Ngwlɛ Yilɛ 2:9 - NYANMIƐN NDƐ'N 1998

⁹ Klɔ'n i anuan'm be bu tɔli. Ɔ sacili be nun gboklo mun mlɔnmlɔn. Famiɛn nin o, famiɛn i awlo lɔ sran dandan mun o, be kwlakwla be o be nga be si-man Nyanmiɛn'n be sa nun. Nyanmiɛn mmla'n, sran fi si-mɛn i kun. Nyanmiɛn nuan ijɔfuɛ'm be bɔbɔ, Anannganman fa-man ndɛ wla-man bé nuan kun.

Ngwlɛ Yilɛ 2:9 ပူးပေါင်းရင်းမြစ်များ

2 Famiɛn Mun 25:7

Be kunnin i mma mun i bɔbɔ nyrun lɛ, kpɛkuun Nɛbikadnɛzar man be boli i nyinma'n. Ɔ man be fali jrɔkɔ be cili i nan ɔ'a fɛ i ɔ'a ɔ Babilɔni .

2 Be Nyoliɛ 15:3

Kɛ Izraɛlfuɛ'm be nin Nyanmiɛn tili nun'n, bɔ b'a nyan-man Nyanmiɛn nyrun jranfuɛ b'ɔ kle be like'n, bɔ b'a ti-man Nyanmiɛn i mmla'n kun'n, i osu lali nun kpa.

Neemi 1:3

Be seli min kɛ be nga be fin kanga nun ɔli'n be tran Zida akpasua'n su lɔ, yɛ be o nyrɛnnɛn nin nyannzuɛn'n nun. Be seli min ekun kɛ Zerizalɛm klɔ'n kusu i talɛ'n wie ɔ'a bu, yɛ be wɔli i anuan'm be nun.

Jue Mun 74:9

E wun-man e nzɔliɛ'm be wie fi kun. Nyanmiɛn nuan ijɔfuɛ'm b'a wie. E wie fi e si-man blɛ bɔ i sɔ sa'm be wie-ɔ.

Ezai 24:12

Klɔ'n nun sua nvuɛn ngunmin yɛ b'a ka-a, anuan bubuwa'm b'a saci.

Zeremi 14:14

Yɛ Anannganman'n tɛli min su kɛ: «I sɔ sran liɛ'm be tɔn be wun suɛn ngbɛn, nán min yɛ n sunmannin be-ɔ. M'an fa-man ndɛ m'an sie-man be nyrun, m'an kan-man ndɛ m'an kle-man be. Bé ti nun ninnge nga be wun i'n, ɔ ti ato. Sa nga be kɛn i kɛ ɔ wa ju'n, finfin ndɛ yɛ be kan-an. Be kpɛ bé ti nun yɛ be kan-an.»

Zeremi 23:16

Anannganman b'ɔ sie mɛn wunmuan'n wan yoo: «Be nga be bu be wun kɛ be ijɔ min nuan'n, be ndɛ nga be ´kan kle amun'n, nán amun fa amún su sie i bo. Aolia nun like nga be ´kɛn i ndɛ kle amun'n, ɔ fin be bɔbɔ be akunndan'n nun. Nán min nuan su ndɛ-ɔ.

Zeremi 39:2

Sedesias i sielɛ'n i afuɛ blu-nin-kun'n i anglo nnan'n i cɛn ba ngwlan su yɛ be fitili klɔ i wun talɛ nin-ɔn.

Zeremi 39:8

Babilɔnifuɛ'm be wɔli famiɛn sua'n nin klɔ'n nun sua'm be nun. Yɛ be bubuli klɔ'n wun talɛ'n.

Zeremi 51:30

Babilɔni alɛ kunfuɛ kpakpa'm b'a kun-man alɛ'n kun. B'a wluwlu be fiawlɛ'm be nun sɛsɛsɛ. Bé wun ɔ'a fɔ mlɔnmlɔn. B'a kaci kɛ bla sin sa siɛn'n. Be kpɔfuɛ'm b'a bubu be klɔ'n i wun anuan mun. B'a fa sin b'a yi bé sua'm be nun.

Zeremi 52:14

Babilɔni sonja nga be nin gladi difuɛ'm be su kpɛn'n bali'n, be bubuli talɛ ng'ɔ si Zerizalɛm klɔ'n i wun'n i ngba.

Ngwlɛ Yilɛ 1:3

Zidafuɛ mun'n, kɛ be ko wun nyrɛnnɛn'n yɛ be wunnin i-ɔ. Kanga nga be flɛ-mɛn i kanga'n yɛ be su di-ɔ. B'a tra be lomuɛn b'a ɔ nvle wie nun. Be o be nga be si-man Nyanmiɛn'n be afiɛn, nán wunmiɛn kaan sa yɛ be ko de-ɔ. Be yalɛ klefuɛ'm bé su be su, be waan nán be nyan bé ti nɔn nzue, be mian-mian bé sa fii!

Ngwlɛ Yilɛ 4:15

Kɛ be ´tɔtɔ be ba'n, sran'm be kpan kɛ: «Amun `cia bé wun! Sran nga be ´ba lɛ'n be ti fiɛn. Amun `cia bé wun ! Nán amun kan be!» Be wanndi sa ngbɛn be wun-man lika nga be wɔ-ɔ. Sɛ be ju nvle wie nun'n, lɛfuɛ'm be se kɛ: «Sran kɛ nga sa mun'n nán e mɛn liɛ nun wa yɛ be ka-a.»

Ngwlɛ Yilɛ 4:20

Sran nga Anannganman guɛli i ti su ngo b'ɔ fɛ i sieli é su'n, i b'ɔ man e wla'n gua ase'n, e seli e klun lɔ kɛ: «Bian nga, sɛ ɔ tran e su'n, e ´nyan tranwlɛ'n wie be nga'm be afiɛn!» I sɔ sran liɛ'n, ɔ'a tɔ e kpɔfuɛ'm be kunman'n nun .

Ezekiɛl 12:13

N wa to min tɛ'n n ´sin yiɛ i yɛ ɔ ´trɛ i, ɔ ´tɔ min tɛ'n nun. N ´fɛ i n kɔ Babilɔnifuɛ'm be mɛn'n nun lɔ. Ɔ su wun-man mɛn sɔ'n, sanngɛ ɔ ´wu lɔ .

Ezekiɛl 17:20

N wa suɛ i bo aya nan n ´trɛ i. I kpɔcilɛ ng'ɔ kpɔcili min'n ti n ´fɛ i n kɔ Babilɔni lɔ, lɔ yɛ be ´ko di i jɔlɛ-ɔ.

Ezekiɛl 7:26

Nyrɛnnɛn ´uka nyrɛnnɛn su, kɛ nyrɛnnɛn kun sin'n, wuun uflɛ su i su. Be ´se Nyanmiɛn nuan ijɔfuɛ'm be kɛ be ´wun aolia nun sa mun, sanngɛ ngbɛn-ɔn. Nyanmiɛn nyrun jranfuɛ'm be su wun-man mmla ng'ɔ fata kɛ be kle-ɔ. Be nga be ti klɔ'n su kpɛnngbɛn'n be su wun-man afɔtuɛ kun bɔ be `mɛn i kun-ɔn .

Ndɛ Nga Nyanmiɛn I Nuan Ijɔfuɛ Oze Kannin'n 11:6

Alɛ'n ´yri be klɔ'm be su, ɔ ´saci klɔ wun anuan mun, ɔ ´di klɔ su sran mun. Be akunndan nga be jajali'n ti alɛ'n ´di be.

Ndɛ Nga Nyanmiɛn I Nuan Ijɔfuɛ Oze Kannin'n 3:4

Afin Izraɛlfuɛ'm be wa ka sa lele be su nyan-man famiɛn kun, be su nyan-man famiɛn i awlo sran dan kun, be su yi-man tɛ kun, be su sɔ-man yɛbuɛ kun. Kpɛkuun ninnge nga be fa si Nyanmiɛn i klun sa'n, be su nyɛn-mɛn i kun.

Amɔs 1:5

Gboklo nga be fa to Damas klɔ'n i anuan'n nun, n ´tu, kpɛkuun n ´nunnun Bikat-Avɛn lɔfuɛ mun nin famiɛn ng'ɔ sie Bɛt-Edɛni'n. Sirifuɛ'm be kusu be liɛ'n, be wa tra be ´kɔ Kir.» Anannganman'n yɛ ɔ kan sɔ kle amun-ɔn .

Mmla'n 28:36

Anannganman ɔ ´yo man amun bɔbɔ nin amun famiɛn nga amun ´fa sie amún su'n, be ´fa amun kɔ nvle kun bɔ amun nannan'm be si-mɛn i laa nan se kɛ amun bɔbɔ'n, i nun. Amun ´sɔ amuɛn bɔ be ti waka annzɛ yɛbuɛ .

Mmla'n 28:63

Anannganman yoli amun kpa, ɔ man amun trɛli. Ɔ wa wlu amun nun, amun ´wie nunnun, kpɛkuun amu'an jaso mɛn nga amun ´ko fa'n nun.

1 Samiɛl 28:6

Sail usali Anannganman sa, sanngɛ ɔ'a tɛ-mɛn i su, i laliɛ nun o, annzɛ ninnge nga be fa si Nyanmiɛn bɔbɔ klun sa'n i nun o, ɔ nin i nuan ijɔfuɛ'm be nun o.