Ngwlɛ Yilɛ 3:9 - NYANMIƐN NDƐ'N 1998

⁹ Ɔ kondo yɛbuɛ dandan mun fa tanninnin min atin'n nan n `fa atin uflɛ su m mlin.

Ngwlɛ Yilɛ 3:9 ပူးပေါင်းရင်းမြစ်များ

Zɔb I Nyrɛnnɛn Wunlɛ 19:8

Nyanmiɛn ɔ'a jran atin'n nun, n nyan-man sinwlɛ. Ɔ man lika'n ɔ'a dun min atin'n su.

Ezai 30:28

Kpukpuwa ng'ɔ fin i bue nun fite'n, ɔ ti kɛ nzue ba wie bɔ ɔ'a yi ɔ'a ju be kɔmin nun'n sa. Ɔ wa fa nyrɛnnɛn'n yi i nvle-nvle'm be nunfuɛ'm be su, ɔ ´fa sa be nian. Sɛ e ´kwla se'n, ɔ ´wla bé nuan nun nga kɛ nnɛn kpanngɔ'm be liɛ'n sa, ɔ ´fa be kɔ kan be klo-man'n.

Ezai 63:17

?Anannganman, ɔ yo sɛ ti yɛ a yo man e wlan-wlan vaa bɔ e fa-man wɔ atin nin-ɔn? ?Ɔ yo sɛ ti yɛ a kete ye anwlɛn'n bɔ e sro-man wɔ nin-ɔn? E bɔ e ti ɔ sufuɛ mun'n, bɔ e ti ɔ liɛ'n, e dunman nun ti, sa ɔ́ sin bla.

Ngwlɛ Yilɛ 3:10

Ɔ bu sa min nyrun kɛ nnɛn sroesroe nga be flɛ urs'n sa. Ɔ fia susrɛ nun kɛ asɔmɔli sa.

Ngwlɛ Yilɛ 3:11

Ɔ'a kaci min atin mun, ɔ'a titi min nun, ɔ'a yaci min kunngba lɛ.

Ndɛ Nga Nyanmiɛn I Nuan Ijɔfuɛ Oze Kannin'n 2:6

Kpɛkuun n su bua-man i mma'm be ndɛ nun, afin be ti gua su ba.