Sran wie'm be o lɛ'n, be je'm be la kɛ kue sa yɛ bé nuan'm be la kɛ laliɛ sa. Mɛn'n nun afɛfuɛ'm be ti kɛ be nnɛn sa yɛ be di-ɔ. Be nin yalɛfuɛ'm be lɛ i. Be kunndɛ kɛ be ´yi be sran nun.
Laa n ti kɛ bua nga ɔ'a kpɛ cro wie bɔ be ´fɛ i kɔ i kunlɛ-ɔ ɔ kpli-man'n sa. Min wun akunndan tɛtɛ wla nga be ´bu'n, n si-man nun. Be ko se kɛ: «E `kun waka'n nin i mma mun, man be jaso lɛ. Nán be bo be ndɛ su di jɔlɛ kun.»
Sran wie'm be o min nvle'n nun, be bu-man min like fi, be bu-man min ndɛ'n i like fi. Be ti kɛ anunman wun koniɛn difuɛ mun sa. Be bu be sa, be sua sran'm be wun aya.
Cuekee! Sran nga be nin Nyanmiɛn be tran klanman'n b'a wie mɛn'n nun, sran fi di-man nanwlɛ kun. Sran kunlɛ akunndan'n yɛ be bu-ɔ, ɔ lɛ-man be nun kun, be sua-sua be wiengu wun aya.
I sɔ'n ti'n, man amun nin jɔlɛ difuɛ dandan mun an `ko wun amún wun nan an yo kɛ an klo kɛ amun ´tietie Pɔl i ndɛ'n nun kpa sa. An `ko se sonja akpi su kpɛn'n kɛ ɔ fɛ i bla amun nyrun wa, e liɛ'n, y'a tanndan é wun, ɔ su ju-man wa bɔbɔ nan y'a kun i.»