Ngwlɛ Yilɛ 5:17 - NYANMIƐN NDƐ'N 1998

¹⁷ Ye anwlɛn b'ɔ ´kpɛ e klun'n, e nyinmuɛn b'ɔ ´jranjran é ti nun'n,

Ngwlɛ Yilɛ 5:17 ပူးပေါင်းရင်းမြစ်များ

Zɔb I Nyrɛnnɛn Wunlɛ 17:7

Min nyinma'n ɔ'a wie si klunngbɔ'n ti. Min wunnɛn'n ɔ'a yo kɛ nán min wunnɛn sa.

Jue Mun 31:9

A yi-man min a wla-man min kpɔfuɛ'm bé sa nun, wɔ man m'an di alaje.

Jue Mun 38:8

Min wunnɛn'n ɔ lo fiaan! Min wunnɛn'n i lika fi ti-man klonglo.

Jue Mun 6:7

Kɛ n kplin lele'n, kpɛkuun min wunmiɛn'n ɔ wie. Sunlɛ dunman nun ti min nyinmuɛn'n ɔ lua min bɛ'n kɔnguɛ kwlaa. Min nyinmuɛn nzue'n ɔ lua bɛ'n sa pɔtɔɔ!

Jue Mun 69:3

Nnɔtiɛ wie bɔ m'an tɔ nun'n, i bo'n ti kploun kpa. Mín ja'n nyan-man takawlɛ, m'an tɔ nzue'n i kploun kpa'n nun, ɔ su kpalo min kɔ.

Ezai 1:5

?Amun bɔ amun jin nyin kekle yolɛ'n su sa tititi'n, ninfan yɛ be fin amun like-ɔ ɔ yo ye ekun-ɔn? Amún ti'm be kwlaa be su ti kannin ngunmin kokoko. Yɛ amun keje amun wun-ɔn ɔ yo-man ye kun.

Ezai 38:14

N kpan fie fie kɛ alialia b'ɔ tu sin'n sa. N kplin kɛ auble sa. N kwla fa-man min nyinma n nian-man nyanmiɛn su lɔ kun. Awlaboɛ'n wo mín su dan, bla wa uka min.

Zeremi 46:5

«?Nguɛ sa-a? ?Nguɛ yɛ n sun i-ɔ? Be wawɛ yɛ ɔ'a wanndi bé wun yɛ. B'a kaci bé ja sin. Be alɛ kunfuɛ'm b'a gua flɛnnɛnnɛn! Be ´wanndi be ´kɔ siɛn nin-ɔn be nian-man bé sin kun. Lika'n kwlaa ɔ'a sanngan.» Anannganman yɛ ɔ kan sɔ-ɔ.

Zeremi 8:18

Min akunndan ɔ'a sanngan. N wun-man min wun yowlɛ kunngba. Mín sa sin ɔ'a bubu min.

Ngwlɛ Yilɛ 1:13

Ɔ jran nglo lɔ toli sin yili min su, ɔ yo man sin sɔ'n ɔ yra min owie nun lɔ fiaan! Ɔ suali mín bo aya, ɔ finndinnin min yili i lɔ. Ɔ man sran fi mantan-man min, n wo nyrɛnnɛn nun sa tititi.

Ngwlɛ Yilɛ 1:22

Nán ɔ́ wla fi be klun wi'n su. Sa nga a fa yoli min'n, mín nyin kekle'n ti-ɔ, fɛ i sɔ sa'n yo be wie. M'an kplin lele min anwlɛn ba'n ɔ yo min ya siɛn'n.»

Ngwlɛ Yilɛ 2:11

M'an sun lele min nyinma'n ɔ'a bloblo min ti nun siɛn'n. Min anwlɛn'n ɔ'a kpɔtɔ min klun. Be `nian sa yalɛ bɔ ɔ'a nyan min nvle nin-ɔn, i ti min wla ti bowa. Be `nian ba kanngan mun nin ba nɔnman mun bɔ b'a glɔ klɔ gua'n su-ɔ!

Ezekiɛl 21:15

Sran'm be sacilɛ ti yɛ be sili i nnana sɔ nin-ɔn. Be sili i nnana kɛ be ´toto nan ɔ bo mianmianmian.

Ezekiɛl 21:7

«Klɔ sran, kpɛ ɔ́ nyin Zerizalɛm su lɔ, kan min ndɛ'n wɔ min sua mun. Kan sa ng'ɔ wa ju Izraɛl mɛn'n su'n i ndɛ.

Saun Yolɛ 26:36

Amun nun be nga bɔ be ´nyan nguan amun kpɔfuɛ sɔ'm be nvle'n nun lɔ'n, akluntitiɛ yɛ n ´fa yi be su-ɔ. Nnya kee ngbɛn bɔ aunngban'n ´keje wɛkɛ sa'n, san be ´wanndi. Be ´wanndi kpa kɛ be nin sran yɛ bé su kun yɛ ɔ'a cuɛn tokofi wie bé wun sa. Sɛ sran fuan-man be bɔbɔ'n, sanngɛ be ´wanndi lele be ´tɔ sa gbuɔ.

Mise 6:13

I sɔ'n ti kusu sa nga n ´fa wla amun nun'n ti-man blɛblɛ, amún tɛ'm be dunman nun ti. Sa nga amun si-mɛn i'n, n wa kle amun.

Mmla'n 28:65

Kɛ amun wo nvle sɔ'm be nun lɔ'n, amún wla su gua-man ase. Amun su nyan-man lika kun bɔ amun ´tran nun amun ´de wunmiɛn-ɔn. Anannganman ɔ ´yo man kokolɛ'n yɛ amun ´koko-ɔ, amun ´nian ninnge mun sa saa, amun wla'n ɔ ´bo.