Ngwlɛ Yilɛ 4:16 - NYANMIƐN NDƐ'N 1998

¹⁶ Anannganman fali ya, ɔ man be boli je. Ɔ'a nian-man be lɔ kun. B'a bu-man Nyanmiɛn nyrun jranfuɛ'm be sran kun, nan se kɛ sran oke mun.

Ngwlɛ Yilɛ 4:16 ပူးပေါင်းရင်းမြစ်များ

Bo Bolɛ 49:7

Be ya tɛ sɔ'n ti, be yako. Be anwlɛn tɛ sɔ'n ti, be yako. N ´titi be nun Zakɔb i nvle'n nun, n ´yo man be osu'n, ɔ bo sanndi Izraɛl nvle'n nun.

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Jue Mun 106:27

nan be osu'n nunfuɛ'm be bo sanndi nvle kun nga'm be nun yɛ be wu lɔ.

Jue Mun 106:44

Anannganman tili be kokolɛ bɔ be koko'n, yɛ ɔ wunnin nyrɛnnɛn'n b'ɔ o be su.

Ezai 24:2

Sa ng'ɔ ´ju Nyanmiɛn nyrun jranfuɛ'n i su'n, ɔ ´ju nvle'n nunfuɛ'm be su wie, ng'ɔ ju awlo bo kpɛn i su'n, ɔ ´ju i sufuɛ yasua'n i su wie, ng'ɔ ju awlo bo kpɛn'n i yi'n i su'n, ɔ ´ju i afanniɛn bla'n i su wie, ng'ɔ ju like atɛ yofuɛ i su'n, ɔ ´ju like tofuɛ'n i su wie, ng'ɔ ju sran b'ɔ be fɛ like i sa nun'n i su'n, ɔ ´ju sran ng'ɔ fɛ like'n i su wie ng'ɔ ´ju sran bɔ bo bosia'n i su'n, ɔ ´ju sran nga be bo i bosia'n i su wie.

Ezai 47:6

N fali min nvle'n nunfuɛ'm be wun ya, n yoli min sran sɔ'm be finfin, n yili be m mannin wɔ. W'a si-man be aunnvuɛ, yɛ sielɛ nga a sieli sran oke mun'n, ɔ yoli kekle.

Zeremi 15:4

Mɛn'n nun famiɛn diwlɛ nunfuɛ'm be wun be-ɔ, ɔ ´yo be sro. Sa ti bɔ n ´yo sɔ'n yɛlɛ Ezekias i wa Manase b'ɔ ti Izraɛl famiɛn'n i ninnge ng'ɔ yoli Zerizalɛm'n .»

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 52:24

Gladi difuɛ'm bé su kpɛn'n ɔ trali Nyanmiɛn nyrun jranfuɛ'm bé su kpɛn bɔ be flɛ i Sɛraza'n nin i mantanfuɛ bɔ be flɛ i Sofoni'n, ɔ nin Nyanmiɛn nyrun jranfuɛ nsan nga be nian anuan'n su'n.

Ngwlɛ Yilɛ 2:20

Anannganman, sran nga a yoli be sa ya lɛ'n, nian be kpa nian. ?Bla kun bɔbɔ i klun ba b'ɔ cuɛnnin wuli i'n, b'ɔ yɛyɛli i lele'n, kɛ ɔ ´kun i di i sa-a? ?Kɛ be ´kun ɔ nyrun jranfuɛ nin ɔ nuan ijɔfuɛ mun ɔ́ sua nun'n sa-a?

Ngwlɛ Yilɛ 2:6

Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Ngwlɛ Yilɛ 5:12

Be trali famiɛn i awlo lɔ sran dandan wie mun be boli be kɔmin. B'a bu-man kpɛnngbɛn oke'm be sran.

Ezekiɛl 5:10

Klɔ'n su siɛ'm be wa fa be mma mun yo nnɛn be ´di, yɛ ba'm be ´fa bé si nin be nin mun yo nnɛn be ´di. N wa tu amun fɔ, be kwlaa nga be ´ka lɛ'n, n ´yo man be ´bo sanndi mɛn wunmuan'n nun zaun .›

Mmla'n 28:25

Anannganman ´yo man amun kpɔfuɛ'm be ´kwla amun. Kɛ amun nin be ´ko kun'n, amun ´fa atin kunngba, sanngɛ balɛ'n su amun ´wanndi be ´fa atin nso. Kɛ mɛn'n nun nvle'm be ´wun sa ng'ɔ ´ju amún su'n, ɔ ´yo be sro.

Mmla'n 32:26

N waan wuun n ´nunnun be mlɔnmlɔn nan be dunman'n mlin mɛn'n nun.

Hébreu 8:9

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ba'n, ɔ su yo-man kun.› E Min'n seli kɛ: ‹I sɔ'n aenguɛ liɛ'n, b'a yo-mɛn i su sa'n, ɔ man n kusu m'an nian-man be lika.›