Ngwlɛ Yilɛ 5:18 - NYANMIƐN NDƐ'N 1998

¹⁸ Siɔn oka'n bɔ ɔ'a yo flɛnnɛn'n ti-ɔ. Ɔ'a kaci nsoso'm be kpitawlɛ.

Ngwlɛ Yilɛ 5:18 ပူးပေါင်းရင်းမြစ်များ

2 Famiɛn Mun 25:9

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Ɔ'a yaci-man sran kpakpa'm bé sua'n wie fi lɛ.

Neemi 4:3

Yɛ e srɛli e Nyanmiɛn'n, nan y'a sie sran kɛ be sasa ye kɔnguɛ nin wia su nan sɛ be nin ye ´ba kunlɛ-ɔ, be kan kle ye.

Jue Mun 63:10

Be bɔ be kunndɛ kɛ be ´kun min'n, man be bɔbɔ yɛ be wu be wɔ blɔlɔ-ɔ.

Ezai 64:9

Ɔ klɔ'm b'a kaci kɛ aawlɛ flɛnnɛn sa, Siɔn a kaci kɛ aawlɛ flɛnnɛn sa, Zerizalɛm klɔ'n i su a tɔ srololo.

Zeremi 17:3

Zerizalɛmfuɛ mun bɔ amun o oka b'ɔ o lika kpɛtɛkplɛɛ nun'n, sa tɛ nga amun yoli'n ti, amun amuɛn sɔwlɛ nga amun fa truli lika'n nun'n ti, n wa fa amun ninnge nin amun bɛ trɔ mun m ´man amún bo ninnge fɛnfuɛ mun.

Zeremi 26:9

?Wan yɛ ɔ tuli wɔ kɛ a se kɛ Anannganman'n waan: ‹Sua nga ´yo kɛ Silo fa yoli'n sa nan ɔ ´nunnun, nan sran su tran-man su kun nin-ɔn?› » Yɛ be kwlaa be ´kpɛ sin yia Zeremi Nyanmiɛn i sua'n i awlo'n nun-ɔn.

Zeremi 44:2

«Anannganman b'ɔ sie mɛn wunmuan'n, Izraɛl Nyanmiɛn'n wan yoo: ‹?Nyrɛnnɛn sa nga n fa yili Zerizalɛm nin Zida klɔ kun nga mun be su'n bɔ yɛ man andɛ b'a nunnun treketreke'n, amu'an wun-mɛn i?

Zeremi 44:6

I sɔ'n ti, m'an fa-man ya blɛblɛ, min ya'n jueli bé wun kɛ sin sa, ɔ yrali Zida klɔ mun nin Zerizalɛm mmuɛ mun, ɔ man siɛn'n, be wun-man like bɔ klɔ sɔ'm be fɛ i-ɔ, b'a tɔ sɔ srololo. Kɛ e ´ijɔ yɛ'n, sa ng'ɔ o be su'n yɛ ɔ o lɛ-ɔ.› »

Zeremi 52:13

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Sran kpakpa'm bé sua mun'n, ɔ'a yaci-man wie lɛ.

Zeremi 9:10

Anannganman waan: «N ´yo man Zerizalɛm nunnun mlɔnmlɔn. Ɔ ´yo nsoso'n be lawlɛ. N ´yo man Zida klɔ'm be tɔ srololo. Sran fi su tran-man be su kun.»

Zeremi 9:11

Sran ng'ɔ si ngwlɛlɛ'n b'ɔ wun sa sɔ'm be wlɛ'n, man ɔ kan. Sran nga Anannganman'n kannin ndɛ kleli i'n, man ɔ kan sa ti bɔ mɛn'n sacili'n, b'ɔ man ɔ'a tɔ srolo'n, bɔ sran fi sin-man nun'n.

Ezekiɛl 13:4

Izraɛlfuɛ mun, amun sran nga be tɔn be wun suɛn kɛ be ijɔ min nuan'n be ti kɛ solongbi bɔ be o sua nvuɛn'm be afiɛn'n sa.

Daniɛl 9:17

Siɛn'n, e Min e Nyanmiɛn, tie srɛlɛ tantrantan nga n srɛ wɔ yɛ'n. Nian ɔ bɔbɔ ti nan bu lika b'ɔ ti ɔ liɛ klonglo bɔ ɔ'a saci'n i akunndan.

Mise 3:12

Amun dunman nun ti, Siɔn ´kaci kɛ fie wie bɔ b'a tu i su kacɛ'n sa. Zerizalɛm ´bubu mlɔnmlɔnmlɔn, oka nga Nyanmiɛn i sua'n kplan su'n ɔ ´kaci bo .