Ngwlɛ Yilɛ 5:7 - NYANMIƐN NDƐ'N 1998

⁷ E nannan'm bɔ be yoli be sa tɛ'n be nun-man nun kun. I sɔ'n kpɛkuun é ti su yɛ bé sa tɛ sɔ'n i trɔ'n ɔ'a taka-a .

Ngwlɛ Yilɛ 5:7 ပူးပေါင်းရင်းမြစ်များ

Bo Bolɛ 42:13

Be tɛli i su kɛ: «Nannan, é si wuli e blu-nin-nnyɔn. E fin Kanaan mɛn'n nun lɔ yɛ e ba-a. E nun kaan'n kali é si i wun lɔ. Kun kusu nun-man nun.»

Bo Bolɛ 42:36

Yɛ Zakɔb waan: «Amun dunman nun ti man min mma'm be kwlaa b'a fi mín sa. Zozɛf fili mín sa, Simeɔn ekun, kpɛkuun Bɛnzamɛn i falɛ ndɛ yɛ an su kɛn i ekun-ɔn. Min yɛ n fɛ i kwlaa sɔ'n i su afɛ nin-ɔn.»

Zɔb I Nyrɛnnɛn Wunlɛ 7:21

?Ɔ yo sɛ ti yɛ a yaci-man min wun sa'n cɛ-man min-ɔn? ?Ɔ yo sɛ ti yɛ ɔ́ wla fi-man min fɔnlɛ'n su-ɔ? Min yɛ m'an wie wu yɛ n la ndutre'n nun yɛ. Kɛ a wa ba min kunndɛlɛ'n, a su wun-man min kun.

Zɔb I Nyrɛnnɛn Wunlɛ 7:8

Wɔ bɔ a nian min su'n, a su wun-man min kun. Kɛ a ´nian-an, m'an tu anunman.

Ezipt Lɔ Tulɛ'n 20:5

Nán koto bé bo, nán su be, afin n ti Anannganman ɔ Nyanmiɛn yɛ n si kwla. Sɛ sran kun jaso mín wun'n, n tu i fɔ, n tu i nin i mma mun be fɔ lele n fa wlu i anunman'm be mma liɛ'm be nun.

Zeremi 14:20

Anannganman, e si kɛ e ti-man sɛsɛ ɔ nyrun. E si kɛ é si'm be yoli sa tɛ. Nanwlɛ e fɔnnin ɔ́ wun.

Zeremi 16:11

tɛ be su kɛ: ‹Anannganman'n waan: Amún si'm be yili min ase, be ko suli ninnge'm be su, be suli be, be kotoli be bo. Be yili min ase, b'a fa-man min mmla'n su.

Zeremi 16:12

Amun kusu sa tɛ nga amun yoli'n, ɔ trali amún si'm be liɛ'n. Amun waan amun klun klo akunndan liɛ'n cɛ yɛ amun ´fa su-ɔ. Ɔ lɛ-man amun nun kun. Ndɛ nga n kan'n, amun tie-man.

Zeremi 31:15

Anannganman'n wan yoo: «Kpanlɛ nin sunlɛ, ɔ nin awuyomo tɛ Rama lɔ. Rasɛl yɛ ɔ su sun i mma mun-ɔn. Ɔ kpli-man su kɛ be kpɛtɛ i, yɛlɛ kɛ i mma'm be nun-man lɛ kun .»

Zeremi 31:29

«Kɛ ɔ ko yo sɔ'n, be su se-man kɛ: ‹Siɛ'm be dili vinyi'n mma amuɛn'n, ɔ man ba kanngan'm be je'n ɔ'a nyan kun.›

Ezekiɛl 16:58

Ɔ nyannzuɛn nin tete sa nga a yoli be'n, i su afɛ'n yɛ a su suɛ i lɛ-ɔ. Min Anannganman Nyanmiɛn yɛ n kan sɔ-ɔ.»

Ezekiɛl 18:2

«?Nguɛ ti yɛ amun bu nyanndra nga Izraɛl lɔ tititi se kɛ: ‹Siɛ'm be dili vinyi mma amuɛn, ba mun yɛ be je'm be nyannin nin-ɔn?› »

Zakari 1:5

Amun nannan sɔ'm bé nyin nun-man su kun. Min nuan ijɔfuɛ'm be kusu be wieli wu.

Kalɛ 14:18

‹N ti Anannganman, n ti amlin difuɛ, yɛ min klun ti ufue kpa liɛ su. N di sa nga be yo min'n nin nyin kekle nga be yo i min su'n bé wun amlin. N jran-man sa tɛ yofuɛ'n i sin, n se-man kɛ ɔ'a yo-man sa tɛ. Kɛ sran kun yo sa tɛ'n n tu i fɔ lele fa wlu i anunman sian nin i anunman siansian'm be nun .›