Ngwlɛ Yilɛ 4:11 - NYANMIƐN NDƐ'N 1998

¹¹ Anannganman fali ya dan. I sɔ ya ble liɛ'n, ɔ yoli i su like. Ɔ sɔli sin nuan fa yili Siɔn klɔ'n nun, sin'n ɔ yrali Siɔn klɔ'n mlɔnmlɔn, like fi ɔ'a ka-man lɛ.

Ngwlɛ Yilɛ 4:11 ပူးပေါင်းရင်းမြစ်များ

Ezai 51:20

Amun mma'm be lala klɔ'n nun anngɔnda'm be kwlaa su, be o lɛ, be keje-man bé wun. B'a yo kɛ wannzannin bɔ aya ɔ'a trɛ i'n sa. Anannganman i ya'n wo be su, ɔ kan ndɛ kekle kle be.

Zeremi 13:14

N ´yo man be jaso be wiengu wun, siɛ mun nin ba mun be ´kun be wun. N su yaci-man sran fi lɛ. N su si-man wie aunnvuɛ mlɔnmlɔn, n ´nunnun be kwlaa'n kpan.› » Anannganman'n yɛ ɔ kan sɔ-ɔ.

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 21:14

‹Min nin amun e wa yia nun, n ´fa sa nga amun yo'n bé nuan sa n ´yo amun, n ´trɔ amun famiɛn sua'n nun sin. Sin sɔ'n ɔ ´didi like nga be mantan sua sɔ'n i lɛ mun.› »

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Ngwlɛ Yilɛ 2:1

E Min'n fali ya ti ɔ fali aosin tuun yili i Zerizalɛm klɔ'n su. Cuekee! Like nga bɔ man Izraɛl nvle i nyrun ba nyan'n, ɔ finndin i nglo lɔ yili i asiɛ'n su wa. Kɛ ɔ fali ya'n, i wla fili su kɛ Izraɛl'n yɛ ɔ ti i ja takatakawlɛ-ɔ!

Ngwlɛ Yilɛ 2:17

Sa nga Anannganman guguli kɛ ɔ ´yo'n yɛ ɔ'a yo i yɛ. Ndɛ ng'ɔ kɛnnin i lalafuɛ nun'n, i nuan like'n yɛ ɔ'a yo i yɛ. Kɛ ɔ ´nunnun wɔ'n, ɔ'a si-man wɔ aunnvuɛ. Ɔ yoli man ɔ kpɔfuɛ'm be klun jɔli. Ɔ yoli man ɔ kpɔfuɛ'm be nyinman-nyinman bé wun .

Ngwlɛ Yilɛ 2:3

Ɔ fali ya dan, yɛ ɔ yoli man Izraɛl'n i fanngan'n kwlaa wieli. Kɛ ɔ wunnin e kpɔfuɛ mun'n, ɔ'a kle-mɛn i kɛ ɔ tu é ti ngondin. Ɔ trɔli Zakɔb i nvle nun sin. I sɔ sin liɛ'n ɔ didi lika'n kwlaa.

Ngwlɛ Yilɛ 2:4

Ɔ cuɛnnin i ta'n i nyanman nun kɛ ɔ ti e kpɔfuɛ wie sa. I sa fama'n ɔ lɛ ta mma'n nun kɛ i yɛ e nin i e lɛ i sa. Like nga e wun be bɔ e klo be'n, ɔ sacili be kwlakwla. I ya'n b'ɔ jue kɛ sin sa'n, ɔ kplo guali Siɔn i Nyanmiɛn i sua dan'n su.

Ngwlɛ Yilɛ 2:8

Anannganman guguli kɛ ɔ ´bubu Zerizalɛm wun talɛ'n. Kɛ ɔ sunnzunnin i nin nyanman'n, b'ɔ boli Izraɛl'n bubulɛ'n bo'n, ɔ kɛli i ja nun bubuli i ngba. Klɔ'n i wun talɛ wafa nnyɔn'n, kɛ be wun be be sa'n, b'a wun-man like nga be fali be'n kun-ɔn.

Ngwlɛ Yilɛ 4:22

Siɔnfuɛ mun, amun sa tɛ'n i nuan akatua'n ɔ'a wie yia. Be su tra-man amun lomuɛn kɔ-man mɛn wie nun kun. Edɔmfuɛ mun, amun sa tɛ liɛ'n i nuan akatua i manlɛ blɛ'n yɛ ɔ'a ju-ɔ. Sa tɛtɛ nga amun yoli'n, be ´bo i jɔ .

Ezekiɛl 22:31

Yɛ n fali min ya dan'n n guali be su-ɔ, min ya b'ɔ ti kɛ sin sa'n, n fa sacili be, n yoli man be suali be nzuɛn tɛ'n i su afɛ'n.» Anannganman Nyanmiɛn'n yɛ ɔ kan sɔ-ɔ.

Ezekiɛl 36:18

Sran bɔ be kunnin be'n nin amuɛn sɔlɛ bɔ be fa yoli mɛn'n i fiɛn'n ti, n fali ya dan kpa bé wun.

Ezekiɛl 6:12

Sran ng'ɔ o mmua'n, tukpacɛ b'ɔ sa ndɛndɛ'n yɛ ɔ ´kun i-ɔ, sran ng'ɔ o koko'n, alɛ yɛ ɔ ´di i-ɔ. Sran ng'ɔ ka klɔ'n nun lɛ'n, sɛ be utu klɔ'n, awe yɛ ɔ ´kun i yɛ ɔ wu-ɔ. N ´yi min ya tɛtɛ kpa'n i nglo n kle be.

Daniɛl 9:12

Like nga ɔ waan a ´yo e nin é su kpɛnngbɛn nga be sie ye'n, a yoli. A fa nyrɛnnɛn yili e bɔ e o Zerizalɛm'n e su. I sɔ nyrɛnnɛn liɛ'n, be nian wun-mɛn i wun su mɛn'n i lika uflɛ le.

Saun Yolɛ 26:28

min kusu kɛ n ko fa ya'n, min nin amun e ´yia nun. Fɔ nga n ´tuli amun'n, n ´uka su, ɔ ´tra laa liɛ'n i sɔ kpɛ nso.

Sofoni 2:2

kɛ ɔ ko yo nan Anannganman i ya cɛn dan'n ju-ɔ, amu'an bo-man b'a sanndi-man le kunngba kɛ awie wla sa, nan Anannganman ɔ'a fɛ-mɛn i ya dan'n ɔ'a gua-man amun su'n ti.

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

JÉSUS-CHRIST I DYASIN FE'N BO LUC KLELI'N 21:22

Kɛ ɔ ´yo nan ndɛ nga be klɛli'n i kwlaa ɔ'a kpɛn su'n, blɛ sɔ'n nun'n, Nyanmiɛn wa tu sran'm be fɔ dan kpa .