Ngwlɛ Yilɛ 3:56 - NYANMIƐN NDƐ'N 1998

⁵⁶ N seli wɔ kɛ: «Fa ɔ su sie min fɛfɛlɛ'n nin min kpanlɛ'n i bo. Nán bu ɔ́ su nun waka!»

Ngwlɛ Yilɛ 3:56 ပူးပေါင်းရင်းမြစ်များ

2 Be Nyoliɛ 33:13

Ɔ srɛli Anannganman kɛ ɔ si i aunnvuɛ. Anannganman guɛli i ya'n i ase. Ɔ tɛli i srɛlɛ'n su, ɔ fɛli i sɛli i sin Zerizalɛm yɛ ɔ fɛli i sieli famiɛn i osu'n nun. Kɛ ɔ fin lɛ'n, Manase wunnin i wlɛ kɛ Anannganman kunngba yɛ ɔ ti Nyanmiɛn nin-ɔn.

2 Be Nyoliɛ 33:19

I Nyanmiɛn srɛlɛ'n nin wafa nga Anannganman fa tɛli i su'n, i sa tɛ b'ɔ yoli'n, ɔ nin i wun bɔ ɔ'a fa mantan-man Nyanmiɛn'n, sraka yiwlɛ lika mun ng'ɔ yoli be'n, ɔ nin lika ng'ɔ kplannin waka nga be sɔ be'n, yɛ lika ng'ɔ takali amuɛn mun kwlaa nan ɔ'a kɛn i wun ase Nyanmiɛn nyrun'n, i kwlaa sɔ'n wo Ozai fluwa'n nun.

Zɔb I Nyrɛnnɛn Wunlɛ 34:28

Be yoli man afɛfuɛ mun nin yalɛfuɛ'm be kpan flɛli Nyanmiɛn. Nyanmiɛn kusu tili be aunnvuɛ kpanlɛ'n .

Jue Mun 3:4

Sanngɛ Anannganman, a sasa min kɛ nyrɛn sa. A man min anyrunnyan, a yo man n kwla man mín ti'n su.

Jue Mun 34:6

Be nga be fa be wla guɛ i su'n, bé wun kpaja be, yɛ nyannzuɛn kun-man be.

Jue Mun 5:2

Anannganman, tie ndɛ bɔ n kan'n, nian kplinlɛ bɔ n su kplin-ɔn.

Jue Mun 5:3

Min famiɛn, min Nyanmiɛn, sie ɔ́ su tie flɛlɛ bɔ n flɛ wɔ'n, afin wɔ yɛ n srɛ wɔ-ɔ.

Jue Mun 55:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n i wie. I waan:

Jue Mun 55:18

Nglɛmun o, wia jran o, kɔnguɛ o, n kplin, n fɛfɛ n sun n flɛ i, kpɛkuun ɔ ti min aniɛn'n.

Jue Mun 55:2

Ee Nyanmiɛn, sie wɔ su, tie min srɛwa'n, n jran su kekle kpa, nán jaso mín bo.

Jue Mun 66:19

Sanngɛ amun `nian, Nyanmiɛn tieli min flɛlɛ'n, ɔ sieli i su min srɛlɛ'n bo.

Ezai 38:5

Ɔ seli i kɛ: «Ko se Ezekias kɛ: ‹Anannganman b'ɔ ti ɔ nannan David i Nyanmiɛn'n i waan: N tili ɔ srɛlɛ'n, n wunnin ɔ nyinmuɛn'n. Nian, n ´sa ɔ nguan'n su afuɛ blu-nin-nnun.

Daniɛl 9:17

Siɛn'n, e Min e Nyanmiɛn, tie srɛlɛ tantrantan nga n srɛ wɔ yɛ'n. Nian ɔ bɔbɔ ti nan bu lika b'ɔ ti ɔ liɛ klonglo bɔ ɔ'a saci'n i akunndan.

Rɔmfuɛ Mun 8:26

E lɛ-man fanngan, ɔ man Nyanmiɛn Wawɛ'n jran e sin ɔ uka ye, afin e si-man like nga e srɛ Nyanmiɛn kɛ ɔ fa man e b'ɔ ti i su'n. I Wawɛ'n bɔbɔ oto, ɔ jran é nuan ɔ srɛ i man ye.