Ngwlɛ Yilɛ 2:6 - NYANMIƐN NDƐ'N 1998

⁶ Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Ngwlɛ Yilɛ 2:6 ပူးပေါင်းရင်းမြစ်များ

Jue Mun 74:7

Be yili ɔ sua'n nun sin, be suli i bo be yili i ase. Be yoli lika sɔ bɔ ɔ dunman'n wo su'n i finfin.

Jue Mun 76:2

Nyanmiɛn fɛli i wun kleli Zida lɔ, Izraɛl lɔ'n, i dunman'n ɔ fu.

Jue Mun 80:12

Waka'm bé sama sɔ'm be trɛli lele be juli jenvie'n nuan. Bé bo'm be fɛfɛli lele juli nzue ba'n i nuan .

Jue Mun 89:40

Nda nga a tali ɔ sufuɛ'n, w'a yo-mɛn i su like'n. A mɛnnin i famiɛn kle'n su a yili i ase, kle sɔ'n a yoli i wannzo.

Ezai 1:13

Amun `yaci sraka ninnge ngbɛn'm be fa balɛ. Ansans bɔ amun yra be man min'n, ɔ yo min tɛ. Anglo le kun cɛn mun, nin wunmiɛn-delɛ-cɛn mun, ɔ nin cɛn dilɛ uflɛ nga sran'm be kwlaa be yia be di'n, n kwla suan-man bé bo kun sa tɛtɛ bɔ amun nyinfu amun yo be cɛn sɔ'm be nun'n ti.

Ezai 1:8

Zerizalɛmfuɛ'm be ngunmin b'a ka lɛ kɛ kuku b'ɔ o vinyi fie kun nun'n sa, b'a ka lɛ kɛ kpata b'ɔ ɔ'a ka blo'n sa, b'a ka lɛ kɛ klɔ bɔ i sufuɛ'm be kpɔfuɛ'm b'a sin b'a yiɛ i'n sa.

Ezai 43:28

I sɔ'n ti yɛ n yoli man be nga be ti min sua'n nun lɔ kpɛnngbɛn'n bé nyin guali ase nin-ɔn. I sɔ'n ti yɛ n sieli i kɛ be ´nunnun Zakɔb i osu'n nunfuɛ mun nin-ɔn. I sɔ'n ti yɛ Izraɛlfuɛ'm be kpɔfuɛ'm be kpɛli be nzowa nin-ɔn.»

Ezai 5:5

Ɔ man yoo, n wa kle amun like nga n wa fa yo min vinyi fie'n. M ´bubu i wun talɛ'n, yɛ nnɛn'm be wa di vinyi nga n tali'n. N ´saci awa ng'ɔ si i wun'n, yɛ be nga be ´sin'n be ´tiatia vinyi'n su.

Ezai 5:6

N ´saci i, be su kpɛkpɛ-man vinyi'n su kun, be su tutu-man fie'n nun kun. Flɔn nin owie'm be ´fifi nun, yɛ n ´se nzue ng'ɔ mlan'n kɛ nán ɔ tɔ su.

Ezai 63:18

E bɔ e ti ɔ nvle'n nunfuɛ mun'n, e trannin mɛn nga nun wa blɛ kaan sa. E kpɔfuɛ'm be sacili ɔ sua'n.

Ezai 64:11

Anannganman, lika nvuɛn sɔ'n yɛ ɔ́ nyin tɛ i lɛ-ɔ. ?A ´tran lɛ sa ngbɛn? ?A su kan-man ndɛ fi? ?Nan a ´gua é nyin ase lele tra su?

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Zeremi 42:18

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ min ya dan'n kplo guali Zerizalɛmfuɛ'm be su'n yɛ ɔ ´kplo gua be nga be waan be kɔ Ezipt'n be su-ɔ. Sran'm be ´yo amun finfin: sɛ be waan be su bo sannzan'n, sɛ be ´kan sa sroesroe wie ndɛ'n annzɛ be su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ be ´bo-ɔ, yɛ amun su wun-man lika nga kun.»

Zeremi 45:4

Anannganman'n waan n se wɔ kɛ yoo: «Like nga n kplannin'n, n wo i bubulɛ. Like nga n tali'n, n wo i bo tulɛ. Ɔ lɛ-man mɛn'n i lika kun b'ɔ ´kalɛ-ɔ.

Zeremi 50:28

An `sie amún su be `tie be bɔ be wanndi tɔ blo'n be ndɛ'n. Be bɔ be fin Babilɔni lɔ fite'n, be wa kan Anannganman e Nyanmiɛn i klunngbɔ b'ɔ su tu'n nin i sua'n i ti ngondin b'ɔ tu'n be ndɛ kle Siɔn.

Ngwlɛ Yilɛ 1:4

Siɔn i atin'm b'a yo sa nvuɛn-nvuɛn-nvuɛn siɛn'n, sran fi ba-man lɛ kun kɛ ɔ wa di cɛn. Klɔ gua'n ɔ'a tɔ sɔ srololo! I Nyanmiɛn nyrun jranfuɛ'm be fɛfɛ-man ngowa. I talua'm be wla'n ɔ ti bowa dan. Nanwlɛ, klunngbɔ'n ɔ'a yi Siɔn lele ɔ'a kpe nun.

Ngwlɛ Yilɛ 4:16

Anannganman fali ya, ɔ man be boli je. Ɔ'a nian-man be lɔ kun. B'a bu-man Nyanmiɛn nyrun jranfuɛ'm be sran kun, nan se kɛ sran oke mun.

Ngwlɛ Yilɛ 4:20

Sran nga Anannganman guɛli i ti su ngo b'ɔ fɛ i sieli é su'n, i b'ɔ man e wla'n gua ase'n, e seli e klun lɔ kɛ: «Bian nga, sɛ ɔ tran e su'n, e ´nyan tranwlɛ'n wie be nga'm be afiɛn!» I sɔ sran liɛ'n, ɔ'a tɔ e kpɔfuɛ'm be kunman'n nun .

Ngwlɛ Yilɛ 5:12

Be trali famiɛn i awlo lɔ sran dandan wie mun be boli be kɔmin. B'a bu-man kpɛnngbɛn oke'm be sran.

Ezekiɛl 17:18

Kɛ b'ɔ dun mmua kplinnin su laa'n, bɔ i sin ɔ wa yoli sa ng'ɔ ti-man su'n, i ti ɔ su fite-man nun.› »

Saun Yolɛ 26:31

N ´nunnun amun klɔ mun, m ´bubu amun sraka yiwlɛ lika sua mun. Ansans nga amun yra be man min'n amún tɛ nga amun yi-ɔ amun yrɛ i nnɛn'n, kannzɛ man be bɔn fannin sɛ, sanngɛ n su fa gua-man min anwlɛn su nzue kun.

Sofoni 3:18

kɛ be fa yo i cɛn dilɛ nun'n sa. Sayalɛ'n su nyan-man amun kun Anannganman ´titi amun nyrun nyannzuɛn'n.

Malasi 2:9

N kusu n wa yo man Izraɛlfuɛ'm be ´yo amun finfin, be ´gua amún nyin ase, afin amu'an fa-man min atin'n su, amu'an jran-man ndɛ sin, sran sin yɛ amun jran be di ndɛ mun-ɔn.»