Ngwlɛ Yilɛ 4:9 - NYANMIƐN NDƐ'N 1998

⁹ Be nga alɛ'n ɔ dili be'n, be wulɛ liɛ'n ɔ flunman tra be nga bɔ b'a wiewie lele b'a tra wiewielɛ su bɔ awe'n man be wu'n.

Ngwlɛ Yilɛ 4:9 ပူးပေါင်းရင်းမြစ်များ

2 Famiɛn Mun 25:3

Awe kpɛnnin yɛ ɔ yoli dan klɔ'n nun. Siɛn'n, be nyan-man like be di-mɛn i kun. Anglo nnan'n i le ngwlan su'n,

Ezipt Lɔ Tulɛ'n 16:3

Izraɛlfuɛ'm be waan: «Sɛ ɔ ti kɛ Anannganman kunnin ye Ezipt lɔ i nun bɔ e ti nnɛn sɛ'm be sin'n, bɔ e nyan aliɛ kpa e di'n, wuun ɔ yoli kpa. Kpɛkuun amun fali e bali aawlɛ flɛnnɛn nga nun wa kɛ awe'n nunnun e ngba.»

Ezai 22:2

amun bɔ amun klɔ'n i nun ti sran ngunmin'n, bɔ i nun ti wluwluwlu'n, bɔ be kan ngowa nun klanman'n? Amun sran nga like yoli be'n, nán tokofi yɛ be fa yoli be like sɔ nin-ɔn. Nán alɛ nun yɛ be ´wu-ɔ!

Zeremi 16:4

«Be ´wu nyrɛnnɛn wie, sran fi su sun-man be, be su sie-man be. Be fuɛn'n ɔ ´kplɔ, ɔ ´yo kɛ angrɛ sa asiɛ'n su. Alɛ'n nin awe'n ´di be. Be fuɛn'm be ´yo apɛtɛkuasi nin nsoso'm be aliɛ.»

Ezekiɛl 24:23

Amún ti wun tannin'm be ´ka lɛ, amun ngbabua'm be ´ka amún ja, amun su sun-man, amun su yo-man sɛ. I kusu'n, amun wa yo kokloo amun sa tɛ'm be ti, yɛ sran kun ɔ wa bo i wiengu su awuyomo .

Ezekiɛl 33:10

«Wɔ, klɔ sran, se Izraɛlfuɛ'm be kɛ, amun se kɛ: ‹E sa tɛtɛ nga e yo be'n nin é nzuɛn tɛ'm be jin e ti su kɛ trɔ sa. I sɔ'n ti yɛ e su wie nin-ɔn. ?E ´yo sɛ nan y'a nyan nguan?›

Ezekiɛl 4:16

Ɔ seli min ekun kɛ: «Klɔ sran, n wa saci Zerizalɛm lɔ ninnge bɔ be ti dilɛ ninnge'm be kwlaa. Sɛ be ´di like o, sɛ be ´nɔn nzan o, san be ´sunnzun. Kpɛkuun srɛ wa kun be kpa .

Ezekiɛl 7:15

«Alɛ'n ɔ ´di sran mun gua'n su lɔ. Tukpacɛ b'ɔ sa ndɛndɛ'n nin awe'n kusu be kun sran mun sua'm be nun. Amun afiɛn sran ng'ɔ o blo lɔ'n, alɛ yɛ ɔ ´di i-ɔ. Sran ng'ɔ o klɔ'n nun wa'n, awe ɔ nin tukpacɛ b'ɔ sa ndɛndɛ'n yɛ be ´kun i-ɔ.

Saun Yolɛ 26:39

Amun nun be nga b'a wu-man lɔ'n, ´yo kokloo amun bɔbɔ ɔ nin amun nannan mun amún sa tɛ nga amun yoli'n ti.»

Mmla'n 28:51

Be ´di amun nnɛn mun nin amun fie'm bé su aliɛ mun lele san amun ´wie nunnun. Amun ble, nin amun nzan lɔflɛ, nin amun ngo, nin amun nannin'm be mma mun, nin amun bua'm be mma mun, ɔ nin amun boli'm be mma mun'n, be su yaci-man wie fi lɛ. Yɛ amun bɔbɔ amun ´wie wu.