Ngwlɛ Yilɛ 3:19 - NYANMIƐN NDƐ'N 1998

¹⁹ Min nyrɛnnɛn nin min nyrun bɔ n wun i'n, kɛ mín wla kpɛn su'n, ɔ yo kɛ b'a saci like b'a man min sa.

Ngwlɛ Yilɛ 3:19 ပူးပေါင်းရင်းမြစ်များ

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Zɔb I Nyrɛnnɛn Wunlɛ 7:7

Ee Nyanmiɛn, ɔ bɔbɔ a si kɛ min nguan'n ti kɛ aunngban sa. N su nyan-man alaje kun le.

Jue Mun 132:1

Zerizalɛm kɔlɛ'n i su jue. Anannganman, man ɔ wla kpɛn David su. Man ɔ wla kpɛn i afɛ ng'ɔ fɛli'n su.

Jue Mun 89:47

?Anannganman, cɛn onin ko yɛ a ´yaci é wun fialɛ-ɔ? ?Cɛn onin ko yɛ a ´yaci e wun ya falɛ kekle nin-ɔn?

Jue Mun 89:50

?Min Min, sa kpakpa nga a yo be laa'n be o nin? A di nanwlɛ titi, i ti a kannin kɛ a ´yo sa sɔ mun man David. ?Be o nin?

Zeremi 8:14

?Ɔ yo sɛ ti yɛ e titi ase-ɔ? Amun man e yia e wlu klɔ nga be si bé wun'n be nun. E `ko wu lɔ. Afin Anannganman e Nyanmiɛn'n waan san wulɛ yɛ e ´wu-ɔ. Ɔ'a man e nzue nga duwlɛ o nun'n kɛ e `nɔn, sa tɛ bɔ e yoli i'n i dunman nun ti.

Zeremi 9:15

N ´yo man be bo sanndi nvle nga bé si'm be bɔbɔ be si-man be'n, nan se kɛ be yɛ be ´si be'n, be nun. N ´fa alɛ'n n su be su lele san be ´wie nunnun.»

Ngwlɛ Yilɛ 3:15

Klunngbɔ nin aklunfian ɔ'a fa kun min kpo.

Ngwlɛ Yilɛ 3:5

Ɔ'a fa klunngbɔ nin afɛ'n ɔ'a sisi mín wun kɛ talɛ sa ɔ'a sin ɔ'a yia nun.