Ngwlɛ Yilɛ 4:20 - NYANMIƐN NDƐ'N 1998

²⁰ Sran nga Anannganman guɛli i ti su ngo b'ɔ fɛ i sieli é su'n, i b'ɔ man e wla'n gua ase'n, e seli e klun lɔ kɛ: «Bian nga, sɛ ɔ tran e su'n, e ´nyan tranwlɛ'n wie be nga'm be afiɛn!» I sɔ sran liɛ'n, ɔ'a tɔ e kpɔfuɛ'm be kunman'n nun .

Ngwlɛ Yilɛ 4:20 ပူးပေါင်းရင်းမြစ်များ

Bo Bolɛ 2:7

Kpɛkuun Anannganman Nyanmiɛn fali fa nan ɔ'a fa yi sran kun, yɛ ɔ fitali sran'n i bue'n nun yɛ sran'n deli wunmiɛn-ɔn , yɛ ɔ nyannin nguan-an.

Bo Bolɛ 44:30

Ɔ man sɛ n ´ko ju mín si wun lɔ nan bakan'n nun-man mín sa nun'n, san ɔ ´wu, wuun be ´se kɛ e yɛ man klunngbɔ'n ɔ'a kun é si nin-ɔn.

2 Samiɛl 1:14

David usɛli i kɛ: «?A kwla kunnin Anannganman i sran ng'ɔ sieli famiɛn'n sa bɔ cɛ, ɔ klun a ti-man wɔ?»

2 Samiɛl 1:21

Gilboa oka mun, nán bɔlɛ gua amun su nan se kɛ nzue yɛ ɔ ´tɔ-ɔ. Nán fie nga be o amun su'n be yo ye. Nán man be nyan be su mma klikli bɔ be fa yi sraka'n, afin lɔ yɛ alɛ kunfuɛ kpakpa'm be nyrɛn'm be tɔli-ɔ. Ɔ man be su kankan-man Sail i nyrɛn'n nin ngo kun.

2 Samiɛl 18:3

Yɛ be tɛli i su kɛ: «Nán kɔ alɛ kunlɛ'n wie, afin e liɛ sɛ e wanndi be nyrun'n, ɔ ti-man be ndɛ. Sɛ e bue kun wu, ɔ ti-man be ndɛ, sanngɛ ɔ liɛ'n, a nin e nun sran akpi blu (10.000) sɛ. Ɔ man sɛ a ka klɔ nun wa'n, a kwla uka e kasiɛn.»

2 Samiɛl 19:21

Nannan, n si kɛ n yoli sa tɛ. Nannan, i ti kusu yɛ Zozɛf i awlo nunfuɛ'm be nun min yɛ m'an dun mmua m'an ba wɔ atin kpalɛ yɛ nin-ɔn.»

2 Be Nyoliɛ 35:25

Zeremi b'ɔ ti Nyanmiɛn nuan ijɔfuɛ'n kpɛli Zozias wulɛ'n su jue. Jue tofuɛ yasua mun nin bla mun be kannin Zozias wun ndɛ be sɛ jue'm be nun lele ɔ'a fa ju ndɛ. Ɔ kacili be nzuɛn Izraɛl mɛn'n nun. Be klɛli jue sɔ mun sɛ jue fluwa'n nun .

Ezai 32:2

Be ngba be wa yo kɛ like bɔ be fiɛ i bo bɔ kɛ aunngban'n ɔ ´fita'n ɔ nyan-man be'n sa. Be ´yo kɛ lika bɔ be fia nun, bɔ kɛ aunngban dan'n ɔ ´tu'n, ɔ kan-man be'n sa. Be ´yo kɛ nzue ba b'ɔ sonji lika kee nun'n sa. Be ´yo kɛ yɛbuɛ dan wie b'ɔ man fɔnvɔ lika bɔ waka fi fifi-man lɛ'n sa.

Zeremi 39:5

Babilɔni sonja'm be suli be su. Kan be ko trali Sedesias'n yɛlɛ Zeriko lika kpɛtɛkplɛɛ nun. Nan b'a trɛ i b'a fɛ i b'a ba Nɛbikadnɛzar sin Ribla, Amat mɛn'n nun. Nan sa fanunfanun nga Nɛbikadnɛzar ko fa ko yo i'n, ɔ'a fa yo i.

Zeremi 52:8

Babilɔni sonja'm be suli famiɛn Sedesias su, be ko toli i lika kpɛtɛkplɛɛ ng'ɔ o Zeriko wun lɔ'n nun. I sonja'm be yacili i lɛ be bo sanndili.

Zeremi 52:9

Babilɔnifuɛ'm be trɛli i. Be fɛli i ko mannin Nɛbikadnɛzar. Ribla b'ɔ o Amat mɛn'n nun'n, lɔ yɛ be fɛli i be ɔli-ɔ. Yɛ Nɛbikadnɛzar dili i jɔlɛ-ɔ.

Ngwlɛ Yilɛ 2:9

Klɔ'n i anuan'm be bu tɔli. Ɔ sacili be nun gboklo mun mlɔnmlɔn. Famiɛn nin o, famiɛn i awlo lɔ sran dandan mun o, be kwlakwla be o be nga be si-man Nyanmiɛn'n be sa nun. Nyanmiɛn mmla'n, sran fi si-mɛn i kun. Nyanmiɛn nuan ijɔfuɛ'm be bɔbɔ, Anannganman fa-man ndɛ wla-man bé nuan kun.

Ezekiɛl 12:13

N wa to min tɛ'n n ´sin yiɛ i yɛ ɔ ´trɛ i, ɔ ´tɔ min tɛ'n nun. N ´fɛ i n kɔ Babilɔnifuɛ'm be mɛn'n nun lɔ. Ɔ su wun-man mɛn sɔ'n, sanngɛ ɔ ´wu lɔ .

Ezekiɛl 17:18

Kɛ b'ɔ dun mmua kplinnin su laa'n, bɔ i sin ɔ wa yoli sa ng'ɔ ti-man su'n, i ti ɔ su fite-man nun.› »

Ezekiɛl 31:17

Be kusu'n be nin i be jrali blɔlɔ lɔ be nga alɛ dili be'n bé wun lɔ. Be yɛ be suɛn i bo-ɔ, yɛ be o i fɔnvɔ'n i bo mɛnmɛn'm be afiɛn.

Daniɛl 4:12

Sanngɛ amun `yaci i bo olui'n i su lɛ, man ɔ ka fie'n su lɔ ijre'm be afiɛn. Amun `fa blalɛ jrɔkɔ nin aaba jrɔkɔ be ci i. Man nyansue'n ɔ bo sran nga i nzɔliɛ yɛlɛ waka sɔ'n, yɛ man ɔ di ijre kɛ nnɛn'm be sa.

Ndɛ Nga Nyanmiɛn I Nuan Ijɔfuɛ Oze Kannin'n 13:10

?Amun famiɛn'n bɔ i li yɛ ɔ fata kɛ ɔ ´de amun'n ɔ wo nin? ?Amun klɔ kpɛnngbɛn'm be li? ?Nán be osu ti yɛ amun jin mín wun kɛ: ‹Man ye famiɛn, sie i awlo lɔ sran dan e su nin-ɔn ?›

Jɔlɛ Difuɛ Mun 9:15

Yɛ susrɛ seli be kɛ: ‹Sɛ sakpa yɛ amun klo kɛ amun ´kpa min kɛ n yo amun famiɛn'n, amun `bla be wa fia min fɔnvɔ'n bo. Sɛ ɔ'a yo-man sɔ-ɔ, man sin fite owie'n nun yra Liban waka dandan mun.»›

1 Samiɛl 12:3

Min yɛ n wo yɛ, Anannganman ɔ nin famiɛn b'ɔ sieli'n be ti min lalofuɛ. Amun `kan sa nga n yoli'n, sɛ n fali sran wie nannin-ɔn, ɔ `kan. Sɛ n fali sran wie i aflunmun-ɔn, ɔ `kan. Sran nga n dili i lufle-ɔ, ɔ `kan. Sran nga n yoli i sa b'ɔ ti-man su-ɔ, ɔ `kan. Sran ng'ɔ mannin min like kɛ n fa nan sɛ ɔ yo sa tɛ-ɔ, n yo kɛ n wun-mɛn i sa'n, sɛ i sɔfuɛ o wa'n man ɔ kan. Like nga n fali'n b'ɔ ti-mɛn i su'n, amun `kan man n yi man amun.»

1 Samiɛl 12:5

Yɛ Samiɛl waan: «?Nán Anannganman ɔ nin famiɛn'n b'ɔ sieli'n be nyrun yɛ amun waan m'an yo-man amun sa fi yɛ?» Be waan: «Ɛɛn be nyrun-ɔn.»

1 Samiɛl 16:6

Kɛ be juli lɛ bɔ Samiɛl wunnin Eliab cɛ'n, ɔ seli i klun lɔ kɛ: «Ɛn-ɛɛn! Anannganman i sran ng'ɔ kɛn i ndɛ'n yɛ ɔ o yɛ.»

1 Samiɛl 24:10

Nan ɔ'a usɛ i kɛ: «Kɛ sran'm be se wɔ kɛ: ‹?David bu ɔ́ wun akunndan tɛ'n› ɔ yo sɛ ti yɛ a fa su nin-ɔn?

1 Samiɛl 24:6

Kɛ ɔ kpɛli Sail i tralɛ i nuan njɔlɛ'n, i klun tili i tri.

1 Samiɛl 26:16

Like nga a yoli i lɛ'n ti-man kpa. Nanwlɛ, amun nin wie fata, afin amu'an nian-man amun min'n bɔ Anannganman sieli i'n i su. ?Nian lɔ nian, famiɛn'n i cua'n wo lɛ? ?Yɛ nzue towa ng'ɔ o i ti bo lɛ'n ɔ o nin?»

1 Samiɛl 26:9

David seli Abisai kɛ: «Nán kun i. ?Sɛ sran kun kun Anannganman i sran b'ɔ fɛli i sieli famiɛn'n, be ´yaci cɛ?