2:19

Ɔ klunwi'n i su sa'n yɛ ɔ taka ɔ́ ti su lɛ-ɔ. Wɔ ajalɛ tɛ nga a tuli'n i su afɛ'n yɛ a ´fɛ i lɛ-ɔ. A wa wun kɛ kannzu min Anannganman bɔ n ti ɔ Nyanmiɛn'n min ase yilɛ'n, ɔ nin ɔ́ nyin b'ɔ yi-man min'n, ɔ ti sa tɛ dan kpa.» Anannganman Nyanmiɛn b'ɔ sie mɛn wunmuan'n yɛ ɔ kan sɔ-ɔ.

Zeremi 21:14

‹Min nin amun e wa yia nun, n ´fa sa nga amun yo'n bé nuan sa n ´yo amun, n ´trɔ amun famiɛn sua'n nun sin. Sin sɔ'n ɔ ´didi like nga be mantan sua sɔ'n i lɛ mun.› »

Zeremi 6:19

Asiɛ'n sufuɛ mun, amun `tie. N wa fa nyrɛnnɛn wie n ´yi nvle sɔ'n i nunfuɛ'm be su. Akunndan tɛtɛ nga be bu'n, i su nyrɛnnɛn-ɔn. Afin b'a fa-man bé su b'a sie-man min ndɛ'n i bo. Be yoli min mmla bɔ n kleli be'n be finfin.

Ezekiɛl 22:31

Yɛ n fali min ya dan'n n guali be su-ɔ, min ya b'ɔ ti kɛ sin sa'n, n fa sacili be, n yoli man be suali be nzuɛn tɛ'n i su afɛ'n.» Anannganman Nyanmiɛn'n yɛ ɔ kan sɔ-ɔ.