Ngwlɛ Yilɛ 2:20 - NYANMIƐN NDƐ'N 1998

²⁰ Anannganman, sran nga a yoli be sa ya lɛ'n, nian be kpa nian. ?Bla kun bɔbɔ i klun ba b'ɔ cuɛnnin wuli i'n, b'ɔ yɛyɛli i lele'n, kɛ ɔ ´kun i di i sa-a? ?Kɛ be ´kun ɔ nyrun jranfuɛ nin ɔ nuan ijɔfuɛ mun ɔ́ sua nun'n sa-a?

Ngwlɛ Yilɛ 2:20 ပူးပေါင်းရင်းမြစ်များ

2 Be Nyoliɛ 36:17

Ɔ yoli man Babilɔni famiɛn'n wa fali be mɛn'n. Ɔ kunnin sonja mun lele wluli Nyanmiɛn sua'n nun lɔ. Gbanflɛn mun o, talua mun o, kpɛnngbɛn mun o, sran oke mun o, Babilɔni famiɛn'n ɔ'a yaci-man wie fi lɛ. Anannganman yili be kwlaa mɛnnin i.

Jue Mun 78:64

Alɛ'n dili be Nyanmiɛn nyrun jranfuɛ mun, be angboti'm b'a kwla sun-man be .

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Ezai 22:2

amun bɔ amun klɔ'n i nun ti sran ngunmin'n, bɔ i nun ti wluwluwlu'n, bɔ be kan ngowa nun klanman'n? Amun sran nga like yoli be'n, nán tokofi yɛ be fa yoli be like sɔ nin-ɔn. Nán alɛ nun yɛ be ´wu-ɔ!

Zeremi 19:9

Be kpɔfuɛ mun nin be bɔ be klo-man be nin nguan'n, be wa sanngan be nun. Nyrɛnnɛn nga be ´fa yi be su'n, i dan liɛ'n be flɛ-man. N ti man be ´di be mma'm be nnɛn'n, yɛ be ´di be wiengu nnɛn.»

Zeremi 21:7

I sin, Sedesias b'ɔ ti Zida famiɛn'n nin i awlo lɔ sran dandan mun, ɔ nin klɔ'n nun sran nga tukpacɛ b'ɔ sa ndɛndɛ'n nin alɛ'n, ɔ nin awe'n ɔ'a kun-man be'n, n ´fa be n ´wla Nɛbikadnɛzar b'ɔ ti Babilɔni famiɛn'n i sa nun. N ´fa be ´wla be kpɔfuɛ mun nin be bɔ be klo-man be nin nguan'n bé sa nun. Nɛbikadnɛzar su si-man be aunnvuɛ, ɔ su yo-man be blɛblɛ mlɔnmlɔn, ɔ ´kun be.› »

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Ngwlɛ Yilɛ 1:19

N flɛli be nga laa be klo min'n lele ngbɛn. B'a yi min ase. Min Nyanmiɛn nyrun jranfuɛ mun nin min afɔtuɛ manfuɛ mun bɔ be ´kunndɛ aliɛ be ´di nan b'a nyan wunmiɛn kan'n, be wuli klɔ nun.

Ngwlɛ Yilɛ 4:10

Ɔliɛ bla ta bɔ be klo-man be mma mun aɔwi'n, be bɔbɔ be tɔnnin be mma mun kplɔkplɔkplɔ! Be fa be yoli nnɛn be dili awe dan bɔ bli be nun'n i dunman nun .

Ngwlɛ Yilɛ 4:13

Sa yalɛ'n b'ɔ juli'n, ɔ fin Nyanmiɛn i nuan ijɔfuɛ'm bé sa tɛtɛ'n nin Nyanmiɛn i nyrun jranfuɛ'm be aeliɛ tɛtɛ'n. Afin sran nga be ti sran kpa mun'n, Nyanmiɛn i sran sɔ'm be trali be klɔ'n nun be kunnin be.

Ngwlɛ Yilɛ 4:16

Anannganman fali ya, ɔ man be boli je. Ɔ'a nian-man be lɔ kun. B'a bu-man Nyanmiɛn nyrun jranfuɛ'm be sran kun, nan se kɛ sran oke mun.

Ezekiɛl 5:10

Klɔ'n su siɛ'm be wa fa be mma mun yo nnɛn be ´di, yɛ ba'm be ´fa bé si nin be nin mun yo nnɛn be ´di. N wa tu amun fɔ, be kwlaa nga be ´ka lɛ'n, n ´yo man be ´bo sanndi mɛn wunmuan'n nun zaun .›

Ezekiɛl 9:7

Ɔ seli be kɛ: «An `yo Nyanmiɛn i sua'n i fiɛn, an `yo man fuɛn'm be yi sua'n i awlo klun'n. Kpɛkuun an `fite be wɔ be nyrun.» Be fiteli be ɔli be nyrun klɔ'n nun. Be ´kɔ'n, wuun be ´kun sran mun.

Saun Yolɛ 26:29

Siɛn'n, amun ´di amun bɔbɔ amun mma'm be nnɛn .

Mmla'n 9:26

Nan m'an srɛ Anannganman m'an se kɛ: «Anannganman Nyanmiɛn, nán nunnun ɔ sran mun. Be ti ɔ liɛ, a kpɔli be ti afin a ti dan, ɔ tinmin bɔ be jrɛn i nyrun-ɔn ɔ yo-man ye'n ti, a fali be Ezipt lɔ bali.