Ngwlɛ Yilɛ 3:61 - NYANMIƐN NDƐ'N 1998

⁶¹ Nzowa nga be kpɛli min'n, Anannganman, a wunnin i. Gugulɛ tɛ nga be guguli mín wun'n, a wunnin i.

Ngwlɛ Yilɛ 3:61 ပူးပေါင်းရင်းမြစ်များ

Jue Mun 74:18

Anannganman, man ɔ́ wla kpɛn su kɛ ɔ kpɔfuɛ'n ɔ wɔ ɔ safle. Man ɔ́ wla kpɛn su ekun kɛ nvle nga nun sran'm be sinnzin'n ti, be yo wɔ finfin.

Jue Mun 89:50

?Min Min, sa kpakpa nga a yo be laa'n be o nin? A di nanwlɛ titi, i ti a kannin kɛ a ´yo sa sɔ mun man David. ?Be o nin?

Zeremi 18:23

Anannganman, ɔ bɔbɔ a si cicilɛ nga b'a cici kɛ be ´kun min'n. I sɔ'n ti sɛ be yi ɔ kpatalɛ tɛ'n, nán sɔ nun. Nán nunnun bé sa tɛ'n nan ɔ jaso ɔ nyrun lɛ. Nán be kwla jran ɔ nyrun. Man bé wun ya tran ɔ klun tititi.

Ngwlɛ Yilɛ 3:30

I li, ɔ `sie i fuka'n lɛ man be kpaci su, ɔ `yaci i wun lɛ man be kpɛ i nzowa tɛtɛ mun man ɔ ti i.

Ngwlɛ Yilɛ 5:1

Sa nga ɔ'a ju e su yɛ'n, Anannganman, nán ɔ́ wla fi. Ɔ bɔbɔ nian sokpalɛ bɔ y'a sokpa-a.

Sofoni 2:8

«Nzowa nga Moabfuɛ'm be kpɛli min sran mun'n, asanse nga Amɔnfuɛ'm be dili be'n, n tili. Blɔlɛ nga be bɔbɔ be blɔ kɛ be lika liɛ'n i kpa tra Izraɛlfuɛ'm be lika liɛ'n, n tili.