Ngwlɛ Yilɛ 3:2 - NYANMIƐN NDƐ'N 1998

² Kɛ ɔ `fa min wɔ lika ng'ɔ kpaja nun'n, nɛ́n i-ɔ. Aosin nun yɛ ɔ fa min tɔtɔ-ɔ.

Ngwlɛ Yilɛ 3:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 18:18

B'a fuɛn i wia'n nun b'a yi i aosin'n nun. B'a kɛn i bo mɛn'n nun mlɔnmlɔn.

Zɔb I Nyrɛnnɛn Wunlɛ 30:26

N sunnzun kɛ n su wa di ye, kpɛkuun sa yɛ ɔ'a nyan min-ɔn. N sunnzun kɛ min nyrun su wa yo weiin, kpɛkuun aosin yɛ ɔ'a dun min-ɔn.

Ezai 59:9

I sɔ'n ti yɛ Nyanmiɛn ɔ sisi i bo b'ɔ nian-man e lika nin-ɔn. I sɔ'n ti yɛ ɔ de-man ye nin-ɔn. E kunndɛ kɛ lika b'ɔ kpaja weiin ɔ bla, sanngɛ aosin'n yɛ ɔ ba-a. E kunndɛ kɛ aliɛ'n ɔ cɛn, sanngɛ lika tuun'n nun yɛ e nanti-ɔ.

Zeremi 13:16

An `manman Anannganman amun Nyanmiɛn'n. Ɔ'a yo-man sɔ-ɔ, aosin'n ´ba. Ɔ man amún ja ´kpla oka mun lika tuun'n ti. Ɔ'a yo-man sɔ-ɔ, amun ´minndɛ kɛ aliɛ'n `cɛn lele ngbɛn. Anannganman ´yo man lika'n ɔ kaci aosin tritri kpa. Ɔ ´kaci i kɛ nyanmiɛn ble tuun'n sa.

Zeremi 4:23

Kɛ n nian asiɛ'n, ɔ ti kɛ like fi nun-man su sa. Nglo lɔ'n kusu ɔ kpaja-man kun.

Ngwlɛ Yilɛ 2:1

E Min'n fali ya ti ɔ fali aosin tuun yili i Zerizalɛm klɔ'n su. Cuekee! Like nga bɔ man Izraɛl nvle i nyrun ba nyan'n, ɔ finndin i nglo lɔ yili i asiɛ'n su wa. Kɛ ɔ fali ya'n, i wla fili su kɛ Izraɛl'n yɛ ɔ ti i ja takatakawlɛ-ɔ!

Mmla'n 28:29

Wia klakla kpa nun'n, amun ´fuafua amún sa kɛ anyansifuɛ'm be sa. Like nga amun ´yo'n, ɔ su yo-man ye amún sa nun. Yalɛ yɛ be ´kle amun sa lelele-ɔ, amún bo ninnge'n yɛ be ´fɛn i sa tititi-ɔ, amun su nyan-man sran b'ɔ ´de amun-ɔn.

Jude 1:13

Be ti kɛ jenvie'n b'ɔ bo gbuugbuu'n sa, be nyannzuɛn sa nga be yo'n ti kɛ i nyin su nglo'n sa. Be ti kɛ nzraama b'ɔ tu kɔ'n sa, lika nga Nyanmiɛn fa sieli be kɛ be tran nun tititi'n, yɛlɛ aosin tritritri kpa'n.

Jude 1:6

Yɛ n ´kan kle amun ekun kɛ anz nga b'a tran-man junman nga Nyanmiɛn sieli bé su i su'n, bɔ be yacili be lika'n, Nyanmiɛn ci be guali aosin tuun kpa'n nun, ɔ su nyannji-man be mlɔnmlɔn nan sɛ i jɔlɛ dilɛ cɛn dan'n ju-ɔ ɔ'a di be ndɛ'n.