Nyanndra Mun 1:30 - NYANMIƐN NDƐ'N 1998

³⁰ Afin akunndan nga m mannin amun'n, amu'an fa-man su. Afɔtuɛ nga m mannin amun'n, amu'an fa-man su.

Nyanndra Mun 1:30 ပူးပေါင်းရင်းမြစ်များ

2 Be Nyoliɛ 25:16

Famiɛn'n kpaloli i nuan ndɛ'n, yɛ ɔ usɛli i kɛ: «?I kpa'n, e fali wɔ kɛ a yo famiɛn'n i afɔtuɛ manfuɛ? Sɛ a kunndɛ-man kɛ be yo wɔ tɛtɛ'n, nán kan ndɛ fi kun!» Nyanmiɛn nuan ijɔfuɛ'n mannin ndɛ'n su ekun, ɔ seli kɛ: «Sa nga a yoli'n nin afɔtuɛ nga m mannin wɔ bɔ w'a fa-man ti'n, n si kɛ Nyanmiɛn ɔ'a gugu kɛ ɔ ´kun wɔ.»

Jue Mun 119:111

Sa nga a fa be sie min nyrun'n, be ti min aja like, afin be man min klun jɔ.

Jue Mun 119:173

De min, afin ɔ mmla nga a sieli be'n, min waan n ´fa bé su.

Jue Mun 81:11

N ti Anannganman amun Nyanmiɛn. Min yɛ n ko fali amun Ezipt lɔ m bali-ɔ. Like kwlaa ng'ɔ mian amún sa'n, amun `kan kle min, n ´fa man amun.

Nyanndra Mun 1:25

Afin fɔ nga n tu amun'n, bɔ amun fa-man nin-ɔn, sɛ n tu amun fɔ bɔ an bu-mɛn i like nin-ɔn,

Nyanndra Mun 5:12

ko se kɛ: «Ee! ?Ɔ yo sɛ bɔ m'an klo-man fɔ tulɛ nin-ɔn? ?Ɔ yo sɛ bɔ m'an klo-man kɛ be kan min nyrun ndɛ-ɔ?

Zeremi 36:23

Kɛ Zɛidi ko kanngan fluwa i bue nsan o annzɛ nnan o, wuun famiɛn'n ɔ'a fa awa'n i fluwa klɛfuɛ'n i laliɛ'n ɔ'a kpɛkpɛ nun ɔ'a guɛ i sin nun. Ɔ yoli i sɔ lele ɔ yrali fluwa'n i wunmuan'n.

Zeremi 8:9

Ngwlɛlɛfuɛ'm b'a wun nyannzuɛn. Srɛ'n ɔ'a kun be kpo, b'a mian. Yɛlɛ kɛ be yoli Anannganman i ndɛ'n i finfin. ?Yɛ wuun kɛ ɔ o lɛ'n, be si ngwlɛlɛ?»