Nyanndra Mun 1:23 - NYANMIƐN NDƐ'N 1998

²³ Nán amun yo sɔ. Sɛ an kpɛ amún nyin be ti min afɔtuɛ ndɛ'n, n ´fa n wawɛ'n n ´wla amun nun, yɛ n ´tike min akunndan'm be su n `kle amun .

Nyanndra Mun 1:23 ပူးပေါင်းရင်းမြစ်များ

Jue Mun 145:1

Nyanmiɛn i manmanlɛ jue nga ɔ o David i jue fluwa'n nun. I waan: Min Nyanmiɛn, min famiɛn, n ´yi wɔ ayɛ. N ´yaci-man wɔ ase lalɛ le nan kɛ ɔ yo-ɔ ɔ'a yo.

Nyanndra Mun 1:25

Afin fɔ nga n tu amun'n, bɔ amun fa-man nin-ɔn, sɛ n tu amun fɔ bɔ an bu-mɛn i like nin-ɔn,

Nyanndra Mun 1:30

Afin akunndan nga m mannin amun'n, amu'an fa-man su. Afɔtuɛ nga m mannin amun'n, amu'an fa-man su.

Nyanndra Mun 10:17

Sran nga bɔ be tu i fɔ-ɔ ɔ fa sie i klun'n, muae cɛ yɛ ɔ fite su-ɔ. Yɛ sran nga kusu bɔ be kpɛn i su-ɔ ɔ kpiti-man'n, ɔ ti mlinfuɛ.

Nyanndra Mun 12:1

Sran ng'ɔ kplin su kɛ be tu i fɔ'n, i sɔ sran liɛ'n klo kɛ ɔ ´si akunndan. Sran ng'ɔ klo-man kɛ be tu i fɔ'n, ɔ ti sinnglinfuɛ.

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Nyanndra Mun 6:23

Afin afɔtuɛ'n ti kɛ kannin sa, ɔ kpaja bé bo. Afɔtuɛ'n ti kɛ tɛ sa, be fa wun bé bo. Fɔ tulɛ nga ngwlɛlɛfuɛ'n tu sran'n, ɔ ti nguan atin yɛ ɔ bo mɛn i-ɔ.

Ezai 32:15

Cɛn kun wa ju bɔ Nyanmiɛn ɔ ´fɛ i wawɛ'n ɔ ´man ye. Kpɛkuun aawlɛ flɛnnɛn'n ɔ ´kaci kɛ lika bɔ be tali nun waka'n sa, yɛ lika bɔ be tali nun waka'n, ɔ ´kaci bo ble .

Ezai 45:8

Sɛ bɔlɛ ufue'n ɔ ´fin nyanmiɛn su lɔ ´gua o, sɛ sa kpa'n i yolɛ'n ɔ ´fin nyanmiɛn ble'n nun ɔ ´gua kɛ nzue'n b'ɔ tɔ'n sa o, sɛ asiɛ'n ɔ ´kpaci nan sran'm bé ti nyanlɛ'n ɔ ´bo nyrɛ nun kɛ waka sa o, yɛ sɛ sa kpa'n i yolɛ'n ɔ ´fifi nun kɛ waka mma sa o, min Anannganman, min yɛ n yo sa sɔ'm be kwlakwla-a!»

Zeremi 3:14

Anannganman'n wan yoo: «Amun b'ɔ amun ti kɛ bian safuɛ'n sa'n mun, an `sa amun sin bla. Afin amun Min'n yɛlɛ min. N ´fa amun nun sran kun klɔ wie'm be su, n ´fa sran nnyɔn awlobo wie'm be nun, n ´fa amun sɔ trilili n sin yia nun yɛ n ´fa amun m ´ba Siɔn.

Ezekiɛl 33:11

Se be kɛ: ‹Min nyin o su, min Anannganman Nyanmiɛn yɛ n kan sɔ-ɔ. Like nga n kunndɛ'n, nɛ́n i yɛlɛ kɛ klunwifuɛ'n ɔ wu, sanngɛ n kunndɛ kɛ ɔ `kaci i nzuɛn'n nan ɔ `fite nun. Amun `yaci amun nzuɛn tɛtɛ'n. ?Izraɛlfuɛ mun, nguɛ ti yɛ amun waan amun ´wu nin-ɔn?›

Ndɛ Nga Nyanmiɛn I Nuan Ijɔfuɛ Oze Kannin'n 14:1

Samarifuɛ'm be jasoli be Nyanmiɛn'n i wun, be wa fɛ i su afɛ'n. Alɛ'n wa di be, be ´wie be mma'm be nunkun, be ´kpaci be yi'm bɔ be ti wunnzɛfuɛ'm be klun nun.

Zoɛl 2:27

Ɔ man amun wa wun i wlɛ jrɛin kɛ e nin amun Izraɛlfuɛ mun e o nun, nan Anannganman amun Nyanmiɛn'n yɛlɛ min, nan like wie fi nun-man mín sin kun. Kɛ ɔ fin ndɛ'n, min sran'm be nyin su gua-man ase kun.»

Zoɛl 3:1

«Kɛ ɔ ko yo sɔ'n, kpɛkuun n ´fa min Wawɛ'n m ´man sran'm be kwlaa. Amun mma yasua mun, nin amun mma mmla'm be ´ijɔ mín nuan. Amún si ngbɛn-ngbɛn'm be wa wun ninnge mun laliɛ nun. Amun mma gbanflɛn'm be´wun like aolia nun.

Zakari 12:10

Kpɛkuun m ´man David i osufuɛ mun nin Zerizalɛmfuɛ'm be akunndan klanman kɛ be `kpata min. Be ´kaci bé nyin min bɔ be wɔli min cua'n min wun wa. Be ´sun kɛ be wa ba kunngba cenje wie ɔ'a wu yɛ be su sun i sa. Be ´sun sunlɛ kpa kɛ bé wa yasua klikli ɔ'a wu yɛ be su sun i sa .

JÉSUS-CHRIST I DYASIN FE'N BO LUC KLELI'N 11:13

Sɛ amun bɔ an ti sran tɛ'n, an fa like kpa cɛ amun mma mun'n, wuun e Si b'ɔ o Nyanmiɛn su lɔ'n kusu, ɔ ´fɛ i Wawɛ'n man be nga be srɛ i'n kpɛ blu.»

Jean 7:39

Sa ti b'ɔ seli sɔ'n yɛlɛ Nyanmiɛn Wawɛ'n bɔ be nga be wa lafi i su'n be ´nyɛn i'n. Ke ɔ ´yo sɔ'n, wuun Nyanmiɛn nian fa-man i Wawɛ'n nian man-man, afin ɔ nian yi-man Jésus i wafa ng'ɔ ti'n i nglo.

Sa nga bé yôli'n 26:20

N dun mmua kan ndɛ kleli Damasfuɛ mun, i sin n kan wie n kleli Zerizalɛmfuɛ mun. N kannin wie Zide mɛn wunmuan'n nun yɛ n kan wie n kleli be nga be ti-man Zuif'n kɛ be `kaci be nzuɛn'n nan be `sa be sin Nyanmiɛn wun yɛ be `yo sa b'ɔ kle kɛ b'a kaci be nzuɛn'n.

Sa nga bé yôli'n 3:19

Ɔ man an `kaci amun nzuɛn'n, yɛ an `sa amun sin Nyanmiɛn wun man ɔ yaci sa nga an yoli i'n cɛ amun mlɔnmlɔnmlɔn'n, nan blɛ ng'ɔ ´ba lɔ'n, e Min Nyanmiɛn'n ɔ man amún wla gua ase,