Ngwlɛ Yilɛ 5:3 - NYANMIƐN NDƐ'N 1998

³ E lɛ-man si kun. E nin'm b'a ka angboti. Y'a ka e liɛ aika.

Ngwlɛ Yilɛ 5:3 ပူးပေါင်းရင်းမြစ်များ

Ezipt Lɔ Tulɛ'n 22:23

N ´fa ya amun wun, kpɛkuun n ´yo man alɛ ´di amun, yɛ amun yi'm be ´yo angboti, amun mma'm be kusu be ´ka aika.

Ezipt Lɔ Tulɛ'n 22:24

Sɛ min nvle'n i nunfuɛ kun b'ɔ ti yalɛfuɛ'n ɔ wa usa bosia ɔ sa nun'n, nán yo i kɛ sran bɔ sran sika wo i su'n sa, nán se i kɛ ɔ su i bo.

Zeremi 15:8

N yoli man be angboti mmla'm be yoli kpanngbangban, jenvie nuan aunnyan bɔbɔ ɔ ´fɛ i wun wɔ. N yoli man wia klakla kpa'n nun'n, like sacifuɛ'n ɔ wa tɔli sonja gbanflɛn'n i nin'n su. N yoli man i klun kpa'n suannin i sa kplala, kpɛkuun i wawɛ wanndili i wun.

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Ndɛ Nga Nyanmiɛn I Nuan Ijɔfuɛ Oze Kannin'n 14:3

An `sa amun sin bla Anannganman'n i wun. An `se i kɛ yoo: «Yaci é sa tɛ'm be kwlaa cɛ ye, manmanlɛ nga e manman wɔ'n, man ɔ yo wɔ fɛ! Nán yi ɔ́ nyin é wun, tɛ nga e ko yi e ko man wɔ'n, yɛlɛ wɔ ayɛ yilɛ nga e ´yi i yɛ'n.