Ngwlɛ Yilɛ 2:4 - NYANMIƐN NDƐ'N 1998

⁴ Ɔ cuɛnnin i ta'n i nyanman nun kɛ ɔ ti e kpɔfuɛ wie sa. I sa fama'n ɔ lɛ ta mma'n nun kɛ i yɛ e nin i e lɛ i sa. Like nga e wun be bɔ e klo be'n, ɔ sacili be kwlakwla. I ya'n b'ɔ jue kɛ sin sa'n, ɔ kplo guali Siɔn i Nyanmiɛn i sua dan'n su.

Ngwlɛ Yilɛ 2:4 ပူးပေါင်းရင်းမြစ်များ

2 Be Nyoliɛ 34:21

«Amun `ko gua Anannganman bo nnya e nin Zidafuɛ mun nin Izraɛlfuɛ mun bɔ y'a ka'n e dunman nun, yɛlɛ kɛ fluwa nga y'a wun i yɛ'n i nun ndɛ'n, e nannan'm b'a fa-man i ngba su, b'a di-man su. Ɔ man Anannganman ɔ'a fa e wun ya dan kpa.»

2 Be Nyoliɛ 34:25

Ya dan nga n fɛli i klɔ nga wun'n ɔ ti kɛ sin kun bɔ ɔ'a jue bɔ be kwla nuɛn-mɛn i'n sa, afin be kacili be sin sili min, be yrali ansans mannin amuɛn mun. Be kunnin min ya.›

Zɔb I Nyrɛnnɛn Wunlɛ 19:11

Ɔ fali min wun ya kpa. Ɔ man ɔ'a ka min ɔ'a wla i kpɔfuɛ'm be nun.

Zɔb I Nyrɛnnɛn Wunlɛ 6:4

Afin Nyanmiɛn b'ɔ kwla like kwlaa yo'n, ɔ'a fɛ i cua mun ɔ'a wɔwɔ min. Be bɔyre'n ɔ'a wluwlu mín wun. Nyanmiɛn i ninnge nga be yo sro'n, sɛ be ti sran'n, wuun n ´se kɛ b'a jran jran kɛ sonja mun sa sɛsɛsɛ, be nin min su wa kun alɛ.

Jue Mun 37:14

Klunwifuɛ'm be cuɛn be tokofi'n, yɛ be to be ta'n yalɛfuɛ'n nin nyrɛnnɛnfuɛ'm bé wun. Be waan be ´kun be nga be ti sran kpa'n mun.

Jue Mun 7:13

Sɛ sa tɛ yofuɛ'n ɔ yaci-man atin tɛ'n falɛ mlɔnmlɔn'n, Nyanmiɛn si i tokofi'n, ɔ cuɛn i ta'n nun sie.

Ezai 42:25

I sɔ'n ti, Anannganman fali ya Izraɛlfuɛ'm bé wun, yɛ ɔ man alɛ dan'n tɔli be su. Alɛ sɔ'n ɔ yoli kɛ sin sa, ɔ katali bé su kplu, sanngɛ b'a wun-man sa fi wlɛ. Sɛ e ´kwla se'n, sin sɔ'n ɔ yrali be, sanngɛ b'a bu-mɛn i ndɛ.»

Ezai 63:10

Sanngɛ be yoli nyin kekle, be boli Nyanmiɛn i Wawɛ'n i wla. Nyanmiɛn ɔ'a klo-man be sa kun, kpɛkuun i bɔbɔ yɛ ɔ nin be kunnin siɛn nin-ɔn.

Ezai 63:6

Kɛ n fali ya'n, n wɛtɛli sran wie mun. N fali ya dan, i ti n yoli man be kacili kɛ sran bɔ nzan ɔ'a bo be sa. Yɛ n guali be mmoja'n i ase.»

Zeremi 10:20

yɛ mín tannin sua'n ɔ'a bubu yɛ i nyanman'm b'a kpɛkpɛ yɛ. Min mma'm b'a ɔ, b'a fi mín sa. N lɛ-man sran fi b'ɔ ´man mín tannin sua'n su-ɔ. N lɛ-man sran fi b'ɔ ´tanndan nun-ɔn.› »

Zeremi 21:12

David awlofuɛ mun, Anannganman'n wan yoo: «Kɛ aliɛ'n cɛn cɛ'n, sɛ amun ´di jɔlɛ'n, amun `nian nanwlɛ'n be di. Amun `de sran mun be nga be fɛn sran'm bé bo ninnge'n bé sa nun. Ɔ'a yo-man sɔ-ɔ, min ya'n ɔ ´jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i. Amún sa tɛ'n i nuan akatua nga amun ´nyɛn i'n yɛ ɔ o lɛ-ɔ.

Zeremi 21:5

M bɔbɔ min yɛ e nin amun e ´kun-ɔn. E nin amun e ´kun kekle kpa. N ´nian amún wun ya dan nga m'an fa'n su yɛ e nin amun e ´kun-ɔn.

Zeremi 30:14

Be kwlaa nga be klo wɔ'n, bé nyin nun-man ɔ su kun. Be bua-man ɔ ndɛ nun kun. Afin kɛ n ´yo wɔ like yaya'n, n yoli wɔ kɛ n klo-man wɔ sa sa. Kɛ n ko kle wɔ nyrɛnnɛn'n yɛ n kleli wɔ-ɔ. Ɔ sa tɛ nga a yoli'n, be sɔnnin yɛ be ti dandan.

Zeremi 36:7

Nja, sɛ be wa kpan be ´kpata Anannganman nin o! Sɛ be ´yaci be aeliɛ tɛtɛ nin o! Afin Anannganman'n kɛnnin i kɛ ya ng'ɔ fɛli i bé wun'n, ɔ ti-man blɛblɛ.»

Zeremi 4:4

An `wla klɛn nan an `yo Anannganman'n liɛ. Zidafuɛ mun nin Zerizalɛm klɔ'n sufuɛ mun, an `wla amun anwlɛn'n i klɛn. Ɔ'a yo-man sɔ-ɔ, amun nzuɛn tɛ'n ti, min ya'n ɔ wa jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i.› »

Zeremi 42:18

Anannganman b'ɔ sie mɛn wunmuan'n, Izraɛl Nyanmiɛn'n wan yoo: «Kɛ min ya dan'n kplo guali Zerizalɛmfuɛ'm be su'n yɛ ɔ ´kplo gua be nga be waan be kɔ Ezipt'n be su-ɔ. Sran'm be ´yo amun finfin: sɛ be waan be su bo sannzan'n, sɛ be ´kan sa sroesroe wie ndɛ'n annzɛ be su kan like wie b'ɔ lɛ-man nyrun annzɛ b'ɔ yo nyannzuɛn'n i ndɛ'n, amun dunman yɛ be ´bo-ɔ, yɛ amun su wun-man lika nga kun.»

Zeremi 7:20

I sɔ'n ti Anannganman Nyanmiɛn'n waan: «Nian, min ya'n, min ya dan'n i nuan like ɔ wa ju lika nga su, ɔ ´ju sran nin nnɛn'm be su. Ɔ ´ju bo nun waka nin fie su ninnge'm be su. Ɔ wa jue kɛ sin sa, be nuɛn i-ɔ ɔ su yo-man ye.»

Ngwlɛ Yilɛ 1:13

Ɔ jran nglo lɔ toli sin yili min su, ɔ yo man sin sɔ'n ɔ yra min owie nun lɔ fiaan! Ɔ suali mín bo aya, ɔ finndinnin min yili i lɔ. Ɔ man sran fi mantan-man min, n wo nyrɛnnɛn nun sa tititi.

Ngwlɛ Yilɛ 2:5

E Min'n ɔ yoli i wun kɛ e kpɔfuɛ sa, ɔ yoli man Izraɛl'n ɔ'a bubu flɛnnɛnnɛn. I mɛn'n nun sua nglanman'm b'a bubu flɛnnɛnnɛn. Ɔ sacili be klɔ nga be sisili be wun'n. Ɔ yoli man be tili sunlɛ nin ngwlɛ yilɛ Zida mɛn nun'n.

Ngwlɛ Yilɛ 3:3

Kɛ aliɛ'n ´cɛn b'ɔ ´san'n, min bolɛ kunngba yɛ ɔ si i-ɔ.

Ngwlɛ Yilɛ 4:1

Ɔoo! ?Kɛ ɔ o yɛ'n, sika ɔkwlɛ'n ɔ'a kpa? ?Kɛ ɔ o yɛ'n, sika ɔkwlɛ jrɛiin'n ɔ'a saci? ?Kɛ ɔ o yɛ'n, Nyanmiɛn i sua i nun yɛbuɛ'm be tru klɔ'n nun anngɔnda'm be kwlaa be su? Cuekee!

Ngwlɛ Yilɛ 4:11

Anannganman fali ya dan. I sɔ ya ble liɛ'n, ɔ yoli i su like. Ɔ sɔli sin nuan fa yili Siɔn klɔ'n nun, sin'n ɔ yrali Siɔn klɔ'n mlɔnmlɔn, like fi ɔ'a ka-man lɛ.

Ezekiɛl 13:13

Anannganman wan yoo: Kɛ n wa fa min ya'n, n ´yo man aunngban dan kun fita, min ya falɛ blɛ nun'n, nzue dan kun ´tɔ, kpɛkuun nzraama bɔ kɛ nzue ´tɔ-ɔ ɔ gua'n ɔ gua kekle kpa yɛ ɔ ´nunnun like kwlaa.

Ezekiɛl 20:34

Min kwlalɛ bɔ n kwla'n ti n ´fa amun nvle-nvle nga amun o be nun'n be afiɛn, ɔ nin mɛnmɛn nga amun bo sanndili be nun'n, be nun. N ´yiayia amun. N yo i sɔ'n ya su.

Ezekiɛl 22:22

Kɛ sika'n fa klo i kunman nga be klo i nun i nun'n, i kunngba nin-ɔn, amun kusu amun wa klo sɔ Zerizalɛm klɔ'n nun. Yɛ amun wa si jrɛiin kɛ min Anannganman, m'an fa min ya dan'n m'an gua amun su.› »

Ezekiɛl 24:25

I sin Anannganman seli min kɛ: «Klɔ sran, n wa de bé sua b'ɔ ti be fiawlɛ nin be aklunjuɛ like'n, bɔ be fa di be nuan'n, bɔ bé wla o su'n. N ´yo man be mma yasua mun nin be mma bla'm be fi bé sa.

Ezekiɛl 36:18

Sran bɔ be kunnin be'n nin amuɛn sɔlɛ bɔ be fa yoli mɛn'n i fiɛn'n ti, n fali ya dan kpa bé wun.

Ezekiɛl 5:13

N ´fa ya dan kpa, ya tɛtɛ kpa'n yɛ n ´fa-a, kpɛkuun n ´tu min klunngbɔ amun su. Ɔ man amun wa si jrɛiin kɛ min Anannganman'n yɛ m'an kan ndɛ m'an kle amun-ɔn, afin n ti kwla sifuɛ.

Ezekiɛl 6:12

Sran ng'ɔ o mmua'n, tukpacɛ b'ɔ sa ndɛndɛ'n yɛ ɔ ´kun i-ɔ, sran ng'ɔ o koko'n, alɛ yɛ ɔ ´di i-ɔ. Sran ng'ɔ ka klɔ'n nun lɛ'n, sɛ be utu klɔ'n, awe yɛ ɔ ´kun i yɛ ɔ wu-ɔ. N ´yi min ya tɛtɛ kpa'n i nglo n kle be.

Ezekiɛl 7:14

Be ´bo awɛ'n, be ´siesie bé wun, sanngɛ sran fi su kɔ-man alɛ kunlɛ, afin min ya dan'n ɔ'a jaso amun sran kpanngban sɔ'm be kwlaa bé wun.› »

Saun Yolɛ 26:17

E nin amun e ´nyɛn i: be nga be nin amun be kun'n, be yɛ be ´kwla amun-ɔn. Sɛ sran fi fuan-man amun bɔbɔ'n, sanngɛ amun ´wanndi .

Naɔm 1:2

Anannganman'n ti Nyanmiɛn kun b'ɔ si kwla. Be yo i sa-a ɔ yaci cɛ-man, ɔ yo be wie, i ya'n ti-man blɛblɛ. I kpɔfuɛ'm be yo i sa-a ɔ yo be wie. Ɔ yaci cɛ-man be .

Naɔm 1:6

?Kɛ ɔ ko fa ya'n, wan yɛ ɔ kwla jrɛn i nyrun-ɔn? ?Blɛ b'ɔ yi i ya dan'n i nglo'n, wan yɛ ɔ kwla jrɛn i nyrun-ɔn? I ya'n ɔ jue kɔ i nyrun kɛ sin sa. Yɛbuɛ tanda mun bɔbɔ ɔ kpaci be nun.

Mmla'n 32:22

Min ya'n ɔ'a jue kɛ sin sa. Ɔ yra like mun lele ɔ kpɛn blɔlɔ lɔ. Ɔ yra asiɛ'n nin aliɛ b'ɔ fin nun fite'n. Ɔ yra lele kpɛn oka'm be takawlɛ'n i bo lɔ.

1 Samiɛl 28:16

Samiɛl waan: «?Yɛ Anannganman nin wɔ nun-man nun kun bɔ ɔ'a kaci ɔ kpɔfuɛ'n, a ba mín wun wunlɛ nan sɛ?