Ngwlɛ Yilɛ 5:1 - NYANMIƐN NDƐ'N 1998

¹ Sa nga ɔ'a ju e su yɛ'n, Anannganman, nán ɔ́ wla fi. Ɔ bɔbɔ nian sokpalɛ bɔ y'a sokpa-a.

Ngwlɛ Yilɛ 5:1 ပူးပေါင်းရင်းမြစ်များ

Neemi 1:3

Be seli min kɛ be nga be fin kanga nun ɔli'n be tran Zida akpasua'n su lɔ, yɛ be o nyrɛnnɛn nin nyannzuɛn'n nun. Be seli min ekun kɛ Zerizalɛm klɔ'n kusu i talɛ'n wie ɔ'a bu, yɛ be wɔli i anuan'm be nun.

Neemi 1:8

Sanngɛ man ɔ́ wla kpɛn ndɛ nga a fa wlali ɔ sufuɛ Moiz nuan kɛ ɔ kan kle ye'n su . Ɔ waan sɛ e yo sa tɛ'n, wɔ man e ´bo sanndi nvle uflɛ'm be nun,

Neemi 4:4

Zidafuɛ'm be waan: «Junman difuɛ'm b'a fɛ. E kplan talɛ nga-a, ɔ su yo-man ye, afin ɔ bubuli dan.»

Zɔb I Nyrɛnnɛn Wunlɛ 10:9

Ɔ bɔbɔ a si kɛ a fali fa yɛ a fa yili min kɛ be fa wu sɛ'n sa-a. Nán man ɔ́ wla fi su. ?Siɛn'n, a su yo nan n kaci ndutre ekun?

Zɔb I Nyrɛnnɛn Wunlɛ 7:7

Ee Nyanmiɛn, ɔ bɔbɔ a si kɛ min nguan'n ti kɛ aunngban sa. N su nyan-man alaje kun le.

Jue Mun 119:153

Nian min nyrɛnnɛn'n bɔ n wun i'n nan de min, afin mín wla fi-man ɔ mmla'n su.

Jue Mun 74:18

Anannganman, man ɔ́ wla kpɛn su kɛ ɔ kpɔfuɛ'n ɔ wɔ ɔ safle. Man ɔ́ wla kpɛn su ekun kɛ nvle nga nun sran'm be sinnzin'n ti, be yo wɔ finfin.

Jue Mun 79:12

Min Min, be nga be mɛn'n mantan e liɛ'n b'a klɔklɔ wɔ. Ɔ nzowa nga be kpɛli wɔ'n, man be nyɛn i su sa sɔ kpɛ nso.

Jue Mun 79:4

Be nga be lika'm be mantan e wa'n, be kpɛ e nzowa. Be nga be mɛn'm be sin yia e liɛ'n, be yo e finfin, be srisri ye.

Ezai 62:6

Zerizalɛm, n fali be bɔ be kpla klɔ'n be wie sieli ɔ talɛ'n su. Kɔnguɛ nin wia su be su muan-man bé nuan. Amun nga amun yo bɔ Anannganman i wla kpɛn Zerizalɛm su'n, nán amun de wunmiɛn.

Zeremi 15:15

Anannganman, ɔ bɔbɔ a si min. Nán ɔ́ wla tra min su, nian min lika. Tu min klunngbɔ be bɔ be kle min yalɛ'n be su. Nán man ɔ ya bɔ a fɛ-mɛn i ndɛndɛ'n ti sa `nyan min. Ɔ bɔbɔ nian, nyannzuɛn nga n ´wun i yɛ'n, ɔ dunman nun yɛ n wun i-ɔ.

Zeremi 51:51

«Ee! Kɛ e ko wun nyannzuɛn'n yɛ e wunnin i-ɔ. Kɛ aofuɛ'm be wluli Anannganman'n i sua nun'n, bɔ be ´kpɛ nzowa'n, é nyin'n guali ase kekleke!»

Ngwlɛ Yilɛ 1:11

Izraɛlfuɛ'm be kwlakwla be su kplin. Be sa sin ɔ'a bubu be bé nuan nun aliɛ bɔ be nyɛn-mɛn i'n ti. Be ninnge kpakpa mun'n, be fa toli aliɛ kɛ ɔ ko yo nan b'a nyan wunmiɛn kan'n ti. Zerizalɛm waan: «Anannganman, nian kɛ m'an sokpa-a!»

Ngwlɛ Yilɛ 1:20

Anannganman, nian min nyrun bɔ n ´wun i-ɔ. Min anwlɛn'n ɔ'a kpɔtɔ min klun. Min akunndan'n ɔ'a sanngan min klun sa mlɔnmlɔn nyin kekle bɔ n yoli'n i dunman nun. Alɛ'n ɔ'a di min mma mun klɔ gua'n su. Kɛ a wlu sua'm be nun'n ɔ waan be bɔ b'a wu'n be sua-a.

Ngwlɛ Yilɛ 1:9

I mannza mmoja'n wo i tralɛ nun badaa. Sa ng'ɔ juli i su'n ɔ fuli i bɔbɔ nun. I nyin b'ɔ bo i bla-a ɔ'a tɔ. Sran bɔ kun sa ɔ'a fɔnvɔ-mɛn i. Yɛ i waan: «Anannganman, nian nyrɛnnɛn bɔ n wo nun-ɔn, nian kɛ min kpɔfuɛ'n ɔ'a kwla min b'ɔ nyinmɛn-nyinmɛn i wun-ɔn.»

Ngwlɛ Yilɛ 2:15

Be kwlaa nga be sin wa'n, kɛ bé wun ɔ sacilɛ bɔ ɔ'a saci'n, ɔ yo be fɛ, be bo ndɛ. Srilɛ'n yɛ be sri wɔ-ɔ. Be keje be ti'n yɛ be usa kɛ: «?Zerizalɛm klɔ nga be blɔ i klanman beblebe'n, b'ɔ ti asiɛ'n wunmuan'n i cenjele like'n, yɛ ɔ'a yo yɛ?»

Ngwlɛ Yilɛ 2:20

Anannganman, sran nga a yoli be sa ya lɛ'n, nian be kpa nian. ?Bla kun bɔbɔ i klun ba b'ɔ cuɛnnin wuli i'n, b'ɔ yɛyɛli i lele'n, kɛ ɔ ´kun i di i sa-a? ?Kɛ be ´kun ɔ nyrun jranfuɛ nin ɔ nuan ijɔfuɛ mun ɔ́ sua nun'n sa-a?

Ngwlɛ Yilɛ 3:19

Min nyrɛnnɛn nin min nyrun bɔ n wun i'n, kɛ mín wla kpɛn su'n, ɔ yo kɛ b'a saci like b'a man min sa.

Ngwlɛ Yilɛ 3:50

A ´wun kɛ min nyinmuɛn'n ɔ ´kpɛ'n, wuun kɛ Anannganman o nglo lɔ'n ɔ'a kpɛ i nyin ase ɔ'a nian min wa.

Ngwlɛ Yilɛ 3:61

Nzowa nga be kpɛli min'n, Anannganman, a wunnin i. Gugulɛ tɛ nga be guguli mín wun'n, a wunnin i.

Abakik 3:2

Anannganman, ɔ sa dandan nga a yoli be'n, be kannin bé wun ndɛ n tili. Ɔ man n sro wɔ. Blɛ'n kwlakwla, yo i sɔ sa mun ekun kle ye. Kannzɛ bɔ a fa ya'n, sanngɛ ɔli yi ɔ klun-ufue'n i nglo kle ye ekun.

JÉSUS-CHRIST I DYASIN FE'N BO LUC KLELI'N 23:42

Yɛ ɔ seli kɛ: «Jésus, blɛ nga a wa di ɔ famiɛn'n, bu min akunndan.»