Ngwlɛ Yilɛ 3:25 - NYANMIƐN NDƐ'N 1998

²⁵ Sran nga b'ɔ fɛ i wla gua Anannganman su'n, sran ng'ɔ mɛntɛn i'n, nanwlɛ, ɔ yo i kpa.

Ngwlɛ Yilɛ 3:25 ပူးပေါင်းရင်းမြစ်များ

Bo Bolɛ 49:18

Ee! Anannganman, n lafi su kɛ a ´de min.

1 Be Nyoliɛ 28:9

Min wa Salomɔn, ɔ liɛ'n, kplin ɔ́ nyin nan si Nyanmiɛn nga n su i'n kpa. Gua ɔ wla ase nan su i kpa, nán fa like uflɛ ukɛ i su, afin Anannganman nian kɛ e anwlɛn'n fa ti'n. Ɔ si e klun akunndan'n kwlaa. Sɛ a fa ɔ wun mɛntɛn i'n, ɔ ´yi i wun nglo ´kle wɔ, sanngɛ sɛ a kaci ɔ sin a si i'n, ɔ ´yi wɔ blo mlɔnmlɔnmlɔn.

2 Be Nyoliɛ 15:2

Azaria ko toli Aza-a. Ɔ seli i kɛ: «Nannan Aza, a nin Zidafuɛ mun, nin Bɛnzamɛnfuɛ mun kwlaa, amun `tie, n ´kan ndɛ. Sɛ amun nin Anannganman o nun'n, i kusu nin amun wo nun. Sɛ amun fa amun wun mɛntɛn i'n, ɔ ´yo man amun ´wun i. Sɛ amun kpɔci i'n, ɔ ´kpɔci amun.

2 Be Nyoliɛ 19:3

sanngɛ a buli sa kpa wie'm be akunndan yɛ a yoli be. Ɔ mɛn'n nun waka nga be sɔ be'n, a wɔli be nun, yɛ a tuli ɔ klun fali ɔ́ wun mantannin ɔ Nyanmiɛn'n kpa.»

2 Be Nyoliɛ 30:19

Ɔ seli kɛ: «Anannganman, e nannan'm be Nyanmiɛn, wɔ bɔ a ti kpa'n, be nga be miannin bé nyin kɛ be ´fa bé wun mantan wɔ'n, kannzɛ be ti-man saun'n, yaci bé wun sa'n cɛ be.»

2 Be Nyoliɛ 31:21

Ɔ siesieli Nyanmiɛn i sua'n i ye, ɔ suli sran'm be bo kɛ bé fa Nyanmiɛn i mmla fanunfanun'm be su. Kɛ ɔ ´yo sɔ'n, wuun i bɔbɔ ´miɛn i nyin kɛ ɔ ´mɛntɛn i Nyanmiɛn'n. Ɔ tuli i klun yoli ninnge ng'ɔ yoli be nin i anwlɛn'n kwlaa, yɛ Nyanmiɛn man ninnge sɔ'n be yoli kpa.

Ɛsdras 8:22

Kɛ n se famiɛn'n kɛ ɔ man ye sonja nga be nanti bé ja'n, ɔ nin nga be fu nnɛn kpanngɔ'n nan be `sasa ye e kpɔfuɛ'm be lika'n, ɔ yo min nyannzuɛn, afin e dun mmua seli famiɛn'n kɛ e Nyanmiɛn'n ti be nga be fa bé wun mantan i'n be sasafuɛ, sanngɛ ya ng'ɔ fɛ i be nga be kaci be sin si i bé wun'n ɔ yo sro.

Jue Mun 105:3

Amun `fɛ i di be nuan, afin i nzuɛn'n nin klɔ sran liɛ'n ti-man kun. Amun bɔ an fa amun wun mantan Anannganman'n, man amun klun jɔ.

Jue Mun 119:2

Be nga be nian sa ng'ɔ fa sie be nyrun'n su be yo'n, bɔ be tu be klun be kunndɛ i'n, be liɛ su ti ye!

Jue Mun 22:26

Anannganman, wɔ yɛ man n kwla manman wɔ sran nga be yia kpanngban'n be nyrun-ɔn. Be nga be fa bé wla be gua ɔ su be nyrun'n, like nga n kan kleli wɔ kɛ n ´yo man wɔ'n, n ´yo.

Jue Mun 25:8

Anannganman ti kpa, ɔ ti sɛsɛ. I ti ɔ kle be bɔ b'a fɔn'n be atin.

Jue Mun 27:14

Fa ɔ́ wla'n gua Anannganman su. Jran kekle, yɛ tra wɔ anwlɛn. Fa ɔ́ wla'n gua Anannganman su.

Jue Mun 27:8

Ndɛ nga a kannin'n, m bu i akunndan kpa. A seli kɛ: «Amun `fa amun wun mantan min!» N kusu nanwlɛ, ee Anannganman, n fa min wun mantan wɔ o!

Jue Mun 37:34

Fa ɔ wla gua Anannganman su, fɛ i atin'n su. Yɛ ɔ ´di wɔ nɛnnɛn, mɛn'n ɔ ´yo ɔ liɛ. Klunwifuɛ'm be nunnunlɛ'n ɔ ´yo ɔ nyrun.

Jue Mun 37:7

Fa ɔ́ wla'n guɛ i Anannganman su! Tran diin, yɛ minndɛ. Sɛ sran wie i ninnge'm be yo ye i sa nun'n, nán man ɔ yo wɔ ya. Nán fa ya sran nga i klun akunndan'm be ti-man kpa'n i wun.

Jue Mun 39:7

Sran'n ɔ nanti kɛ fɔnvɔ sa. Ɔ sin kɔ wa, ɔ sin kɔ wa, ɔ yo nga, ɔ yo nga, sanngɛ ɔ ti kɛ aunngban sa. Ninnge ng'ɔ nyɛn i'n ɔ si-man sran ng'ɔ wa fa-a .

Jue Mun 61:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n wie. I waan:

Jue Mun 61:5

N klo kɛ n ´tran ɔ tannin sua'n nun tititi nan n ´fia ɔ ndɛwa'n bo.

Jue Mun 69:32

Anannganman, a klo i sɔ'n tra kɛ m'an kun nannin m'an man wɔ'n. A klo i sɔ'n tra nannin tola b'ɔ lɛ wunmiɛn kpa'n bɔ be kun i be man wɔ'n.

Jue Mun 71:14

N liɛ'n, n ´fa min wla'n n ´gua ɔ́ su, m ´manman wɔ lelele.

Ezai 25:9

I cɛn sɔ nun'n, be ´se kɛ: «I yɛ ɔ ti e Nyanmiɛn nin-ɔn. E lafili i su yɛ ɔ deli ye, Anannganman yɛ e fali é wla guɛli i su-ɔ. Man é wun blibli ye. Man e klun jɔ delɛ b'ɔ deli ye'n ti.

Ezai 26:9

Kɔnguɛ'n, n konvi sɔ wɔ, n kunndɛ kɛ n ´fa min wun mantan wɔ sakpa. Kɛ a tu asiɛ'n sufuɛ'm be fɔ'n, kpɛkuun be su kpɛ mmla'n i su falɛ'n i sin atin.

Ezai 30:18

I sɔ'n ti, Anannganman'n sunnzun kɛ ɔ ´yo amun ye, i waan ɔ ´si amun aunnvuɛ. Afin Anannganman ti Nyanmiɛn kun b'ɔ yo sa i nuan su. Be kwlaa bɔ be fa bé wla guɛ i su'n, be liɛ su ti ye .

Ezai 40:31

Sanngɛ be nga be fa bé wla gua Anannganman su'n, be liɛ be nyan wunmiɛn uflɛ tititi. Sɛ be ´jaso'n, be jaso kpɛ kunngba waka kɛ anunman nyin'n ɔ fa tu'n sa. Be wanndi, sanngɛ be fɛ-man, be nanti tititi, sanngɛ be wunmiɛn'n wie-man .

Ezai 55:6

Blɛ bɔ be fa bé wun mantan Anannganman ɔ tɛ yo ye'n, amun `kpɛ amun nyin i wun lɔ, kɛ ɔ tɛ o koko'n, amun `kpan flɛ i.

Ezai 64:4

Be nga be tu be klun be yo ɔ klun sa'n, bɔ atin nga a kle be'n i su falɛ akunndan yɛ ɔ o be klun'n, a uka be. Sɛ a fali ya'n, é sa tɛ bɔ e yoli'n i ti-ɔ. ?Sanngɛ e ´yo sɛ yɛ e ´fite nun-ɔn?

Ngwlɛ Yilɛ 3:26

Sɛ sran kun tran diin minndɛ Anannganman kɛ ɔ wa de i'n, i sɔ yolɛ i kpa liɛ ng'ɔ ti'n, nán sa yolɛ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 10:12

Sɛ sa nuan su yolɛ'n ti mma'n, wuun n ´se kɛ an gua nan amu'an titi klun-ufue'n i mma. An `sɔn bo uflɛ, min Anannganman min mantanlɛ blɛ'n yɛ ɔ'a ju yɛ. Amun `fa amún wun `mantan min, nan sɛ m ´ba'n, m'an fa ti delɛ'n m'an blɛ amun .

Sofoni 3:8

I sɔ'n ti min waan: «An `tran lɛ be minndɛ min man n kan sa tɛ nga an yoli mun n kle amun afin m'an gugu kɛ n ´yiayia nvle-nvlefuɛ mun nin famiɛn'm be mɛn'n be nunfuɛ mun nan ya dan nga n fali'n, n ´yo i nuan like m ´man be. Min ya dan ng'ɔ jue kɛ sin sa'n, ɔ ´di asiɛ wunmuan'n.»

1 Tɛsalonikfuɛ Mun 1:10

kɛ amun ´minndɛ i Wa b'ɔ cɛnnin i'n, b'ɔ ´fin nyanmiɛn su lɔ ba'n, yɛlɛ Jésus b'ɔ de e Nyanmiɛn i ya b'ɔ wa jao'n nun'n.

Jacques 5:7

I sɔ'n ti, aniaan mun, an `tra amun anwlɛn lele man ɔ fa ju e Min'n i balɛ. An `nian, fie difuɛ'm be tra be anwlɛn lele be nyan be fie'n su like kpakpa. Be tra be anwlɛn lele kofie bolɛ nzue'n nin wawa nzue'n ɔ tɔ su.