Ngwlɛ Yilɛ 4:5 - NYANMIƐN NDƐ'N 1998

⁵ Sran nga b'a di aliɛ kpakpa'n lele ɔ'a ka be nun'n, a ´nian-an b'a glɔ awe'n dunman nun. Be nga bɔ kɛ ɔ fin be kaan nun lele sika ɔkwlɛ'n i nun yɛ be la kondo'n, a kɔ ´nian-an, be jin ofuɛ'n su be su kunndɛ like.

Ngwlɛ Yilɛ 4:5 ပူးပေါင်းရင်းမြစ်များ

2 Samiɛl 1:24

Izraɛl talua mun, amun `sun Sail bɔ man amun wla tralɛ klanman nin tralɛ kpakpa mun'n, b'ɔ fa sika ɔkwlɛ ninnge mun sie su'n.

2 Famiɛn Mun 18:27

Safunyrɛn'n tɛli be su kɛ: «?Amun bu i kɛ amun nin amun min'n amun ngunmin yɛ e min liɛ'n sunmannin ye kɛ e wa kan ndɛ nga e kle amun-ɔn? Sran nga be o klɔ'n i wun talɛ'n su'n, be ti yɛ m bali i kanlɛ-ɔ. Ɔ cɛ kan-an, amun nin sran sɔ mun amun sewie'n yɛ amun wa di-ɔ, yɛ amun mmie'n yɛ amun wa nɔn-ɔn!»

Zɔb I Nyrɛnnɛn Wunlɛ 24:8

Oka'm be su nzue ng'ɔ ´to'n, ɔ bo be. Be nyan-man fiawlɛ, i sɔ'n ti be fa bé sa'n to bla yɛbuɛ'n.

Nyanndra Mun 31:21

Ayrɛ blɛ nun'n, ayrɛ kpɛkpɛ kpa'n nun bɔbɔ'n, i klun ti-mɛn i. Afin i awlofuɛ'm be kwlaa be lɛ ayrɛ tralɛ sɛsɛsɛ.

Ngwlɛ Yilɛ 1:11

Izraɛlfuɛ'm be kwlakwla be su kplin. Be sa sin ɔ'a bubu be bé nuan nun aliɛ bɔ be nyɛn-mɛn i'n ti. Be ninnge kpakpa mun'n, be fa toli aliɛ kɛ ɔ ko yo nan b'a nyan wunmiɛn kan'n ti. Zerizalɛm waan: «Anannganman, nian kɛ m'an sokpa-a!»

JÉSUS-CHRIST I DYASIN FE'N BO LUC KLELI'N 15:16

Ɔ klo kɛ ɔ ´di aliɛ nga kɔkɔti'm be di'n wie, sanngɛ sran fi a mɛn-mɛn i .

JÉSUS-CHRIST I DYASIN FE'N BO LUC KLELI'N 16:19

«Laa bian anyanbeunfuɛ kun o lɛ, ɔ kla ago nin tannin kpakpa, cɛn kwlaa ɔ di fɛ.

JÉSUS-CHRIST I DYASIN FE'N BO LUC KLELI'N 7:25

?Sɛ nán ndɛma'n, wuun nguɛ yɛ an ɔli i nianlɛ-ɔ? ?Sran b'ɔ wla tralɛ kpakpa-a? Amun `nian, sran nga be wla tralɛ kpakpa'n bɔ be lɛ ninnge nglanman'n, be fin famiɛn'm be awlo.

1 Timote 5:6

Sanngɛ angboti nga mɛn dilɛ'n yo i fɛ'n, kannzɛ i nyin o su'n, ɔ ti kɛ ɔ'a wu sa.