Ngwlɛ Yilɛ 4:22 - NYANMIƐN NDƐ'N 1998

²² Siɔnfuɛ mun, amun sa tɛ'n i nuan akatua'n ɔ'a wie yia. Be su tra-man amun lomuɛn kɔ-man mɛn wie nun kun. Edɔmfuɛ mun, amun sa tɛ liɛ'n i nuan akatua i manlɛ blɛ'n yɛ ɔ'a ju-ɔ. Sa tɛtɛ nga amun yoli'n, be ´bo i jɔ .

Ngwlɛ Yilɛ 4:22 ပူးပေါင်းရင်းမြစ်များ

Jue Mun 137:7

Anannganman, nán ɔ́ wla fi Edɔmfuɛ'm be su. Kɛ nyrɛnnɛn'n ɔ tɔli Zerizalɛm su'n, be yɛ be seli kɛ: «An `kpu klɔ'n su treketreke, an `kpu su lele to i bo ase wlawlɛ'n.»

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

Ezai 52:1

Amun `tinnge! Amun `tinnge! Siɔnfuɛ mun, amun `jran kekle! Zerizalɛmfuɛ mun, amun bɔ amun tran Nyanmiɛn i klɔ'n su'n, amun `wla amun cɛn dilɛ tralɛ mun! Afin be bɔ be wla-man klɛn'n, bɔ be ti fiɛn'n, be su wlu-man wa kun .

Ezai 60:18

Sa kekleekle tɛtɛ bɔ be yo'n, be su ti-man be ngan ɔ mɛn'n nun kun. Be su ti-man like sacilɛ'n i ngan ɔ nin awlaboɛ ndɛ mun ɔ́ mɛn'n nun kun. A wa tɔn talɛ ng'ɔ sin yia wɔ'n i dunman kɛ Bé Ti Nyanlɛ Talɛ. Yɛ a wa flɛ wɔ anuan'm be kɛ Nyanmiɛn i Manmanlɛ.

Zeremi 32:40

E nin be e ´tra aenguɛ kun b'ɔ su sin-man le. N su kaci-man min sin n si-man be kun. N ´di be nɛnnɛn. N ´yo man be sro min nan b'a kaci-man bé sin b'a si-man min.

Zeremi 33:7

N ´fa Zidafuɛ nin Izraɛlfuɛ nga be trali be lomuɛn ɔli'n m ´ba. N ´fa be n ´sie be osu laa'n nun.

Zeremi 33:8

N ´salo bé wun fiɛn'n kwlakwla, sa nga b'ɔ man be nin min ye afiɛn fɔnnin'n, n ´salo be. N ´yaci bé sa tɛ mun n ´cɛ be. Sa tɛ nga b'ɔ man be nin min ye afiɛn fɔnnin'n, n ´yaci n ´cɛ be. Sa tɛ nga be yoli'n, nyin kekle bɔ be yoli min su'n, n ´yaci n ´cɛ be.

Zeremi 49:10

Sanngɛ min liɛ'n, n ´fɛn Ezau bo ninnge'n ngba. I ninnge fiawlɛ mun, n ´yi be kwlaa be nglo. Amun fia min nyrun-ɔn, ɔ su yo-man ye. Amun osu liɛ wunmuan'n, ɔ ´nunnun treketreke. Amun liɛ'n, amun mantanfuɛ bɔ kun su ka-man lɛ nan se kɛ ɔ ´fɔnvɔ amun ´se kɛ:

Zeremi 50:20

I blɛ sɔ nun'n, be ´kunndɛ sa tɛ nga Izraɛl yoli'n lele ngbɛn. Be su wun-mɛn i le. Sa tɛ nga Zida yoli'n, be ´kunndɛ lele ngbɛn. Be su wun-man kan ɔ sinnin-ɔn. Afin be bɔ n yacili be lɛ'n, n ´yaci bé wun sa n ´cɛ be .

Ngwlɛ Yilɛ 4:21

Edɔmfuɛ mun, amun li man amun klun jɔ, amun `bo sro. Sanngɛ fɔ bulɛ'n ɔ wa tɔ amun su wie. Ɔ ´yo kɛ nzan sa, amun ´nɔn ´bo. Amun ´kpɛ bé bo nyanman nun .

Ngwlɛ Yilɛ 4:6

Sodɔmfuɛ'm be nunnunlɛ'n ɔ yoli be nyinma bulɛ kun nun. B'a wun-man bé wun yowlɛ bɔ mlɔnmlɔn. Sanngɛ be sa tɛ liɛ'n fɛ i wun wɔ, afin min nvle nunfuɛ'm be sa tɛ liɛ nga be yoli'n, ɔ ti dan tra be liɛ'n .

Ezekiɛl 37:28

Yɛ nvle-nvle kun nga'm be wa si jrɛiin kɛ n ti Anannganman nan n fali Izraɛl n sieli i ngunmin kɛ ɔ `su min. Blɛ bɔ min sua'n ɔ wa taka be afiɛn'n, b'ɔ ´ka lɛ tititi'n yɛ be wa si sɔ-ɔ.› »

Ezekiɛl 6:12

Sran ng'ɔ o mmua'n, tukpacɛ b'ɔ sa ndɛndɛ'n yɛ ɔ ´kun i-ɔ, sran ng'ɔ o koko'n, alɛ yɛ ɔ ´di i-ɔ. Sran ng'ɔ ka klɔ'n nun lɛ'n, sɛ be utu klɔ'n, awe yɛ ɔ ´kun i yɛ ɔ wu-ɔ. N ´yi min ya tɛtɛ kpa'n i nglo n kle be.

Abdias 1:10

«Kɛ bɔ yɛ amun fɛnnin amun niaan Zakɔb i anunman'm bé bo ninnge'n, bɔ amun yoli be tɛtɛ'n, i ti amun kusu nyannzuɛn ´kun amun lele san amun ´wie nunnun weiin.

Malasi 1:3

kpɛkuun m'an klo-man Ezau sa wie. A kpɛn i lika'n nun oka'm be su sa'n, ɔ ti nyrɛnnɛn ngbɛn, n fɛli i lika'n m mannin aawlɛ flɛnnɛn'n nun nsoso mun.

Malasi 1:4

Sɛ Edɔmfuɛ'm be se kɛ: ‹B'a bubu e klɔ mun, sanngɛ e ´kplan be uflɛ'n.› I kusu m bɔbɔ min Anannganman bɔ n sie mɛn wunmuan'n, n ´se be kɛ yoo: ‹Be li man be kplan, sanngɛ n liɛ kusu nga n si i'n, yɛlɛ i bubulɛ. Ɔ man be ´flɛ be kɛ Klunwi Klɔ, wie kusu-ɔ, mɛn bɔ i wun ya wie-man Anannganman klun le.