Ngwlɛ Yilɛ 3:1 - NYANMIƐN NDƐ'N 1998

¹ Kɛ be se kɛ sran ɔ'a wun i nyrun'n yɛlɛ min liɛ'n. Ɔ fali ya dan nan ɔ'a bo min nin nyantiaan.

Ngwlɛ Yilɛ 3:1 ပူးပေါင်းရင်းမြစ်များ

Zɔb I Nyrɛnnɛn Wunlɛ 19:21

Amun `si min aunnvuɛ. Min janvuɛ mun, amun `si min aunnvuɛ. Nyanmiɛn'n yɛ ɔ yoli yɛ man sa nga nyannin min-ɔn.

Jue Mun 102:11

Ɔ ya bɔ a fɛli i min wun b'ɔ ɔ'a fɛ-mɛn i blɛblɛ'n ti a mannin min su yili min blo mmua.

Jue Mun 71:20

Wɔ man n wunnin nyrɛnnɛn dan, wɔ man n wunnin min nyrun kpa. Sanngɛ a ´man min nguan ekun, yɛ a ´yi min ndia nun fite.

Jue Mun 88:7

A fa min a yi kunman dan bɔ be si-mɛn i bo'n nun, a fa min a yi wie'n i aosin tikitiki'n nun.

Ezai 53:3

Sran'm be yoli i finfin, be kacili bé sin sili i, ɔ ti afɛfuɛ, nyrɛnnɛn'n yɛ ɔ wun i sa tititi-ɔ. Ɔ yoli kɛ sran bɔ be wun i-ɔ be to bé nyin blo'n sa, e yoli i finfin, y'a bu-mɛn i like fi.

Zeremi 38:6

Yɛ be ´fa Zeremi be ´yi i famiɛn'n i wa Malkiza i nzue gbo ng'ɔ o gladi difuɛ'm be awlo nun'n i nun-ɔn. Be fali nyanman be cili i yɛ be jrɛli i nun-ɔn. Kɛ ɔ ´yo sɔ'n, wuun nzue nun-man nzue gbo sɔ'n nun, sanngɛ nnɔtiɛ yɛ o nun-ɔn. Ɔ man Zeremi mlɔnnin nnɔtiɛ nun bɔ lɔuun kpa!

Zeremi 43:6

Bla mun o, yasua mun o, famiɛn'n i mma bla mun o, sran nga Nɛbizaradan b'ɔ ti gladi difuɛ'm be kpɛnngbɛn yacili be Safan i wa Asikam i wa liɛ Gɛdalia sa nun'n, be fali be ngba ɔli. Be fali Zeremi nin Neriza i wa Barik ɔli wie.

Zeremi 8:21

Kannin ng'ɔ tuli min nvlefuɛ mun'n ɔ'a bo min wla dan. N wo afɛ nun. N wun-man min wun fɛ kun.