Ngwlɛ Yilɛ 3:7 - NYANMIƐN NDƐ'N 1998

⁷ I waan ɔ ´sisi mín wun nin talɛ nan nán n nyan fitewlɛ. Ɔ fa jrɔkɔ nɔnnin-nɔnnin cili min.

Ngwlɛ Yilɛ 3:7 ပူးပေါင်းရင်းမြစ်များ

Zɔb I Nyrɛnnɛn Wunlɛ 19:8

Nyanmiɛn ɔ'a jran atin'n nun, n nyan-man sinwlɛ. Ɔ man lika'n ɔ'a dun min atin'n su.

Zɔb I Nyrɛnnɛn Wunlɛ 3:23

N wun-man kɔwlɛ, ɔ yo kɛ Nyanmiɛn ɔ'a sisi min wun awa sa.

Jue Mun 88:8

Ɔ ya dan'n wo min su sa mlɔnmlɔn nán sa yolɛ-ɔ. Sɛ ɔ ti nzue'n, wuun n ´se kɛ ɔ'a kata min su kplu.

Jue Mun 88:9

W'a yo man min mantanfuɛ'm be kwlaa b'a wanndi min. Min wun yo be tɛ siɛn'n. Sɛ nyrɛnnɛn'n ti anuan'n, wuun n se kɛ ɔ'a nyin min su, n kwla fite-man.

Zeremi 38:6

Yɛ be ´fa Zeremi be ´yi i famiɛn'n i wa Malkiza i nzue gbo ng'ɔ o gladi difuɛ'm be awlo nun'n i nun-ɔn. Be fali nyanman be cili i yɛ be jrɛli i nun-ɔn. Kɛ ɔ ´yo sɔ'n, wuun nzue nun-man nzue gbo sɔ'n nun, sanngɛ nnɔtiɛ yɛ o nun-ɔn. Ɔ man Zeremi mlɔnnin nnɔtiɛ nun bɔ lɔuun kpa!

Zeremi 40:4

Ndɛ'n, jrɔkɔ ng'ɔ o ɔ́ sa'n yɛ n su wa yi i yɛ. Sɛ ɔ klun klo su kɛ a nin min ´kɔ Babilɔni'n, e wɔ. N ´nian wɔ lika. Sɛ kusu kɔlɛ yo-man wɔ fɛ'n, ngasi nun-man nun. Lika'n yɛ ɔ nannan yɛ, kan a klo kɛ a ´kɔ'n, kɔ.»

Ngwlɛ Yilɛ 1:14

Sa tɛ nga n yoli'n, ɔ'a fa kaci kɛ aya nyanman sa, ɔ'a sie i go, ɔ'a fa wla min kɔmin. E Min'n man n lɛ-man wunmiɛn kun. Sran ng'ɔ yili be kɛ be nin min be wa kun'n, n jran be nyrun-ɔn ɔ yo-man ye.

Ngwlɛ Yilɛ 3:9

Ɔ kondo yɛbuɛ dandan mun fa tanninnin min atin'n nan n `fa atin uflɛ su m mlin.

Ngwlɛ Yilɛ 5:5

E yalɛ klefuɛ'm be yaci-man e ndɛnngan. E lɛ-man wunmiɛn dewlɛ bɔ kaan sa, y'a fɛ siɛn'n.

Daniɛl 9:12

Like nga ɔ waan a ´yo e nin é su kpɛnngbɛn nga be sie ye'n, a yoli. A fa nyrɛnnɛn yili e bɔ e o Zerizalɛm'n e su. I sɔ nyrɛnnɛn liɛ'n, be nian wun-mɛn i wun su mɛn'n i lika uflɛ le.

Ndɛ Nga Nyanmiɛn I Nuan Ijɔfuɛ Oze Kannin'n 2:6

Kpɛkuun n su bua-man i mma'm be ndɛ nun, afin be ti gua su ba.