Nyanndra Mun 1:22 - NYANMIƐN NDƐ'N 1998

²² «?Ɔo, sinnglinfuɛ mun, nan kɛ amún ti ´ka sinnzin'n nun sa bɔ tititi? ?Amun nga amun to sran mma'n, nan i su cɛ yɛ amun ´ka sa titi-ɔ? ?Amun bɔ amun wun-man sa wlɛ'n, amun kusu, nan kɛ an ´fa amún nyin ci ngwlɛlɛ'n sa?

Nyanndra Mun 1:22 ပူးပေါင်းရင်းမြစ်များ

Zɔb I Nyrɛnnɛn Wunlɛ 34:7

?Sran onin cɛ yɛ i wafa'n ti kɛ Zɔb liɛ'n sa-a? Ɔ ´di jɔlɛ tɛ sa-a, ɔ waan nzue yɛ ɔ su nɔn-ɔn.

Jue Mun 1:1

Sran ng'ɔ tie-man be nga be bu-man Nyanmiɛn nin i nuan ndɛ'n be like fi'n be afɔtuɛ'n, b'ɔ fa-man sa tɛ yofuɛ'm be atin'n su'n, b'ɔ nin be bɔ be yo Nyanmiɛn i finfin'n be tran-man likawlɛ'n, i liɛ su ti ye!

Jue Mun 94:8

Sinnglinfuɛ tɛ mun, amun `nian amún wun kpa. ?Komofuɛ mun, blɛ onin ko yɛ amun ´si ngwlɛlɛ-ɔ?

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Ezipt Lɔ Tulɛ'n 16:28

Anannganman seli Moiz kɛ: «?Min mmla bɔ amun waan amun fa-man su'n, amun ´yo i sɔ lele cɛn onin?

Nyanndra Mun 1:21

Lika ng'ɔ wa ju nun bɔ alowa'n wo lɛ woo'n, ɔ kpan kan ndɛ'n lɛ, ɔ ju klɔ anuan'm be nun, ɔ kɛn i nuan su ndɛ kle sran mun.

Nyanndra Mun 1:29

Sa ti bɔ amun su wun-man min'n yɛlɛ ngwlɛlɛ bɔ amu'an klo-mɛn i'n, yɛlɛ amún nyin bɔ ɔ'a yi-man Anannganman'n.

Nyanndra Mun 1:32

Yɛ amún sa su kpalɛ'n mlin amun, afin amun sinnglinfuɛ mun amún ti totolɛ'n ɔ ´kun amun.

Nyanndra Mun 1:4

I waan ɔ ´bu i sɔ nan be nga be si-man sa'n, b'a si like ng'ɔ ti kpa'n annzɛ ng'ɔ ti tɛ'n, nan gbanflɛn'm b'a si sa, nan b'a si akunndan bulɛ'n i wun atin'n.

Nyanndra Mun 1:7

Bé nyin b'ɔ yi Anannganman'n, yɛ ɔ ti ngwlɛlɛ silɛ'n i bo bolɛ nin-ɔn. Be nga be wun-man sa wlɛ'n be bu-man ngwlɛlɛ'n i like fi. Ndɛ nga be kan kle be'n, be bu-mɛn i like fi .

Nyanndra Mun 14:6

Sran ng'ɔ to sran mma'n, ɔ kunndɛ ngwlɛlɛ-ɔ, ɔ nyɛn-mɛn i. Sran ngwlɛlɛfuɛ'n, i sa wlɛ wunlɛ'n ɔ ti pɔpɔ ngbɛn i sa nun.

Nyanndra Mun 15:12

Sran ng'ɔ yo i wun dandan'n, ɔ klo-man kɛ be kɛn i nyrun ndɛ. Ɔ usa-man ngwlɛlɛ afɛ akunndanfuɛ wie sa nun.

Nyanndra Mun 19:29

Be nga bɔ be nyinman-nyinman bé wun'n, ɔ ti kɛ be fa bé wun man kɛ be `tu be fɔ. Sinnglinfuɛ'm be kusu, be fa bé wun man kɛ be `bo be.

Nyanndra Mun 21:11

Kɛ be ´tu sran b'ɔ yo i wun dandan'n i fɔ'n, sinnglinfuɛ b'ɔ o lɛ'n ɔ fa tu i wun fɔ nun. Sran nga b'ɔ ti ngwlɛlɛfuɛ'n, be kan ndɛ be kle i-ɔ ɔ fa.

Nyanndra Mun 21:24

Sran nga b'ɔ bu-man sran fi sran'n, bɔ i nuan nun ndɛ'n ti tɛtɛ'n, i sɔ sran liɛ'n, be flɛ i kɛ sran finfin yofuɛ. Ɔ tu i wun sa kwlaa nun.

Nyanndra Mun 22:3

Sran ng'ɔ ti ngwlɛlɛfuɛ'n, kɛ ɔ wun kɛ ndɛ tɛ wie su ba'n, kpɛkuun ɔ'a cuɛn i wun ɔ'a yi i ja. Sanngɛ be nga be bɔbɔ be kwla uka-man be wun'n be liɛ'n, be ko kuku bé wun yi nun, kpɛkuun b'a wun i nuan sa fiaan.

Nyanndra Mun 3:34

Be nga bɔ sran yɛ be sri i'n, srilɛ yɛ Anannganman kusu sri be-ɔ. Sanngɛ anyinyiɛfuɛ mun'n, ye yɛ ɔ fa yo be-ɔ .

Nyanndra Mun 5:12

ko se kɛ: «Ee! ?Ɔ yo sɛ bɔ m'an klo-man fɔ tulɛ nin-ɔn? ?Ɔ yo sɛ bɔ m'an klo-man kɛ be kan min nyrun ndɛ-ɔ?

Nyanndra Mun 6:9

Ɔo! ?Fuɛnfuɛ tɛ, nan lafilɛ'n bɔ sa yɛ a ´lafi sa mlɔnmlɔnmlɔn-ɔn? ?Nan dɔ onin su ko yɛ a ´tinnge-ɔ?

Nyanndra Mun 7:7

Ɔ liɛ gbanflɛn nga be si-man sa'n, be nun yasua kaan kun i sinnzin liɛ tra ngba, i sɔ'n ti nan m'an sie i nzɔliɛ.

Nyanndra Mun 8:5

Ambɛfuɛ mun, amun `sɔnnzɔn ase wunlɛ, sinnglinfuɛ mun, amun `suan ngwlɛlɛ.

Zeremi 13:27

Ɔ bian bɔ a kunndɛli mín bo'n, ɔ nin ɔ bian sa ngboko'n, ɔ nin ɔ tekle dan nga a boli'n, n wunnin be kpɔlɛ'm be su nin fie'm be su. N wunnin ɔ tete ninnge mun. Zerizalɛm, yako nin ɔ́ wun saun bɔ ɔ waan a yo-man'n. ?Cɛn onin ko yɛ a ´yaci kokowa bolɛ nin-ɔn?»

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Kalɛ 14:27

«?Mín wun ndɛ tɛtɛ nga nvlefuɛ klunwifuɛ nga'm be kan'n, cɛn onin ko yɛ be yaci-ɔ? M'an ti mín wun ndɛ tɛtɛ sɔ'n wie be nuan nun pɛ.

Matthieu 17:17

Yɛ Jésus seli kɛ: «?Amun ajulisufuɛ nyin keklefuɛ bɔ an lafi-man sa su'n, min nin amun ´tran lele cɛn onin? ?N ´tra min anwlɛn amún wun lele cɛn onin? An `fɛ i blɛ min.»

Matthieu 23:37

«Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun b'ɔ utu be su'n sa, sanngɛ amu'an kplin-man su!

Matthieu 9:13

An `wɔ ko bu ndɛ ng'ɔ o yɛ'n i akunndan nan amun wun i wlɛ. Ndɛ sɔ'n yɛlɛ kɛ: ‹Afin n klo aunnvuɛ nga be si sran'n tra tɛ nga be yi be man min'n› afin m'an ba-man sran kpa'm be flɛlɛ, sanngɛ sa tɛtɛ yofuɛ mun yɛ m bali be flɛlɛ-ɔ .»

JÉSUS-CHRIST I DYASIN FE'N BO LUC KLELI'N 19:42

ɔ seli kɛ: «Sɛ ɔ ti kɛ ndɛ an si like nga be man amun alaje'n! Sanngɛ julɛ nga ɔ'a ju yɛ'n, an su wun-mɛn i wlɛ kun.

Jean 3:20

Sran kwlaa ng'ɔ ti sa tɛ yofuɛ'n, ɔ klo-man wia'n mlɔnmlɔn, ɔ fite-man weiin nun, afin ɔ klo-man kɛ be wun i nyoliɛ tɛtɛ'n.

2 Piɛr 3:3

Man an si kpa kɛ cɛn wie lele kɛ mɛn'n ɔ ´kɔ i bue nuan'n, sran wie'm be ´ba, be ´yo sa nga be klun klo'n, yɛ be ´sri amun ,

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !