Nyanndra Mun 1:25 - NYANMIƐN NDƐ'N 1998

²⁵ Afin fɔ nga n tu amun'n, bɔ amun fa-man nin-ɔn, sɛ n tu amun fɔ bɔ an bu-mɛn i like nin-ɔn,

Nyanndra Mun 1:25 ပူးပေါင်းရင်းမြစ်များ

2 Be Nyoliɛ 33:10

Anannganman kannin ndɛ kleli Manase nin i sran mun, sanngɛ b'a fa-man su.

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Jue Mun 107:11

Be yoli nyin kekle, b'a fa-man Nyanmiɛn i ndɛ b'ɔ kannin'n be su. Nyanmiɛn b'ɔ like fi nun-mɛn i sin'n, ɔ mannin be afɔtuɛ b'a fa-man.

Jue Mun 81:11

N ti Anannganman amun Nyanmiɛn. Min yɛ n ko fali amun Ezipt lɔ m bali-ɔ. Like kwlaa ng'ɔ mian amún sa'n, amun `kan kle min, n ´fa man amun.

Nyanndra Mun 1:30

Afin akunndan nga m mannin amun'n, amu'an fa-man su. Afɔtuɛ nga m mannin amun'n, amu'an fa-man su.

Nyanndra Mun 12:1

Sran ng'ɔ kplin su kɛ be tu i fɔ'n, i sɔ sran liɛ'n klo kɛ ɔ ´si akunndan. Sran ng'ɔ klo-man kɛ be tu i fɔ'n, ɔ ti sinnglinfuɛ.

Nyanndra Mun 15:10

Sran nga b'ɔ yaci atin kpa'n ɔ ko fa tɛ'n, i sɔfuɛ'n, be `tu i fɔ kpa. Nga kusu bɔ be tu i fɔ-ɔ ɔ fa-man'n, san wie'n cɛ yɛ ɔ ´kun i-ɔ.

Nyanndra Mun 5:12

ko se kɛ: «Ee! ?Ɔ yo sɛ bɔ m'an klo-man fɔ tulɛ nin-ɔn? ?Ɔ yo sɛ bɔ m'an klo-man kɛ be kan min nyrun ndɛ-ɔ?

Nyanndra Mun 8:14

Ndɛkɛn akunndan liɛ'n ɔ nin cɛn wie liɛ'n, min yɛ m man-an. Ngwlɛlɛ'n yɛlɛ min, wunmiɛn sa'n ɔ ti min liɛ.

Zeremi 35:17

I sɔ'n ti, Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ ndɛ nga n kan'n be fa-man'n, bɔ n flɛ be-ɔ, be sro-man'n, i ti nyrɛnnɛn sa nga n kɛnnin i kɛ n ´fa yi i Zerizalɛmfuɛ mun nin Zidafuɛ'm be su'n, n wa fa yi be su.»

JÉSUS-CHRIST I DYASIN FE'N BO LUC KLELI'N 7:30

Sanngɛ Farizifuɛ mun be nin mmla sifuɛ mun bɔ b'a kplin-man su kɛ ɔ yo be batɛm'n, be man like kpa bɔ Nyanmiɛn waan ɔ ´fa man be'n, ɔ to fuannin be.

Mmla'n 1:45

Be kwlali amun. Amun sali amun sin be bali, amun wa sun kleli Anannganman. Anannganman ɔ'a tɛ-man amun su, ɔ'a bua-man amun ndɛ nun.

1 Samiɛl 8:18

Cɛn nga amun wa sun flɛ Anannganman amun famiɛn nga amun bɔbɔ amun kunndɛli i'n, i dunman nun ti'n, Anannganman su tɛ-man amun su.»