Ngwlɛ Yilɛ 4:3 - NYANMIƐN NDƐ'N 1998

³ Ɔliɛ nsoso mun bɔbɔ be man be mma'm be nyɔnflɛn. Sanngɛ min nvle i nun mmla mun be klunwi liɛ'n nga b'a yo'n ɔ waan klɔnsoklo bɔ be o aawlɛ flɛnnɛn nun lɔ'n sa.

Ngwlɛ Yilɛ 4:3 ပူးပေါင်းရင်းမြစ်များ

1 Famiɛn Mun 3:21

Nglɛmun n jasoli nan m ´man mín wa'n i nyɔnflɛn-ɔn, ba fuɛn yɛ. Yɛ n niɛnnin i siin, kpɛkuun n wunnin i kɛ nán mín wa bɔ n wuli i nin-ɔn.»

Ezai 13:22

Gboklo'm be ´nyan tranwlɛ klɔ'n nun sua dandan'm be nun, yɛ nsoso'm be ´nyan tranwlɛ sua kpakpa'm be nun. Babilɔni i blɛ'n wa mantan, ɔ su ba, be su tu-mɛn i cɛn'n kɔ-mɛn i sin kun.

Ezai 34:13

Famiɛn'm bé sua'm be wa kaci susrɛ. Flɔn nin owie-owie'm be ´fifi fiawlɛ sua'm be nun. Nsoso mun yɛ be ´tran sua sɔ'm be nun-ɔn, klɔnsoklo mun yɛ be ´la lɛ-ɔ.

Ezai 49:15

Anannganman tɛli su kɛ: «?Bla ta kun wla fi i wa'n su? ?Ɔ si-mɛn i bɔbɔ i klun ba'n i aunnvuɛ? Kannzɛ i wla fi i wa'n su bɔbɔ'n, sanngɛ min liɛ'n, mín wla su fi-man amun su le.

Zeremi 19:9

Be kpɔfuɛ mun nin be bɔ be klo-man be nin nguan'n, be wa sanngan be nun. Nyrɛnnɛn nga be ´fa yi be su'n, i dan liɛ'n be flɛ-man. N ti man be ´di be mma'm be nnɛn'n, yɛ be ´di be wiengu nnɛn.»

Ngwlɛ Yilɛ 2:20

Anannganman, sran nga a yoli be sa ya lɛ'n, nian be kpa nian. ?Bla kun bɔbɔ i klun ba b'ɔ cuɛnnin wuli i'n, b'ɔ yɛyɛli i lele'n, kɛ ɔ ´kun i di i sa-a? ?Kɛ be ´kun ɔ nyrun jranfuɛ nin ɔ nuan ijɔfuɛ mun ɔ́ sua nun'n sa-a?

Ngwlɛ Yilɛ 4:10

Ɔliɛ bla ta bɔ be klo-man be mma mun aɔwi'n, be bɔbɔ be tɔnnin be mma mun kplɔkplɔkplɔ! Be fa be yoli nnɛn be dili awe dan bɔ bli be nun'n i dunman nun .

Ezekiɛl 5:10

Klɔ'n su siɛ'm be wa fa be mma mun yo nnɛn be ´di, yɛ ba'm be ´fa bé si nin be nin mun yo nnɛn be ´di. N wa tu amun fɔ, be kwlaa nga be ´ka lɛ'n, n ´yo man be ´bo sanndi mɛn wunmuan'n nun zaun .›

Saun Yolɛ 26:29

Siɛn'n, amun ´di amun bɔbɔ amun mma'm be nnɛn .

Rɔmfuɛ Mun 1:31

be wun-man sa wlɛ, sa nga be se kɛ be `yo'n, be yo-man, be klo-man be osufuɛ mun bɔbɔ, yɛ sran yo-man be annvɔ.