Ngwlɛ Yilɛ 4:1 - NYANMIƐN NDƐ'N 1998

¹ Ɔoo! ?Kɛ ɔ o yɛ'n, sika ɔkwlɛ'n ɔ'a kpa? ?Kɛ ɔ o yɛ'n, sika ɔkwlɛ jrɛiin'n ɔ'a saci? ?Kɛ ɔ o yɛ'n, Nyanmiɛn i sua i nun yɛbuɛ'm be tru klɔ'n nun anngɔnda'm be kwlaa be su? Cuekee!

Ngwlɛ Yilɛ 4:1 ပူးပေါင်းရင်းမြစ်များ

Ezai 1:21

?Nguɛ sa yɛlɛ nga? ?Ɔ yo sɛ yɛ man Zerizalɛm ɔ'a kaci kɛ tekle bla sa-a? Laa ɔ ti klɔ kpa, i nunfuɛ'm be fa mmla'n su yɛ be yo sa mun i nuan su, sanngɛ siɛn'n, ɔ'a kaci sran kunfuɛ'm be klɔ.

Ezai 14:12

Ai! ?Nan nzu sa yɛlɛ nga? ?Nja, wɔ bɔ a ti kɛ awɛ nzraama b'ɔ kpaja nglɛmun'n sa'n, kɛ ɔ o yɛ'n w'a fin nyanmiɛn su lɔ w'a tɔ? ?Wɔ bɔ a sie nvle-nvle mun'n, bɔ a tin be su kplɔlɔlɔ'n, kɛ ɔ o yɛ'n, b'a su ɔ bo b'a yi i asiɛ'n su wa ?

Zeremi 52:13

Ɔ wɔli Anannganman i sua'n nin famiɛn sua'n, ɔ nin Zerizalɛm sua'm be ngba be nun. Sran kpakpa'm bé sua mun'n, ɔ'a yaci-man wie lɛ.

Ngwlɛ Yilɛ 2:19

Jaso kɔnguɛ afiɛn. Kpan dɔ'n kwlakwla su. Sun kle ɔ Min'n. Ɔ mma bɔ awe'n i dunman nun ti be su glɔ gua'n su'n, i ti man ɔ́ sa'n su kle Nyanmiɛn, yɛ `srɛ i.

Ezekiɛl 22:18

«Klɔ sran, Izraɛlfuɛ'm b'a kaci min nyrun kɛ sika ɔkwlɛ bɔ fiɛn o nun'n sa. Be ti kɛ jɛtɛ ufue, annzɛ etɛn, annzɛ blalɛ, annzɛ sunmun bɔ be wla be buɛ nun be gua be su sin kɛ ɔ ´yo nan b'a yo yɛiin'n sa.

Mise 1:6

«I sɔ'n ti n ´yo man Samari mɛn'n ɔ ´bubu, ɔ ´kaci vinyi fie diwlɛ. Yɛbuɛ nga be fa kplannin'n be ´ka ijre nun, be ´kondo be ´gua kongo'n nun lɔ, i bo ase wlawlɛ'm be ´fite su .

Matthieu 24:2

Yɛ ɔ seli be kɛ: «?An wun ninnge nga kwlaa? Nanwlɛ, yɛbuɛ fi su kɛ-mɛn i wiengu yɛbuɛ su b'ɔ su kan gua-man-an.»

Marc 13:2

Yɛ Jésus seli i kɛ: «?A wun sua dandan nga mun? Yɛbuɛ fi su kɛ-mɛn i wiengu yɛbuɛ su b'ɔ su kan gua-man-an.»