Ngwlɛ Yilɛ 2:15 - NYANMIƐN NDƐ'N 1998

¹⁵ Be kwlaa nga be sin wa'n, kɛ bé wun ɔ sacilɛ bɔ ɔ'a saci'n, ɔ yo be fɛ, be bo ndɛ. Srilɛ'n yɛ be sri wɔ-ɔ. Be keje be ti'n yɛ be usa kɛ: «?Zerizalɛm klɔ nga be blɔ i klanman beblebe'n, b'ɔ ti asiɛ'n wunmuan'n i cenjele like'n, yɛ ɔ'a yo yɛ?»

Ngwlɛ Yilɛ 2:15 ပူးပေါင်းရင်းမြစ်များ

2 Famiɛn Mun 19:21

Nan nga m bɔbɔ n ´fa tɛ i su'n yɛ: Sankerib, Siɔnfuɛ'm be bu-man wɔ like fi, srilɛ yɛ be sri wɔ-ɔ! Kɛ be wun wɔ'n, be keje be ti'n sɛkɛsɛkɛ.

2 Be Nyoliɛ 7:21

Yɛ sua sɔ'n bɔ i dunman'n ɔ ´fu'n, sran nga bé ´sin i wun lɛ'n be kwlaa be nuan'n ´bo be wun. Be ´usa kɛ: ‹Ai! ?Ɔ yo sɛ ti yɛ Anannganman yo mɛn nga nin sua nga'm be sɔ-ɔ?›

Jue Mun 109:25

N ti be finfin like. Be nian min kpɛkuun be keje bé ti'n sɛkɛsɛkɛsɛkɛ .

Jue Mun 22:7

Min liɛ'n, m'an kaci kɛ srɛ sa, nán sran yɛlɛ min kun. Sran'm be kwlaa be gua mín nyin ase, nvle'n nunfuɛ'm be kwlaa be yo min finfin .

Jue Mun 48:2

Anannganman ti dan. Kɛ ɔ o i bɔbɔ i klɔ'n nun nin i oka'n su'n, ɔ nin manmanlɛ fata lele tra su.

Jue Mun 48:3

Oka sɔ'n ti klanman, ɔ ti asiɛ wunmuan'n i aklunjuɛ like. Siɔn oka'n yɛ ɔ ti asiɛ'n su klɔ'm bé bo nin-ɔn, i yɛ ɔ ti famiɛn dan'n i klɔ nin-ɔn .

Jue Mun 50:2

Siɔn b'ɔ ti klanman dan'n, i nun lɔ yɛ Nyanmiɛn'n ɔ fin-ɔn. Ɔ kpaja weiin yɛ ɔ ba-a.

Jue Mun 64:8

Sanngɛ nian, Nyanmiɛn ɔ'a fɛ i ta mma'n ɔ'a to i bé wun, b'a wun-man nun. Kɛ e ´se yɛ'n, be gua lɛ.

Ezai 28:21

Anannganman nin sran mun ´nyɛn i kɛ Pɛrazim oka'n su lɔ liɛ'n sa. Ya b'ɔ ´kun i dan'n ti, ɔ ´usu kɛ Gabaɔn lɔ lika kpɛtɛkplɛɛ'n nun lɔ liɛ'n sa, ɔ ´di i junman'n, ɔ ´di i junman sroesroe'n, nguɛ junman tɛtrɛ yɛlɛ nga !

Ezai 37:22

Nan nga m bɔbɔ ´fa tɛ i su'n yɛ: Sankerib, Siɔnfuɛ'm be bu-man wɔ like fi, srilɛ yɛ be sri wɔ-ɔ! Kɛ be wun wɔ'n, be keje be ti'n sɛkɛsɛkɛ.

Ezai 64:11

Anannganman, lika nvuɛn sɔ'n yɛ ɔ́ nyin tɛ i lɛ-ɔ. ?A ´tran lɛ sa ngbɛn? ?A su kan-man ndɛ fi? ?Nan a ´gua é nyin ase lele tra su?

Zeremi 18:16

B'a yo man kɛ a wun be mɛn'n sa-a, ɔ yo sro, sran'm be yaci-mɛn i finfin yolɛ, be kwlaa nga be sin lɛ'n, be nuan bo bé wun, yɛ be keje be ti sɛkɛsɛkɛsɛkɛ.

Zeremi 19:8

N ´yo man klɔ nga kɛ sran be ´wun i'n, be ´bo bli. N ´yo man kɛ be nga be sin'n be wun sacilɛ bɔ ɔ'a saci'n, be ´bo awuyomo, yɛ be ´didi i wun.

Zeremi 25:18

N fa mannin Zerizalɛmfuɛ mun nin Zida klɔ'm be nunfuɛ mun. N fa mannin famiɛn mun nin be awlo lɔ sran dandan mun, nan be nunnun, nan sɛ sran'm be wun be-ɔ, be `bo kitika, be `fa be di flɛn, be `fa be bo sannzan .

Zeremi 25:9

n wa ko yia amun mɛn'n i nglo lɔ nvle'm be kwlakwla, yɛ n ´yia min sufuɛ Nɛbikadnɛzar b'ɔ ti Babilɔni famiɛn'n. N ´fa be m ´ba kɛ be nin mɛn nga nunfuɛ mun nin mɛn nga be mantan wa'n be nunfuɛ mun be wa kun nan be `bo wa mɛn'n. Ɔ man kɛ sran'm be wa wun amun'n, amun ´yo be sro, be ´fa amun di flɛn, yɛ be ´nunnun amun mlɔnmlɔn.

Zeremi 26:6

Sɛ amu'an tie-man, sa nga n fa yoli Silo'n, i kunngba'n yɛ n ´fa yo min sua nga-a. Yɛ n ´yo man mɛn'n nun nvle-nvle'm be kwlakwla be ´bo klɔ nga dunman be ´fa bo sannzan.»

Zeremi 29:18

N ´fa alɛ nin awe, ɔ nin tukpacɛ b'ɔ sa ndɛndɛ n ´su be su. N ´yo man asiɛ'n su famiɛn diwlɛ'm be wun be-ɔ be ´yo be sro.

Zeremi 48:27

?Nán wɔ yɛ a yoli Izraɛl finfin nin-ɔn? ?A ko trɛli i nin awiefuɛ mun i ti yɛ man a ´kɛn i ndɛ'n a keje ɔ ti a yo i finfin nin-ɔn?

Zeremi 51:37

Babilɔni ´kaci yɛbuɛ kwle. Lɔ yɛ nsoso'm be ´la-a. Sran fi su ijɔ-man su kun. Be wun i sa-a, bé nuan'n yɛ ɔ ´bo bé wun-ɔn. Nyrɛnnɛn yɛ ɔ ´yo sa ngbɛn-ɔn.

Ngwlɛ Yilɛ 1:21

Kɛ n ´fɛfɛ'n be tili, sanngɛ sran kun sa ɔ'a fɔnvɔ-man min. Min kpɔfuɛ'm be kwlakwla be tili i kɛ sa ɔ'a nyan min. Sa nga wɔ man ɔ nyannin min'n, kɛ be tili'n, be klun'n jɔli dan. Cɛn nga a kɛnnin i ndɛ'n, yo mɛn i sɔ cɛn liɛ'n ɔ ju. Man ɔ ju nan be `yo kɛ min sa .

Ngwlɛ Yilɛ 1:8

Zerizalɛm i sa tɛ nga ɔ'a yo be'n, be ti beblebe sɔ ngbɛn. Ɔ man i ti siɛn'n i wun yo sran'm be tɛ. Ɔ'a yo kɛ bla bɔ ɔ'a yo mannza'n sa. Be bɔ titi be yɛyɛ i'n, be yo i finfin siɛn'n, afin sɛ ɔ ti sran'n, wuun b'a wun kɛ i bo ti ngbɛn. I bɔbɔ'n kusu ɔ su fɛfɛ, ɔ to i nyin blo.

Ngwlɛ Yilɛ 2:16

Ɔ kpɔfuɛ'm be kwlakwla b'a nyan nuan. Be yɛ be sri yɛ. Be yɛ be ´yo wɔ fiaan yɛ. Be waan: «Ɔ'a jran-man e nyrun! Cɛn nga y'a minndɛ i lele'n yɛ ɔ o yɛ, yɛ ɔ'a ju ndɛ yɛ.»

Ngwlɛ Yilɛ 2:6

Ɔ bubuli i bɔbɔ i sua'n. Lika nga e nin i e yia nun lɛ'n, ɔ sacili i. Anannganman man Siɔn wa like nga be flɛ i kɛ cɛn dilɛ nin wunmiɛn-delɛ-cɛn'n, be si-mɛn i kun. I ya ng'ɔ fali'n ɔ yo sro, ɔ man famiɛn nin o, i nyrun jranfuɛ mun o, be kwlaa b'a yo wannzo.

Ezekiɛl 16:13

A wlali sika ɔkwlɛ nin jɛtɛ ufue, a klali lɛn tannin kplɔkɔɔ, nin tannin kplɛkɛɛ, ɔ nin tannin nga be dili nun aba'n. Like nga a di'n yɛlɛ ble sanmlɛn mlɛnnɛnnɛn, nin awɛma nzue, nin ngo. A yoli klanman kpa, a nin famiɛn yolɛ'n fatali.

Ezekiɛl 16:14

Ɔ dunman'n fuli mɛnmɛn'm be nun ɔ klanman'n ti, yɛlɛ ke a yoli klanman boboli su ɔ talua nga n dili wɔ'n ti.» Anannganman Nyanmiɛn'n yɛ ɔ kan sɔ-ɔ.

Ezekiɛl 23:32

Anannganman Nyanmiɛn'n wan yoo: A wa nɔn ɔ niaan bla i klowa'n nun, klowa sɔ'n b'ɔ ti dan bɔ i bo ti kploun'n, a wa nɔn nun wie. Be ´sri wɔ yɛ be ´to wɔ mma, afin klowa sɔ'n ti yiwa lɛkɛlɛkɛlɛkɛ.

Ezekiɛl 25:6

Afin Anannganman Nyanmiɛn'n wan yoo: Amun boli ndɛ, amun tu kpɛnnin, amun klun jɔli blɛ bɔ nyrɛnnɛn tɔli Izraɛl mɛn'n i su'n. Amun yoli min nvle i finfin yɛ amun yoli i tɛtɛ.

Ezekiɛl 5:15

N ´fa ya dan kpa ɔ man n kle amun Zerizalɛmfuɛ'm amun nun, n ´kputu amun tɛtɛ kpa. Mɛnmɛn nga be sin yia Zerizalɛm'n be ´yo i wannzo, be ´kpɛ amun nzowa. Sanngɛ sa ng'ɔ juli Zerizalɛm klɔ'n su'n, be ´fa tu bé wun fɔ, kpɛkuun srɛ wa kun be kpa .› M bɔbɔ min Anannganman'n yɛ m'an kan kle amun-ɔn.

Daniɛl 9:16

Ɔ sa bɔ a yo be i nuan su'n ti'n, gua ɔ ya dan ng'ɔ kunnin wɔ Zerizalɛm klɔ'n b'ɔ ti wɔ oka'n i wun'n i ase. Afin é sa tɛ mun nin e nannan'm be fɔnlɛ'm be ti, Zerizalɛm nin ɔ nvle'n b'a sokpa sran nga be sin yia be lɛ'n be nun.

Mise 6:16

Famiɛn Ɔmri ɔ nin i wa Akab i awlofuɛ'm bé sa tɛtɛ nga be yo'n, i su yɛ amun nian-an. Like nga be yo'n, yɛ amun yo-ɔ. I sɔ'n ti amun klɔ'n ɔ ´bo. Amun kusu bɔ amun wo klɔ'n su'n, srisrilɛ yɛ be ´srisri amun-ɔn. Nyannzuɛn trɔ nga bɔ yɛ ɔ jin min mɛn wunmuan'n i ti su yɛ'n, amun yɛ amun ´suɛ i sɔ nyannzuɛn trɔ liɛ nin-ɔn.»

Naɔm 3:19

Ɔ sacilɛ nga w'a saci yɛ'n, be yo wɔ sa fi-ɔ, ɔ yo-man ye kun. Kannin nga ɔ'a tu wɔ yɛ'n, ɔ ti ɔ wie like. Sa nga bɔ ɔ'a nyan wɔ bɔ a la nyrɛnnɛn nga nun yɛ'n, be kwlaa nga be ti i sɔ ndɛ'n, be ´bo ndɛ. Afin sran fi nun-man lɛ bɔ w'a yo-mɛn i tɛ w'a flan-man nun-ɔn.»

Sofoni 2:15

«Sran kwlaa ng'ɔ ´sin i wun lɛ'n, srilɛ'n yɛ be sri wɔ-ɔ, be keje be sa be se kɛ: ?Klɔ klanman bɔ i nunfuɛ'm be klun ti-man be'n, bɔ be bu i kɛ be lɛ-man wunsu'n yɛlɛ nga ɔ'a yo sa yɛ'n? ?Klɔ sɔ'n yɛlɛ nga ɔ'a nunnun mlɔnmlɔnmlɔn bɔ ɔ'a kaci nnɛn'm be lawlɛ yɛ'n? »

Matthieu 27:39

Be nga be ´sin lɛ'n, be di i tɛ, be kpukpu bé ti nun , be se kɛ:

Marc 15:29

Be nga be ´sin lɛ'n, be kpɛ i nzowa, be keje bé ti'n be se kɛ: «Ɛn-ɛɛn! Wɔ bɔ ɔ waan a ´bubu Nyanmiɛn i sua'n nan a ´kplɛn i le nsan'n ,