Ngwlɛ Yilɛ 4:7 - NYANMIƐN NDƐ'N 1998

⁷ Famiɛn'm bɔ laa be ti saun Nyanmiɛn nyrun'n, bɔ fiɛn kaan sa nun-man bé wun'n, famiɛn'm bɔ laa be wunnɛn ba sa'n, sɛ i waan ɔ loko'n ɔ loko kɛ likɛ'n, bɔ be nyrun'n ɔ ti sa mlanmlanmlan'n,

Ngwlɛ Yilɛ 4:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 28:16

Be fa-man Ɔfir sika ɔkwlɛ'n be sunnzun-mɛn i. Be kwla fa-man yɛbuɛ kpakpa nga be flɛ i oniks annzɛ safir'n be sunnzun-mɛn i.

Zɔb I Nyrɛnnɛn Wunlɛ 28:18

Kɔrail nin kristal'n be liɛ'n, be bo-man bé su be di-man jɔlɛ bɔbɔ. Ngwlɛlɛ'n i silɛ'n, i kpa tra afle mma gua kpan'n.

Jue Mun 144:12

E mma yasua'm be nyin trele be gbanflɛn nun kɛ waka sa. E mma bla'm be nyin talua, be ti kɛ famiɛn sua'm be nun kofiaja nga be sɛ be klanman'n sa.

Jue Mun 51:7

Nian, sa tɛ nun yɛ be wuli min-ɔn, afin sa tɛ nun yɛ min nin wunnzɛli min-ɔn .

Ezipt Lɔ Tulɛ'n 24:10

Be wunnin Izraɛl Nyanmiɛn'n, i ja'm bé siesie like su. Like sɔ'n ti kɛ like wie yɛ be fali yɛbuɛ kpakpa nga be flɛ i Safir b'ɔ ti nglannglan'n be yoli sa. Ɔ ti ble klanman kɛ nyanmiɛn ble'n sa.

Ngɔjue Fɛfɛ Kpa'n 5:10

Min adeba'n ɔ ti sa ɔkwlɛ biaii. Sɛ ɔ o sran akpi blu (10.000) be afiɛn bɔbɔ'n, i wlɛ wunlɛ yo-man ya.

Ngɔjue Fɛfɛ Kpa'n 5:15

A wun i ja mun-ɔn, ɔ waan marbru ufue wie yɛ b'a sɛsɛ i mlomlo nan b'a fa kplankplan sika ɔkwlɛ like wie nun sa. Sika ɔkwlɛ sɔ'n ti jrɛiin kpa. Kɛ ɔ jin sa'n, ɔ yo nyɛnmɛn o, ɔ waan Liban lɔ oka wie-ɔ! Kɛ ɔ jin sa'n, ɔ ti sɔ seiin, ɔ waan sɛdri waka wie-ɔ.

Daniɛl 1:15

Kɛ be wieli cɛn ba blu'n i di'n, be nyrun'n yoli mlanmlan kpɛkuun be wunnɛn bali bé wun trali gbanflɛn nga be di aliɛ kunngba nga famiɛn di'n wie'n mun.

JÉSUS-CHRIST I DYASIN FE'N BO LUC KLELI'N 1:15

Afin ɔ ´yo sran dan e Min Nyanmiɛn'n nyrun, ɔ su nɔn-man nzan b'ɔ bo'n i wie fi, ɔ nin Nyanmiɛn Wawɛ'n fin blɔlɔ .

Jɔlɛ Difuɛ Mun 13:5

A wa wunnzɛ yɛ a wa wu ba yasua kun. Ba nga a wa wu i lɛ'n, nán man like bɔ be fa yi tre'n kɛn i ti'n le, afin ba sɔ'n ɔ ´yo Nyanmiɛn liɛ mlɔnmlɔn. I yɛ ɔ wa bo Izraɛl nvle i delɛ'n bo Filistifuɛ'm bé sa nun-ɔn.»

Jɔlɛ Difuɛ Mun 13:7

Ɔ seli min kɛ: ‹A wa wunnzɛ, a ´wu ba yasua kun. Ɔ man kɛ ɔ fin ndɛ'n, nán nɔn nzan annzɛ nzan kekle fi, nán di like fiɛn wie fi. Ba nga a wa wu i'n, kɛ ɔ fin i nin klun'n lele nin i wie'n, ɔ ti Nyanmiɛn i liɛ.»›

Jɔlɛ Difuɛ Mun 16:17

Yɛ ɔ tuli i klun kleli i-ɔ. Ɔ seli i kɛ: «Kɛ n fin min nin klun m ´ba'n, n ti Anannganman i liɛ, i ti like nga be fa yi tre'n wie nian kan-man mín ti'n le. Sɛ be yi mín ti'n, min wunmiɛn dan'n ´jaso min nun yɛ n ´kaci kɛ sran kun nga'm be sa.»

1 Samiɛl 16:12

Yɛ Izai man be ko flɛli i-ɔ. Gbanflɛn sɔ'n ti kpinndin-kpinndin, i nyinma'm be ti cɛnjɛiin, i nyrun'n ti saun kpa, yɛ Anannganman seli Samiɛl kɛ: «Jaso guɛ i ti su ngo, i-ɔ.»