Ngwlɛ Yilɛ 4:21 - NYANMIƐN NDƐ'N 1998

²¹ Edɔmfuɛ mun, amun li man amun klun jɔ, amun `bo sro. Sanngɛ fɔ bulɛ'n ɔ wa tɔ amun su wie. Ɔ ´yo kɛ nzan sa, amun ´nɔn ´bo. Amun ´kpɛ bé bo nyanman nun .

Ngwlɛ Yilɛ 4:21 ပူးပေါင်းရင်းမြစ်များ

Bo Bolɛ 36:28

Disan i mma mun yɛlɛ Iz nin Aran.

2 Be Nyoliɛ 28:19

Anannganman yoli sɔ nan ɔ ´gua Zidafuɛ'm bé nyin ase, afin Akaz b'ɔ ti Izraɛl famiɛn'n suli i nvle nunfuɛ'm bé bo kɛ bé nyin kpa Anannganman su, yɛ i bɔbɔ kacili i sin sili Anannganman.

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Jue Mun 137:7

Anannganman, nán ɔ́ wla fi Edɔmfuɛ'm be su. Kɛ nyrɛnnɛn'n ɔ tɔli Zerizalɛm su'n, be yɛ be seli kɛ: «An `kpu klɔ'n su treketreke, an `kpu su lele to i bo ase wlawlɛ'n.»

Akunndanfuɛ'n 11:9

Gbanflɛn kan, yo like nga b'ɔ man sran klun jɔ sakpa'n. Kɛ a tɛ yo gbanflɛn kan'n, man ɔ klun jɔ kpa. Like nga wɔ anwlɛn'n wo su'n, yo i sɔ like'n. Like nga wɔ akunndan'n wo su'n, yo. Sanngɛ ng'ɔ fata kɛ a si'n yɛlɛ kɛ ɔ́ sa kwlaa nga a yoli'n be ti, Nyanmiɛn ɔ wa flɛ wɔ ɔ ´di wɔ jɔlɛ.

Zeremi 49:12

Anannganman wan yoo: «Sran nga bɔ m'an se-man kɛ be yɛ be `nɔn ya klowa'n nun, be nɔnnin nun. ?Yɛ ɔ li wɔ Edɔm, be yaci wɔ lɛ sɔ-ɔ ɔ yo ye? San like ng'ɔ o nun'n, i nɔnlɛ cɛ yɛ a ´nɔn-ɔn.»

Zeremi 49:7

Edɔm liɛ'n yɛ: Anannganman b'ɔ sie mɛn wunmuan'n waan yoo: «?Teman kpa'n, ngwlɛlɛfuɛ nun-man su lɔ kun? ?Lɔ akunndanfuɛ mun, ngwlɛlɛ yɛ be si-mɛn i kun ti-ɔ?

Ezekiɛl 25:6

Afin Anannganman Nyanmiɛn'n wan yoo: Amun boli ndɛ, amun tu kpɛnnin, amun klun jɔli blɛ bɔ nyrɛnnɛn tɔli Izraɛl mɛn'n i su'n. Amun yoli min nvle i finfin yɛ amun yoli i tɛtɛ.

Ezekiɛl 25:8

«Anannganman Nyanmiɛn wan yoo: ‹Moabfuɛ nin Seirfuɛ'm be seli kɛ: Amun `nian Zidafuɛ'm be nvle'n, ɔ ti kɛ nvle kun'm be sa.

Ezekiɛl 26:2

«Klɔ sran, Tirfuɛ'm be yo Zerizalɛm finfin be se kɛ: ‹Klɔ bɔ sran kwlaa sin su'n, ɔ'a bubu. Siɛn'n bɔ Zerizalɛm ɔ'a bubu'n, junman ng'ɔ di'n ɔ'a ka e sa nun. Ɔ ´yo nvuɛn, yɛ e klɔ liɛ'n kusu ´yi.

Amɔs 1:11

Anannganman'n wan yoo: «Edɔmfuɛ'm bé sa tɛtɛ nga b'a yo'n sɔnnin. Tokofi o bé sa nun yɛ be fa fuan be niaan Izraɛlfuɛ mun-ɔn. B'a si-man be aunnvuɛ mlɔnmlɔn. Be ya ti tɛ ngboko. Be fali ya ble be sieli be klun mlɔnmlɔnmlɔn. Ɔ man e nin be y'a nyɛn i.

Abdias 1:1

Edɔm mɛn'n i wun ndɛ nga bɔ Anannganman Nyanmiɛn yili nglo kleli Abdias bɔ i waan ɔ kan'n yɛ ɔ o yɛ: Anannganman sunmannin sran kun kɛ ɔ ko kan ndɛ kle mɛn uflɛ wie mun. Kɛ ɔ ´bo jasin nga Anannganman fa wlɛli i nuan'n e tili, i waan: «Amun `jaso man e nin Edɔm e `ko kun alɛ .»

Mise 1:11

Safirfuɛ mun, an `fa amun nyrun nyannzuɛn'n nin amun wun ngbɛn'n be `sin be wɔ. Ɔ kle-man Zaananfuɛ'm be kɛ be `fin klɔ'n nun be `fite, nyinmuɛn'n b'ɔ o Bɛt-Aɛzɛl nyin bo'n ti. Ɔ man an kunman be kɔ i su-ɔ ɔ yo-man ye kun.

Abakik 2:16

?Anyrunnyan like yɛlɛ sɔ'n? ?Nán nyannzuɛn like-ɔ? Amun bɔbɔ amun `nɔn wie nan an yi amun wun kplɛn. Anannganman i ya klowa'n, ɔ wa fa tannin amún ti. Sɛ n ´kwla se'n, amun ´nɔn i ya sɔ'n weiin. Amun anyrunnyan bɔ amun waan amun ´nyɛn i'n, nyannzuɛn yɛ amun wa wun i-ɔ .

Sa nglô yile 16:15

E Min waan: «Nian, m ´ba kɛ awiefuɛ sa! Sran ng'ɔ tran minndɛ, b'ɔ niɛn i tralɛ'm bé su'n, b'ɔ man ɔ su fɛ-mɛn i wun kplɛn sin-man'n, b'ɔ man ɔ su wun-man nyannzuɛn'n, i liɛ su ti ye!»