Ngwlɛ Yilɛ 3:38 - NYANMIƐN NDƐ'N 1998

³⁸ ?Sa fɛ o, sa kekle o, nán Anannganman yɛ ɔ man atin yɛ be ju-ɔ?

Ngwlɛ Yilɛ 3:38 ပူးပေါင်းရင်းမြစ်များ

2 Samiɛl 16:10

Yɛ famiɛn'n waan: «?Zɛriza mma mun, amun li amun ndɛ o nun sɛ? Sɛ Anannganman ɔ'a se-mɛn i kɛ: ‹Ko bo David sannzan'n,› wuun ɔ kwla bo-man. ?Kɛ ɔ o lɛ'n, sran kun kwla se i kɛ: ‹?Ɔ yo sɛ ti yɛ a yo sɔ-ɔ?› »

Zɔb I Nyrɛnnɛn Wunlɛ 2:10

Zɔb tɛli i su kɛ: «A kan ndɛ kɛ bla b'ɔ lɛ-man akunndan sa. ?Sɛ e nyan ye Nyanmiɛn sa nun'n, ɔ fata-man kɛ e nyan wlɛ?» I kwlaa sɔ nun'n, ndɛ tɛ kun sa ɔ'a fin-man Zɔb nuan ɔ'a fite-man.

Jue Mun 75:7

Man amun `si kɛ sran'n i wun dandan yolɛ'n ɔ kwla fin-man wia afiliɛ annzɛ wia atɔliɛ, annzɛ aawlɛ flɛnnɛn'n nun lɔ.

Nyanndra Mun 29:26

Sran sunman be kunndɛ kɛ sran ng'ɔ sie be'n ɔ yi be ayɛ. Sanngɛ kɛ Anannganman yi sran ayɛ'n, yɛ ɔ ti i su-ɔ.

Akunndanfuɛ'n 7:14

Sɛ a wun ɔ́ wun fɛ'n, man ɔ klun jɔ, sɛ kusu a o nyrɛnnɛn nun'n, bu akunndan. Nyanmiɛn yɛ man sran wun i wun fɛ-ɔ, i kunngba'n yɛ man sran wun nyrɛnnɛn nin-ɔn. Kɛ ɔ ´yo nan sran ɔ'a si-man cɛn wie sa ng'ɔ wa ju'n, i ti yɛ ɔ yo i sɔ nin-ɔn.

Ezai 45:7

N yi lika b'ɔ kpaja weiin'n, yɛ n yi aosin tuun'n. N yo man sran'm bé wun jɔ be fɔuun, yɛ n kunngba'n n yo man nyrɛnnɛn'n ɔ ba be su. M bɔbɔ min Anannganman, min yɛ n yo ninnge sɔ'm be kwlakwla-a.

Zeremi 32:42

Anannganman'n wan yoo: «Like nga n yoli bɔ n fali nyrɛnnɛn dan nga n yili i Zida mɛn'n su'n, i kunngba'n yɛ n ´yo man be ´wun ndɛ fɛ nga n ´kɛn i yɛ'n kwlaa wlɛ-ɔ.

Amɔs 3:6

?Klɔ kun su'n sɛ be ´bo awɛ'n, sran'm be usa-man kɛ nguɛ sa-a? ?Sa onin yɛ ɔ tɔ klɔ kun su sa bɔ nán Anannganman'n yɛ ɔ mɛn i wun atin-ɔn?