Ngwlɛ Yilɛ 5:2 - NYANMIƐN NDƐ'N 1998

² Like ng'ɔ ti e aja like klonglo'n, kɛ e ´se yɛ'n, ɔ o sran wie'm bé sa nun. Sran ngbɛn'm be yɛ be tran e sua'm be nun-ɔn.

Ngwlɛ Yilɛ 5:2 ပူးပေါင်းရင်းမြစ်များ

Jue Mun 109:11

Man sran nga i kalɛ o i su'n ɔ fɛ i sa sie i bo ninnge'n kwlaa su. Man sran ngbɛn'm be fɛn i bo ninnge b'ɔ fɛli nan ɔ'a nyan be'n.

Ezai 1:7

Amun mɛn'n ɔ'a bo, sin'n ɔ'a di amun klɔ mun. Aofuɛ'm be fɛn amun bo ninnge mun amun bɔbɔ amun nyrun lɛ. Amun mɛn'n ɔ'a yo kɛ aawlɛ flɛnnɛn'n sa, ɔ ti kɛ sran wie mun b'a wlu mɛn kun nun b'a saci i sa.

Ezai 5:17

Bua'm be wa didi klɔ nvuɛn'n nun kɛ be fa yo i be didiwlɛ'n nun'n sa. Yɛ boli ba nga be ta be bé sa nun'n, be ´didi kan anyanbeunfuɛ'm be ninnge'm be o lɛ laa bɔ be sacili'n.

Ezai 63:18

E bɔ e ti ɔ nvle'n nunfuɛ mun'n, e trannin mɛn nga nun wa blɛ kaan sa. E kpɔfuɛ'm be sacili ɔ sua'n.

Zeremi 17:4

Aja nga n fa mannin amun'n, amun bɔbɔ ti man ɔ ´fi amun sa. N ´yo man amun kpɔfuɛ'm be ´tra amun kɔ mɛn wie bɔ amun si-mɛn i'n nun. Afin min ya'n b'ɔ jue kɛ sin sa'n amu'an sɔ i nuan. Ɔ ´jue lele be yo i like fi-ɔ ɔ su yo-man ye.

Zeremi 6:12

Bé sua'm be ´yo sran uflɛ'm be liɛ. Be fie mun nin bé yi mun be ´yo sran uflɛ liɛ wie. Mín sa ´kan mɛn nga nunfuɛ'm be kwlaa.» Anannganman'n yɛ ɔ kan sɔ-ɔ.

Ezekiɛl 7:21

Be anyanbeun ninnge sɔ'n, aofuɛ'm be ´fɛn, kpɛkuun mɛn'n nun finfinfuɛ'm be ´fa bé bo ninnge'n kɛ be kpɔfuɛ bɔ b'a kwla be'n bé fa fɛn bé bo ninnge'n sa, be ´yo ninnge sɔ'm be fiɛn.

Ezekiɛl 7:24

N wa fa nvle-nvlefuɛ wie mun bɔ be si-man aunnvuɛ'n m ´ba nan be wa de bé sua mun bé sa nun. Be nga be waan be ti tinwa kpa'n, n ´kuakua be. Be amuɛn sua'm be ´saci.

Ndɛ Nga Nyanmiɛn I Nuan Ijɔfuɛ Oze Kannin'n 8:7

Sɛ n ´kwla se'n, aunngban yɛ amun luali-ɔ, seke b'ɔ tu'n kusu yɛ amun wa ti-ɔ. ?Ble fekle'n, be fa yi sanmlɛn sɛ yɛ ɔ yo ye-ɔ? Sɛ bɔ be fa yi sanmlɛn'n aofuɛ mun yɛ be ´di-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 8:8

Izraɛl bɔbɔ yɛ man be mlinnin be wun-ɔn. Siɛn'n, be o nvle-nvle'm be afiɛn kɛ talie wie b'ɔ lɛ-man nyrun'n sa.

Sofoni 1:13

Be wa fɛn bé bo ninnge kpakpa mun, bé sua'm be wa bubu. Sua nga be wa kplan'n, be su tran-man nun, vinyi nga be wa ta'n, be su nɔn-mɛn i nzan .»