Ngwlɛ Yilɛ 5:8 - NYANMIƐN NDƐ'N 1998

⁸ Kanga'm b'a kaci e min, e nyan-man sran nan ɔ'a de e bé sa nun .

Ngwlɛ Yilɛ 5:8 ပူးပေါင်းရင်းမြစ်များ

Bo Bolɛ 9:25

nan ɔ'a se kɛ: «Nán Kanaan yo kpa! Man ɔ yo i niaan'm be kanga klun kanga .»

Neemi 2:19

Kɛ Sanbalat b'ɔ ti Ɔrɔnfuɛ'n, ɔ nin i ukafuɛ Tɔbiza b'ɔ ti Amɔnfuɛ'n, ɔ nin Gesɛm b'ɔ ti Arab'n be tili ndɛ sɔ'n, be srili ye, yɛ be yoli ye fiaan. Be waan: «?Nguɛ yɛlɛ nga amun ´yo i lɛ'n? ?Kɛ ɔ o yɛ'n amun su jaso famiɛn'n i wun?»

Neemi 5:15

Be nga be dun mmua yoli nvle siefuɛ'n min nyrun'n, kɛ be ko kle sran'm be yalɛ'n yɛ be kleli-ɔ. Be ´de be aliɛ nan b'a de be nzan, nan b'a de be jɛtɛ ufue mma ablanan. Be sufuɛ mun bɔbɔ be kle sran'm be yalɛ wie. N liɛ'n, n nyin yi Nyanmiɛn i ti m'an yo-man sɔ.

Zɔb I Nyrɛnnɛn Wunlɛ 10:7

Kusu wuun a si jrɛiin kɛ m'an yo-man sa, yɛ a si kɛ sran fi kwla de-man min ɔ́ sa nun.

Zɔb I Nyrɛnnɛn Wunlɛ 5:4

I mma'm be nyan-man sran b'ɔ ´de be-ɔ. Sɛ ba sɔ'm be nin sran be nyan ndɛ'n, be bu be yi be su, yɛ be nyan-man sran b'ɔ ´jran bé sin-ɔn.

Jue Mun 50:22

Amun bɔ amún wla nun-man min su kun'n, amun `bu ndɛ nga n kannin'n i akunndan. Ɔ'a yo-man sɔ-ɔ, cɛn nga n ´jɔjɔ amun nun'n, sran fi su de-man amun.

Jue Mun 7:2

Anannganman min Nyanmiɛn, min waan n ´talo wɔ. De min be kwlaa bɔ be kle min yalɛ'n bé sa nun, yo man n nyan n ti.

Ezai 43:13

N ti sɔ laa lele yɛ ɔ'a ju yɛ. Sran fi kwla de-mɛn i sɔ yolɛ'n mín sa nun. Sɛ n yo like kun'n, sran fi kwlɛ-mɛn i kaci.»

Ndɛ Nga Nyanmiɛn I Nuan Ijɔfuɛ Oze Kannin'n 2:10

Ɔ'a wun-mɛn i wlɛ kɛ min yɛ m mɛnnin i aliɛ ng'ɔ di'n, nin nzan lɔflɛ ng'ɔ nɔn'n, ɔ nin ngo ng'ɔ kpakpa nin-ɔn. Yɛ ɔ'a wun-mɛn i wlɛ kɛ min yɛ m mɛnnin i jɛtɛ ufue nin sika ɔkwlɛ ng'ɔ fa yi sraka mannin amuɛn nga be flɛ i Baal nin-ɔn.

Zakari 11:6

N kusu, min Anannganman, n su si-man asiɛ'n su sran'm be aunnvuɛ wie kun. M ´man atin man sran'm be yo be wiengu'm be kanga, yɛ m ´man atin man be yo be famiɛn'm be kanga. Famiɛn'm be ´sanngan mɛn'n nun, sanngɛ n su de-man sran fi bé sa nun.»

Mmla'n 28:43

Aofuɛ nga be ´sike amun'n, be ´nyan nyrun tra amun tititi. Sanngɛ amun liɛ'n, amun ´kan ase tititi.