Ngwlɛ Yilɛ 3:24 - NYANMIƐN NDƐ'N 1998

²⁴ N wan yoo: «Anannganman ti min like kpa yɛ m'an nyɛn i-ɔ. Nga ti bɔ mín wla'n ɔ o i su'n yɛ ɔ o lɛ-ɔ.»

Ngwlɛ Yilɛ 3:24 ပူးပေါင်းရင်းမြစ်များ

1 Be Nyoliɛ 5:20

Alɛ sɔ'n i kunlɛ nun'n, be kpan flɛli Nyanmiɛn nan ɔ'a tɛ be su, afin be fa be wla'n be guɛli i su. Ɔ ukali be, ɔ man be kwlali Agarenfuɛ mun nin be mantanfuɛ mun.

Zɔb I Nyrɛnnɛn Wunlɛ 13:15

Sɛ Nyanmiɛn waan ɔ ´kun min'n, man ɔ kun min. Kannzɛ ɔ yo sɛ, i su yɛ n ´fa min wla'n n ´gua-a. Sɛ i li ɔ ko yo nan n ko kpli min ti i nyrun'n,

Zɔb I Nyrɛnnɛn Wunlɛ 22:25

Yɛ Nyanmiɛn b'ɔ kwla like kwlaa yo'n ɔ yo kɛ ɔ sika ɔkwlɛ sa ɔ́ sa nun, yɛ ɔ ´yo kɛ jɛtɛ ufue sa kusu.

Jue Mun 119:57

Ee Anannganman, like ng'ɔ nin min ka bɔ n kɛn i ndɛ titi'n, yɛlɛ ɔ ndɛ'm be su falɛ'n.

Jue Mun 130:7

Izraɛlfuɛ mun, amun `fa amun wla gua Anannganman su! Afin ɔ ti aklunyefuɛ, ɔ kwla de amun lele tra su.

Jue Mun 142:5

To ɔ́ nyin mín su wa nian: sran fi sa si-man min, n lɛ-man wanndi kɔwlɛ, sran fi ndɛ nun-man min ndɛ nun.

Jue Mun 16:5

Anannganman, min like liɛ nga n nyɛnnin i'n, yɛlɛ wɔ. Wɔ yɛ a ti min wun nyan-man nun-ɔn. Ɔ sa nun yɛ min nguan'n ɔ wo-ɔ.

Jue Mun 31:24

Nyanmiɛn sufuɛ nanwlɛfuɛ mun, amun `klo Anannganman! Afin Anannganman nian be bɔ be lafi i su'n be su, sanngɛ tutrefuɛ mun'n, ɔ man be tutre i nuan akatua lele kpe nun.

Jue Mun 33:18

Be bɔ bé nyin yi Anannganman'n, bɔ be fa bé wla guɛ i ukalɛ b'ɔ uka sran'n su'n, i nyin o be su.

Jue Mun 42:11

Kɛ min kpɔfuɛ'm be ´yo min fiaan bɔ be ´usa min kɛ: «?Ɔ Nyanmiɛn'n wo nin'n?» Ɔ yo min ya lelee, kpɛkuun min owie nun yra min fiaan.

Jue Mun 42:5

Kɛ mín nyin kpɛnkpɛn min laa nun'n, ɔ kle min sunlɛ. Laa sɔ'n, n dun sran'm be nyrun mmua e nanti e kɔ Nyanmiɛn sua'n nun, wuun be ´kpan be ´bo be sro, e klun jɔ, Nyanmiɛn i ye b'ɔ yoli ye'n ti.

Jue Mun 43:5

?Nguɛ ti yɛ man n wla'n ɔ ko bo min wun-ɔn? ?Nguɛ ti yɛ man n ko fɛfɛ-ɔ? Ɔ fata kɛ n fa mín wla'n n guɛ i Nyanmiɛn'n su, yɛ m mɛnmɛn i, afin ɔ ti min defuɛ, i kunngba'n ɔ ti min Nyanmiɛn.

Jue Mun 62:8

Sɛ n ´nyan mín ti o, sɛ n ´nyan nyrun o, ɔ fin i. Ɔ ti kɛ yɛbuɛ sa i yɛ n talo i-ɔ, ɔ sasa min. Ɔ ti min fiawlɛ.

Jue Mun 71:14

N liɛ'n, n ´fa min wla'n n ´gua ɔ́ su, m ´manman wɔ lelele.

Jue Mun 73:26

Nyanmiɛn, kannzɛ min wunnɛn'n ´wiewie o, kannzɛ mín wla'n ´bo mín wun o, sran nga n kisɛ i su b'ɔ ti min liɛ mlɔnmlɔn titi'n yɛlɛ wɔ.

Jue Mun 84:12

Afin Anannganman Nyanmiɛn ti kɛ wia sa, yɛ ɔ sasa e kɛ nyrɛn sa. Anannganman yo sran ye, yɛ ɔ yo man sran nyrun ba nyan. Be nga be nantilɛ'n ti sein'n, Anannganman man ninnge kpakpa'n kwlaa ti sin yia be.

Jue Mun 94:19

Blɛ bɔ min akunndan'n sanngan sa sunman ti'n, a fɔnvɔ min ɔ man n nyan aklunjuɛ.

Zeremi 10:16

Sanngɛ sran ng'ɔ ti kɛ Zakɔb osu nunfuɛ'm be anyanbeun like sa'n, ɔ ti-man kɛ ninnge finfin sɔ'm be sa. Afin i yɛ ɔ ti mɛn wunmuan'n i bofuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.

Zeremi 51:19

Sanngɛ sran ng'ɔ ti kɛ Zakɔb osufuɛ'm be anyanbeun like sa'n, ɔ ti-man kɛ be sa. Afin i yɛ ɔ ti mɛn wunmuan'n i yifuɛ nin-ɔn. Sran sɔ'n, Izraɛl ti i liɛ mlɔnmlɔn. I dunman'n yɛlɛ Anannganman b'ɔ sie mɛn wunmuan'n.»

Ngwlɛ Yilɛ 3:21

Sanngɛ sa nga n waan nán ɔ mlin min klun le'n, sa nga ti bɔ mín wla'n ɔ tɛ o lɛ'n yɛlɛ kɛ:

Mise 7:7

Min liɛ'n, Anannganman nyrun yɛ min nyin ta-a. Nyanmiɛn b'ɔ de min'n i su yɛ n lafi-ɔ. Min Nyanmiɛn'n ɔ ´ti min aniɛn.

Rɔmfuɛ Mun 15:12

Ezai kusu seli kɛ: «Izai i anunman'n ɔ ´ba, ɔ wa jao sie be nga be ti-man Zuif'n. I su yɛ be ´fa bé wla'n gua-a .»

Mmla'n 18:2

Be su nyan-man asiɛ'n wie Izraɛlfuɛ'm be nun. Be like liɛ bɔ be lɛ i'n, yɛlɛ Anannganman i sulɛ kɛ ɔ fa kan kleli be'n sa.

1 Piɛr 1:21

Nyanmiɛn b'ɔ cɛnnin i'n, b'ɔ man ɔ nyannin nyrun'n i ti yɛ amu'an lafi i su-ɔ, ɔ man Nyanmiɛn su yɛ amu'an lafi-ɔ, i su yɛ amu'an fa amún wla'n b'a gua-a.

1 Samiɛl 30:6

David i wla ɔ boli i wun dan, afin sran'm be su kan kɛ be ´kun i yɛbuɛ nun. Afin sran'm be kwlakwla be fali ya be mma yasua nin be mma bla mun be liɛ'n ti, sanngɛ kɛ David fɛ i wla guɛli Anannganman i Nyanmiɛn'n su'n ti'n, Anannganman kusu wlɛli i fanngan.