Ngwlɛ Yilɛ 2:19 - NYANMIƐN NDƐ'N 1998

¹⁹ Jaso kɔnguɛ afiɛn. Kpan dɔ'n kwlakwla su. Sun kle ɔ Min'n. Ɔ mma bɔ awe'n i dunman nun ti be su glɔ gua'n su'n, i ti man ɔ́ sa'n su kle Nyanmiɛn, yɛ `srɛ i.

Ngwlɛ Yilɛ 2:19 ပူးပေါင်းရင်းမြစ်များ

Zɔb I Nyrɛnnɛn Wunlɛ 3:24

Kplinlɛ'n yɛ ɔ ti min aliɛ yɛ n di-ɔ. Yɛ min fɛfɛlɛ'n, ɔ ti kɛ nzue yɛ ɔ fin like nun ɔ su nyrɛn sa.

Jue Mun 119:55

Ee Anannganman, kɔnguɛ'n, m bu ɔ dunman'n i akunndan kɛ ɔ ´yo nan m'an fa ɔ mmla'n su'n ti.

Jue Mun 134:2

An `man amun sa'm be su an `tinngɛ be Nyanmiɛn i sua'n i ndɛnman. An `la Anannganman i ase!

Jue Mun 141:2

Min srɛlɛ nga n srɛ'n, man ɔ yo ɔ nyrun kɛ ansans sa. Mín sa nga m man be su'n man ɔ yo ɔ nyrun kɛ nnɔsua nun tɛ bɔ be yi'n sa .

Jue Mun 142:2

N kpan kekle kpa n flɛ Anannganman. N kpan kekle n srɛ Anannganman tantrantan kpa.

Jue Mun 142:3

N koko sa ng'ɔ o mín su'n n kle i. N fa nyrɛnnɛn ng'ɔ o mín su'n n sie i nyrun.

Jue Mun 28:2

Kɛ n kpan n flɛ wɔ'n, tie min aunnvuɛ srɛlɛ'n. Kɛ n tinngɛ mín sa ɔ lika nga a tran nun'n i ndɛnman bɔ n srɛ wɔ'n, tɛ min srɛlɛ'n su.

Jue Mun 42:3

N konvi sɔ Nyanmiɛn b'ɔ lafi-man'n i mantanlɛ'n kɛ nzue we kun sran b'ɔ kunndɛ nzue nɔn'n sa. ?Cɛn onin nan m'an ɔ Nyanmiɛn i sua'n nun lɔ nan m'an ju i nyrun ?

Jue Mun 42:4

Min nyinmuɛn'n yɛ ɔ'a kaci min aliɛ yɛ n di i nglɛmun nin nnɔsua-a, yɛlɛ kɛ sran'm be usa min kɛ: «?Ɔ Nyanmiɛn'n wo nin?»

Jue Mun 42:8

Wɔ man nzue'n ɔ bo, kpɛkuun ɔ bo ekun flan nun. Nzue ng'ɔ ´bo lɛ'n, i kwlakwla'n sin min su kpan! Ɔ kata min su kplu!

Jue Mun 62:8

Sɛ n ´nyan mín ti o, sɛ n ´nyan nyrun o, ɔ fin i. Ɔ ti kɛ yɛbuɛ sa i yɛ n talo i-ɔ, ɔ sasa min. Ɔ ti min fiawlɛ.

Jue Mun 63:4

Afin ɔ klun-ufue'n i kpa tra nguan'n. N ´fa mín nuan'n n ´yi wɔ ayɛ.

Ezai 26:9

Kɔnguɛ'n, n konvi sɔ wɔ, n kunndɛ kɛ n ´fa min wun mantan wɔ sakpa. Kɛ a tu asiɛ'n sufuɛ'm be fɔ'n, kpɛkuun be su kpɛ mmla'n i su falɛ'n i sin atin.

Ezai 51:20

Amun mma'm be lala klɔ'n nun anngɔnda'm be kwlaa su, be o lɛ, be keje-man bé wun. B'a yo kɛ wannzannin bɔ aya ɔ'a trɛ i'n sa. Anannganman i ya'n wo be su, ɔ kan ndɛ kekle kle be.

Zeremi 14:18

A kɔ fie su lɔ-ɔ, kɛ fuɛn'm be tru sa. A wlu klɔ nun-ɔn, awe'n kle-man sran'm be yalɛ ngowa. Yɛ min nuan ijɔfuɛ nin min nyrun jranfuɛ'm be wlan mɛn nun'n, be wun-man sa ng'ɔ ju'n be nyanndra.› »

Zeremi 9:20

‹Wie'n ɔ fu fenɛtri nun. Ɔ wlu é sua kpakpa'm be nun. Ɔ fin mantuan'm be ase akpɔ'n su. Ɔ fin gbanflɛn'm be ase gua'n su.› »

Ezekiɛl 5:10

Klɔ'n su siɛ'm be wa fa be mma mun yo nnɛn be ´di, yɛ ba'm be ´fa bé si nin be nin mun yo nnɛn be ´di. N wa tu amun fɔ, be kwlaa nga be ´ka lɛ'n, n ´yo man be ´bo sanndi mɛn wunmuan'n nun zaun .›

Ezekiɛl 5:16

‹N ´yo man awe ´kpɛn amun su, ɔ ´kle amun nyrɛnnɛn. Amun wun i ya'n fiaan kɛ ta mma tɛ b'ɔ san sran'n sa. N ´yo man awe sɔ'n ´kun amun lele amun ´wu. N ´yo man amun su nyan-man kpaun koli kaan kun sa amun su di-mɛn i kun.

Mise 1:16

Amun mma bɔ amun klo be'n ti, an `yi amún ti mun. Amun `kpu amun ti'm be su, amun `kpu be su treketreke kɛ apɛtɛkuasi liɛ'n sa, afin be su wa tra amun mma mun ´kɔ mɛn wie nun.

Naɔm 3:10

Sanngɛ be trali klɔ sɔ'n su sran'm be lomuɛn be ɔli mɛn uflɛ nun. Be kunnin i mma kanngan mun atin'm be kwlaa su. Be wlali kpɛnngbɛn'm be kɔmin jrɔkɔ. Kpɛkuun awlobo kpɛn'm be liɛ'n be kwlafuɛ'm be tuli bé wun fɔtɔ be cɛcɛli be nun be fali be.

Matthieu 14:25

Akɔ nyinman klikli su Jésus nantili nzue'n su kpuli be lɔ.

Marc 1:35

Nglɛmun ndɛ kpa'n kɛ lika'n tɛ dun'n, ɔ jao fitɛli, ɔ ɔli aawlɛ flɛnnɛn nun lɔ lika kun b'ɔ ti diin'n nun, ɔ nin Nyanmiɛn be ko koko yalɛ.

Marc 13:35

I sɔ'n ti'n, an `tran minndɛ i, afin an si-man cɛn nga awlo kpɛn'n ´ba-a, sɛ nnɔsua o, sɛ kɔnguɛ o, sɛ akɔ nyinman klikli su o, sɛ nglɛmun o.

JÉSUS-CHRIST I DYASIN FE'N BO LUC KLELI'N 6:12

Kɛ ɔ yoli sɔ'n, le kun Jésus ɔli oka kun su kɛ ɔ ko srɛ Nyanmiɛn, ɔ srɛli Nyanmiɛn lele aliɛ'n cɛnnin i.

1 Timote 2:8

I sɔ'n ti, yasua bɔ sa tɛ kaan sa, nin ya, ɔ nin akunndan tɛ nun-man be klun'n, lika kwlaa nga be wo'n, n klo kɛ be man bé sa'm be su be koko yalɛ kle Nyanmiɛn.

Jɔlɛ Difuɛ Mun 7:19

Zedeɔn nin i sran ya'm be juli ngblaliɛ wun lɔ. Kɛ ɔ ´yo sɔ'n, wuun blɛ li yɛ b'a siesie lika sasafuɛ mun-ɔn, wuun lika'n ɔ'a bu nun. Be fitali be awɛ'm be nun, be boli sɛ ng'ɔ o be sa nun'n.

1 Samiɛl 1:15

Ani tɛli su kɛ: «Baba nan, nán nzan-an. N wo afɛ nun. Sa ng'ɔ o mín su'n yɛ n fa sie i Anannganman nyrun-ɔn.

1 Samiɛl 7:6

Yɛ be yiali Mizpa-a. Be sali nzue be guɛli i ase Anannganman i nyrun. Le kun sɔ'n, be cili nglɛmun. Be waan: «E fɔnnin Anannganman i wun.» Mizpa lɛ yɛ Samiɛl yoli Izraɛl nvle'n i siefuɛ nin-ɔn.