Ngwlɛ Yilɛ 2:21 - NYANMIƐN NDƐ'N 1998

²¹ Gbanflɛn mun nin kpɛnngbɛn'm be fuɛn'm be jaja klɔ gua'n su. Min talua mun nin min gbanflɛn mun, alɛ'n ɔ dili be. Kɛ a fali ya'n, a kunnin be, a nunkunnin be, w'a si-man be aunnvuɛ.

Ngwlɛ Yilɛ 2:21 ပူးပေါင်းရင်းမြစ်များ

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Ɛstɛr 3:13

Be fali fluwa sɔ mun mannin sran wie mun kɛ be `fa wɔ famiɛn'n i siewlɛ'n i akpasua kunngun'm be su. Be klɛli be nun kɛ be `kun Zuif mun, be `nunnun be: i ba kanngan mun o, i kpɛnngbɛn mun o, i bla mun o, be ngba! Be waan anglo blu-nin-nnyɔn su bɔ yɛlɛ Adar anglo'n i le blu-nin-nsan'n su yɛ be ´yo sa sɔ nin-ɔn, yɛ be waan be ´fɛn Zuif'm bé bo ninnge mun.

Ezai 27:11

Kɛ waka sama'm be wu kee'n, be bubu be nun, bla'm be fa yo yie be trɔ. Nanwlɛ nvle nga nunfuɛ'm be wun-man sa wlɛ mlɔnmlɔn. I sɔ'n ti be yifuɛ'n ɔ si-man be aunnvuɛ mlɔnmlɔn, sran ng'ɔ boli be jrali asiɛ'n su'n, be yo-mɛn i annvɔ mlɔnmlɔn.

Zeremi 11:22

be ti Anannganman'n wan yoo: «E nin be e wa yia nun. Alɛ'n ´di be gbanflɛn mun, awe'n kun bé mma yasua nin bé mma bla mun.

Zeremi 13:14

N ´yo man be jaso be wiengu wun, siɛ mun nin ba mun be ´kun be wun. N su yaci-man sran fi lɛ. N su si-man wie aunnvuɛ mlɔnmlɔn, n ´nunnun be kwlaa'n kpan.› » Anannganman'n yɛ ɔ kan sɔ-ɔ.

Zeremi 18:21

I sɔ'n ti, yo man awe'n kun be mma mun. Fa be bɔbɔ yi i alɛ'n nun. Man be yi'm be mma'm be fi be sa. Man be ka angboti. Man tukpacɛ b'ɔ sa ndɛndɛ'n kun bé wun mun. Man alɛ'n di be mma gbanflɛn mun.

Zeremi 21:7

I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Zeremi 4:31

N ti fɛfɛlɛ kɛ bla yɛ ɔ su wu ba sa. Fɛfɛlɛ'n tɛ kɛ bla sɔ'n i talua ba yɛ ɔ su wu i sa-a. Kannzu Siɔn yɛ ɔ fɛfɛ sɔ-ɔ, yɛ ɔ sun aunnvuɛ sunlɛ ɔ tinngɛ i sa'n nglo sɔ-ɔ. Ɔ se kɛ: «M'an wu o! M'an fɛ, min kunfuɛ'm b'a kle min yalɛ lele n si-man wie se kun.»

Zeremi 51:22

I yasua mun o, i bla mun o, wɔ yɛ n fa wɔ n fa kpuke be nun-ɔn. I oke mun o, i ba kanngan mun o, wɔ yɛ n fa wɔ n fa kpuke be nun-ɔn. I gbanflɛn mun o, i talua mun o, wɔ yɛ n fa wɔ n fa kpuke be nun-ɔn.

Zeremi 6:11

Ya ng'ɔ kun min'n ti-man blɛblɛ. N suɛn i bo-ɔ ɔ suan-man kun. «Yi i nglo guɛ i ba kanngan nga be wlan akpɔ'n su'm be su. Yi i nglo gbanflɛn'n be anyia'm be nun. Be ´fa yasua mun nin bé yi mun, be ´tra sran kpɛnngbɛn mun nin oke kpa mun, be ´fa be kɔ.

Zeremi 9:20

‹Wie'n ɔ fu fenɛtri nun. Ɔ wlu é sua kpakpa'm be nun. Ɔ fin mantuan'm be ase akpɔ'n su. Ɔ fin gbanflɛn'm be ase gua'n su.› »

Zeremi 9:21

«Zeremi, se kɛ Anannganman'n wan yoo: ‹Fuɛn'm be ´gua asiɛ wun kɛ asiɛ'n i ye yolɛ like yɛ b'a guɛ i fie'n su sa. Be ´gua kɛ be su kpɛ ble nan be nyan-man sran isɛ-mɛn i ja mun nan ɔ tru bé sin'n sa.› »

Ngwlɛ Yilɛ 1:15

Sonja nga be o mín sa nun'n, e Min'n ɔ'a kpla be ɔ'a yi i lɔ. Ɔ yiali alɛ kunfuɛ kpanngban kɛ be nin min gbanflɛn'm be wa kun. E Min'n ɔ'a cuɛn min bɔ n ti Zida i wa bla'n min nun kɛ be fa cuɛn vinyi mma i nzue'n sa.

Ngwlɛ Yilɛ 1:18

Nga Anannganman yoli'n, i su-ɔ, afin ndɛ ng'ɔ kannin'n, m'an fa-man su. Amun bɔ amun o wa'n, amun `sie amun su tie. Amun `nian afɛ ng'ɔ o mín su'n. B'a tra min talua nin min gbanflɛn mun lomuɛn b'a ɔ mɛn wie nun.

Ngwlɛ Yilɛ 1:4

Siɔn i atin'm b'a yo sa nvuɛn-nvuɛn-nvuɛn siɛn'n, sran fi ba-man lɛ kun kɛ ɔ wa di cɛn. Klɔ gua'n ɔ'a tɔ sɔ srololo! I Nyanmiɛn nyrun jranfuɛ'm be fɛfɛ-man ngowa. I talua'm be wla'n ɔ ti bowa dan. Nanwlɛ, klunngbɔ'n ɔ'a yi Siɔn lele ɔ'a kpe nun.

Ngwlɛ Yilɛ 2:17

Sa nga Anannganman guguli kɛ ɔ ´yo'n yɛ ɔ'a yo i yɛ. Ndɛ ng'ɔ kɛnnin i lalafuɛ nun'n, i nuan like'n yɛ ɔ'a yo i yɛ. Kɛ ɔ ´nunnun wɔ'n, ɔ'a si-man wɔ aunnvuɛ. Ɔ yoli man ɔ kpɔfuɛ'm be klun jɔli. Ɔ yoli man ɔ kpɔfuɛ'm be nyinman-nyinman bé wun .

Ngwlɛ Yilɛ 2:2

I nvle'n i nun sua mun, ɔ sacili be ɔ'a si-man be aunnvuɛ mlɔnmlɔn. Ɔ fa ya bubuli Zida klɔ nga be sisili bé wun'n. Ɔ yili Zida mɛn'n nin i famiɛn i awlo lɔ sran dandan'm be ase, ɔ yoli be wannzo.

Ngwlɛ Yilɛ 3:43

A fali ya kpa, a suli e su. W'a si-man e aunnvuɛ, a kunnin e.

Ezekiɛl 24:21

‹Se Izraɛlfuɛ'm be kɛ: Anannganman seli min kɛ: Min tranwlɛ bɔ amun fa di amun nuan'n, bɔ amun wun i-ɔ, amun klun jɔ'n, bɔ amún wla o su'n n wa yo man ɔ yo fiɛn. Amun mma yasua mun nin amun mma bla nga be kali Zerizalɛm lɔ'n, be ´kun be.

Ezekiɛl 5:11

‹Ndɛ nga min Anannganman bɔ min nyin o su'n n kan'n yɛ: Amun sulɛ bɔ amun waan an ´su min bɔ an su-man min kpa'n, ɔ nin amun tete ninnge mun, an fa yoli mín sua'n i fiɛn. I sɔ'n ti, n wa nunnun amun, n su si-man amun aunnvuɛ kaan sa, n su yaci-man amun lɛ.

Ezekiɛl 7:4

N su si-man amun aunnvuɛ. N su yo-man amun blɛblɛ. Afin amún sa nga an yoli'n i su afɛ'n yɛ n ´fa yi amun su-ɔ. Amun tete sa'm be ´ka amun afiɛn, yɛ amun wa si jrɛiin kɛ min yɛ n ti Anannganman nin-ɔn.›

Ezekiɛl 7:9

N su si-man amun aunnvuɛ. N su yo-man amun blɛblɛ. N ´yo man amun ´fɛ nantilɛ tɛtɛ nga amun nantili'n bé su afɛ'n. Amun tete sa nga amun yoli'n be wa tɔ amun bɔbɔ amún ti su. Kpɛkuun amun wa si jrɛiin kɛ min yɛ n ti Anannganman bɔ n tu sran fɔ nin-ɔn.

Ezekiɛl 8:18

Min liɛ'n nga n wa fa yo be'n, ɔ ´ju be. N su si-man be aunnvuɛ, n su yo-man be blɛblɛ. Kɛ be kpan kekle mín su nun kɛ n wa de be'n, n su tɛ-man be su .»

Ezekiɛl 9:10

Min kusu n su wun-man be aunnvuɛ, n su yo-man be blɛblɛ. Bé sa nga be yoli'n, n ´yo nan be fɛ i nuan afɛ'n.› »

Amɔs 4:10

«N fali tukpacɛ tɛ bɔ sa ndɛndɛ'n n yili amun su kɛ Eziptfuɛ'm be liɛ laa'n sa. N yoli man amun kpɔfuɛ'm be kunnin amun gbanflɛn mun, be trali amun nnɛn kpanngɔ mun ɔli. Amun ngblaliɛ'm be nun fuɛn bɔ be bɔn'n, ɔ wluli amun bue nun. Sanngɛ ɔ nin i sɔ ngba'n, amu'an bli-man amun nyin mín wun wa mlɔnmlɔn .» Anannganman'n yɛ ɔ kan sɔ kle amun-ɔn.

Amɔs 8:13

I sɔ cɛn nun'n, talua nglanman kpa'm be nin gbanflɛn'm be ´glɔ, nzuewe'n dunman nun.

Zakari 11:6

N kusu, min Anannganman, n su si-man asiɛ'n su sran'm be aunnvuɛ wie kun. M ´man atin man sran'm be yo be wiengu'm be kanga, yɛ m ´man atin man be yo be famiɛn'm be kanga. Famiɛn'm be ´sanngan mɛn'n nun, sanngɛ n su de-man sran fi bé sa nun.»

Mmla'n 28:50

Sran sɔ'm be like yolɛ ´yo ya kpa. Bé nyin su yi-man kpɛnngbɛn mun. Yɛ kusu be su si-man bakan aunnvuɛ.

Mmla'n 32:25

Be ´fa tokofi be ´kun sran mun klɔ nun atin'm be nun. Sran nga be o awlo'm be nun'n, be kusu, srɛ'n ɔ ´kun be kpo. Wie'n su yaci-man sran fi lɛ, i gbanflɛn mun o, i talua mun o, i ba nɔnman mun o, i oke mun o, ɔ ´wlu be kwlakwla be nun.

Zozie 6:21

Be kunnin klɔfuɛ'm be kwlaa, i yasua o, i bla o, i bakan o, i kpɛnngbɛn o, be kunnin ɔ liɛ nannin, nin bua, ɔ nin aflunmun'm be kwlakwla kpan.

1 Samiɛl 15:3

I ti kɔ ko kun Amalɛkfuɛ mun, nunnun Amalɛkfuɛ'm bé sa nun ninnge'n kwlaa. Nán kun sa ka lɛ. Kun sran'm be kwlaa, i bla o, i yasua o, i ba kanngan o, i ba nɔnman o! Kun nnɛn'm be kwlaa, i nannin o, i bua o, i nyɔnngɔnmɛn o, i aflunmun o!› »