Ngwlɛ Yilɛ 4:13 - NYANMIƐN NDƐ'N 1998

¹³ Sa yalɛ'n b'ɔ juli'n, ɔ fin Nyanmiɛn i nuan ijɔfuɛ'm bé sa tɛtɛ'n nin Nyanmiɛn i nyrun jranfuɛ'm be aeliɛ tɛtɛ'n. Afin sran nga be ti sran kpa mun'n, Nyanmiɛn i sran sɔ'm be trali be klɔ'n nun be kunnin be.

Ngwlɛ Yilɛ 4:13 ပူးပေါင်းရင်းမြစ်များ

Zeremi 14:14

Yɛ Anannganman'n tɛli min su kɛ: «I sɔ sran liɛ'm be tɔn be wun suɛn ngbɛn, nán min yɛ n sunmannin be-ɔ. M'an fa-man ndɛ m'an sie-man be nyrun, m'an kan-man ndɛ m'an kle-man be. Bé ti nun ninnge nga be wun i'n, ɔ ti ato. Sa nga be kɛn i kɛ ɔ wa ju'n, finfin ndɛ yɛ be kan-an. Be kpɛ bé ti nun yɛ be kan-an.»

Zeremi 2:20

«Izraɛl nvle, a jasoli min wun nán ndɛ-ɔ. A kpɛli nyanman nga n fa wlali ɔ kɔmin'n nun ɔ'a cɛ. Ɔ fiteli ɔ́ nuan kɛ yoo: ‹N su-man wɔ kun.› Siɛn'n, kpɔlɛ kanngan'm be kwlaa'm be su waka nga be lɛ nnya'm be kwlaa be bo yɛ a la a bo tekle nin-ɔn.

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Zeremi 6:13

«Afin sran nga be lɛ-man nyrun o, nga be lɛ nyrun o, be bɔbɔ be like liɛ nyanlɛ akunndan cɛ yɛ be bu-ɔ. Min nuan ijɔfuɛ o, min nyrun jranfuɛ o, be kwlaa be ti gblɛfuɛ.

Ngwlɛ Yilɛ 2:14

Ɔ Nyanmiɛn nuan ijɔfuɛ'm be ndɛ nga be kan kleli wɔ'n, ɔ ti finfin ndɛ, ɔ ti ato. B'a kan-man sa tɛ nga a yoli'n b'a kle-man wɔ weiin nan kanga kɔlɛ'n ɔ'a to ɔ'a fuan wɔ-ɔ. Sa nga be waan be wunnin i ɔ́ wun'n, bɔ be kan kleli wɔ'n, ɔ ti ato ngunmin, nán ndɛ kpa yɛ be kannin-ɔn.

Ezekiɛl 11:6

Amu'an kun sran'n wie pɛ, ɔ man be di-man saka'm be yalɛ klɔ'n nun atin'm be su.

Ezekiɛl 22:25

Ɔ su kpɛn'm b'a cici lɔ, be ti kɛ asɔmɔli bɔ be kpan be di be nnɛn'n sa, be kun sran mun be fa be sika'n nin be anwlɛn su ninnge kpakpa mun kekle su. B'a yo man be di-man angboti mmla'm be yalɛ kun siɛn'n.›

Matthieu 23:31

I sɔ'n nun amun bɔbɔ an kle kɛ an ti be nga be kunnin Nyanmiɛn nuan ijɔfuɛ'm bé wa.

Sa nga bé yôli'n 7:52

?Nyanmiɛn nuan ijɔfuɛ onin yɛ amun nannan'm b'a kle-man i yalɛ-ɔ? Be kunnin be nga be dun mmua kannin Nanwlɛfuɛ'n i balɛ ndɛ'n, i yɛ an fɛ i mannin sran mun bɔ be kunnin i nin-ɔn.