Nyanndra Mun 1:24 - NYANMIƐN NDƐ'N 1998

²⁴ Sanngɛ n kpan flɛ amun, an ba-man. N fa mín sa'n n flɛ amun amu'an tɛ-man su. Amun waan nán amun yɛ an ko sɔ n sa sɔ nun-ɔn.

Nyanndra Mun 1:24 ပူးပေါင်းရင်းမြစ်များ

2 Be Nyoliɛ 33:10

Anannganman kannin ndɛ kleli Manase nin i sran mun, sanngɛ b'a fa-man su.

2 Be Nyoliɛ 36:16

Sanngɛ Izraɛlfuɛ'm be yoli Nyanmiɛn i sran ng'ɔ sunmannin be'n be finfin, b'a bu-mɛn i nuan ndɛ'n like fi, yɛ be toli i nuan ijɔfuɛ sɔ'm be mma. I ti nan Anannganman ɔ'a fa ya bé wun. B'a fin-man nun b'a fite-man.

Zɔb I Nyrɛnnɛn Wunlɛ 33:14

Nyanmiɛn i ndɛ b'ɔ kan'n i wafa sɔnnin. Blɛ wie ju'n, ɔ ijɔ wafa kun, blɛ wie ju'n, ɔ ijɔ wafa uflɛ. Be fa-man bé su be sie-mɛn i nuan bo ti-ɔ.

Jue Mun 31:20

Anannganman, ɔ klun-ufue'n ɔ cɛnnin o! Be bɔ bé nyin yi wɔ'n bɔ be talo wɔ'n, ɔ klun-ufue sɔ'n ti a yo be ye. Kɛ a ´yo be ye sɔ'n, sran kwlaa nyin ta nun.

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Ezai 50:2

?Kɛ m bali'n, ɔ yo sɛ ti yɛ m'an to-man sran fi-ɔ? ?Kɛ n flɛli amun'n, nguɛ ti yɛ sran fi ɔ'a tɛ-man mín su-ɔ? ?N sa'n ti tika nan se kɛ n kwla fa de-man amun? ?N lɛ-man wunmiɛn n kwla yo-man nan amun fite-man nun? Kɛ n kan ndɛ kle jenvie'n, kpɛkuun i nun nzue'n ɔ'a wie nun. Sɛ n kan ndɛ kle nzue ba mun'n, be wu kee. Yɛ nzue b'ɔ nun-man lɛ'n ti'n, jue'm be wu, yɛ be kplɔ.

Ezai 65:12

n ´yo man amun ´wu tɛ kpa. Amun ´koto amún ja bue su klo yɛ be ´kpɛ amun kɔmin-ɔn. Afin n flɛli amun amu'an tɛ-man min su. Sa nga min waan be ti tɛ'n, be cɛ yɛ amun yo be-ɔ, sa nga n klo-man be'n, yɛ amun yo be-ɔ.

Ezai 65:2

Nvle kun wie bɔ i nunfuɛ'm bé nyin ti kekle'n, bɔ be fa atin tɛ'n, bɔ be bɔbɔ be klun klo like yɛ be yo'n, n tinngɛli ń sa n flɛli be cɛn kwlaa.

Ezai 66:4

n kusu'n, be like tɛtɛ nga be yo'n i su sa yɛ n ´fa yo be-ɔ. Sa kekle'm bɔ be sro be'n, n ´fɛ i kwlakwla n ´yi bé su. Afin kɛ n flɛli be'n, be nun kun sa ɔ'a tɛ-man min su, n kannin ndɛ n kleli be, sanngɛ b'a tie-man. Sa ng'ɔ ti min nyrun sa tɛ'n, yɛ be yoli-ɔ. Like nga n klo-mɛn i'n, yɛ be yoli-ɔ.»

Zeremi 35:17

I sɔ'n ti, Anannganman b'ɔ sie mɛn wunmuan'n b'ɔ ti Izraɛl Nyanmiɛn'n wan yoo: «Kɛ ɔ ´yo bɔ ndɛ nga n kan'n be fa-man'n, bɔ n flɛ be-ɔ, be sro-man'n, i ti nyrɛnnɛn sa nga n kɛnnin i kɛ n ´fa yi i Zerizalɛmfuɛ mun nin Zidafuɛ'm be su'n, n wa fa yi be su.»

Zeremi 44:16

«Ndɛ nga ɔ waan Anannganman'n ɔ'a fa wla ɔ́ nuan kɛ a `kan kle ye yɛ'n, e su fa-man su.

Zeremi 7:13

Amun kusu, sa nga amun yoli i lɛ'n ti'n, m boli amun ndɛ kan klelɛ'n bo nglɛmun nun. N kan n flannin nun lelele, nán tielɛ yɛ an ko tie-ɔ. N flɛli amun lelele, nán min su yɛ an ko tɛ-ɔ.

Zeremi 9:6

I sɔ'n ti Anannganman b'ɔ sie mɛn wunmuan'n wan yoo: «N wa yi be nun fiɛn'n kɛ sika tɔnfuɛ'n fa yo'n sa. N ´sa be n ´nian. Afin be sa tɛ'n ti san i sɔ like cɛ yɛ n ´fa yo be-ɔ.

Ezekiɛl 8:18

Min liɛ'n nga n wa fa yo be'n, ɔ ´ju be. N su si-man be aunnvuɛ, n su yo-man be blɛblɛ. Kɛ be kpan kekle mín su nun kɛ n wa de be'n, n su tɛ-man be su .»

Zakari 7:13

I waan: «Kɛ bɔ n flɛli be bɔ be waan be ti-man'n ti, n kusu sɛ be flɛ min-ɔn n su ti-man.

Sa nga bé yôli'n 4:30

Tinngɛ ɔ́ sa'n tukpacɛfuɛ'm bé wun, man be yo juejue, yi atrɛ, yɛ yo abonuan sa ɔ sran Jésus i dunman nun.»

Rɔmfuɛ Mun 10:21

Sanngɛ ɔ kannin Izraɛlfuɛ'm be ndɛ kɛ: «N trɛ min sa nun nglɛmun lele nnɔsua kɛ n ´tɔ sran nyin keklefuɛ bɔ be kpalo min ndɛ'n be nun .»

1 Samiɛl 28:6

Sail usali Anannganman sa, sanngɛ ɔ'a tɛ-mɛn i su, i laliɛ nun o, annzɛ ninnge nga be fa si Nyanmiɛn bɔbɔ klun sa'n i nun o, ɔ nin i nuan ijɔfuɛ'm be nun o.