Ngwlɛ Yilɛ 3:22 - NYANMIƐN NDƐ'N 1998

²² Anannganman i klun-ufue'n ɔ nian wie-man, i sran klolɛ'n ɔ tɛ o lɛ.

Ngwlɛ Yilɛ 3:22 ပူးပေါင်းရင်းမြစ်များ

2 Samiɛl 24:14

David waan: «Min akunndan ɔ'a sanngan ɔ'a tra su. Sɛ e tɔ Anannganman sa nun'n, ɔ flunman tra kɛ e tɔ sran sa nun'n. Anannganman liɛ i aunnvuɛ silɛ'n lɛ-man sin.»

Neemi 9:31

Sanngɛ wɔ aunnvuɛ silɛ dan'n ti w'a nunnun-man be, w'a yi-man be blo, afin a ti Nyanmiɛn kun b'ɔ si aunnvuɛ yɛ ɔ klun ti ufue.

Jue Mun 103:10

Ɔ nian-man é sa tɛ'm be su yo-man e sa. Fɔnlɛ nga e fɔn'n, nán i nuan like yɛ ɔ fa yi e su-ɔ.

Jue Mun 106:45

Kɛ i waan ɔ ´yo be ye'n ti'n, i wla kpɛnnin aenguɛ ng'ɔ nin be trali'n su. I klun-ufue dan'n ti ɔ sili be aunnvuɛ.

Jue Mun 69:17

Anannganman, tɛ mín su, afin a ti kpa, ɔ klun ti ufue. Aunnvuɛ dan bɔ a si'n ti, nian min nyrun.

Jue Mun 77:8

N usa kɛ: ?Nan Anannganman ´yi e blo sa mlɔnmlɔn? ?Ɔ su yo-man e ye kun?

Jue Mun 78:38

Sanngɛ i liɛ'n, ɔ si be aunnvuɛ, ɔ yaci be fɔnlɛ'n cɛ be, ɔ se-man kɛ ɔ ´nunnun be kun. Kpalɛ sunman ɔ trɛli i anwlɛn, ɔ guɛli i ya'n i ase, ɔ yacili ya'n.

Jue Mun 86:15

Sanngɛ min Min, ɔ liɛ'n, a ti Nyanmiɛn kun b'ɔ a si aunnvuɛ, a fa-man ya ndɛndɛ. Wɔ aklunye'n ti dan, a ti nanwlɛfuɛ tititi.

Zeremi 3:12

Ɔ man `bo ndɛ ng'ɔ o yɛ'n i ndolo mɛn'n i nglo lɔ lika'n nun se kɛ: ‹Anannganman'n wan yoo: Izraɛl b'ɔ ti kɛ bian safuɛ sa'n, sa ɔ sin bla. N ti aunnvuɛ sifuɛ, n su fa-man ɔ́ wun ya tantrantan kun. Ɔ wun sa su tran-man min klun titi kun.

Zeremi 30:11

Anannganman'n kɛnnin i ekun kɛ: «N wo ɔ sin kɛ n ´de wɔ. Mɛn nga n yoli bɔ ɔ mma mun be bo sanndili be nun'n, n ´nunnun be. Ɔ liɛ'n, n nunnun-man wɔ. Sanngɛ sa nga a yoli'n su yɛ n nian n yoli wɔ sa nin-ɔn, afin n yaci cɛ wɔ sɔ-ɔ ɔ yo-man ye.»

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Daniɛl 9:9

Sanngɛ ɔ liɛ'n e Min, e Nyanmiɛn, wɔ bɔ a si aunnvuɛ'n, bɔ ɔ klun ti ufue'n, kannzɛ bɔ e jasoli ɔ́ wun'n, a yacili e wun sa'n a cɛli ye.

Malasi 3:6

«N ti Anannganman n kaci-man, i sɔ'n ti amun bɔ an ti Zakɔb i mma mun,

JÉSUS-CHRIST I DYASIN FE'N BO LUC KLELI'N 1:50

Kɛ ɔ fin lalafuɛ nun lele b'ɔ ´fa ju ndɛ'n, ɔ si be bɔ be sro i'n be aunnvuɛ titi.