Ngwlɛ Yilɛ 2:1 - NYANMIƐN NDƐ'N 1998

¹ E Min'n fali ya ti ɔ fali aosin tuun yili i Zerizalɛm klɔ'n su. Cuekee! Like nga bɔ man Izraɛl nvle i nyrun ba nyan'n, ɔ finndin i nglo lɔ yili i asiɛ'n su wa. Kɛ ɔ fali ya'n, i wla fili su kɛ Izraɛl'n yɛ ɔ ti i ja takatakawlɛ-ɔ!

Ngwlɛ Yilɛ 2:1 ပူးပေါင်းရင်းမြစ်များ

2 Samiɛl 1:19

Izraɛlfuɛ mun, amun safunyrɛn mun yɛ b'a kun be oka'm be su yɛ. ?Ɔ yo sɛ yɛ man alɛ kunfuɛ kpakpa'm be tɔ sa-a?

1 Be Nyoliɛ 28:2

Famiɛn David jaso jrannin nglo, nan ɔ'a se be kɛ: «Min niaan mun, min nvlefuɛ mun, amun `sie bé su! Min waan wuun n ´kplan sua kpa kun nan be `fa Anannganman i alaka'n be sie nun. I liɛ'n, ɔ ´yo e Nyanmiɛn'n i ja takatakawlɛ. N siesieli ninnge nga n ko fa n ko kplan'n,

Jue Mun 132:7

An man e wɔ Anannganman i lika'n nun lɔ. E `ko koto i ja takatakawlɛ'n i nyrun lɛ.

Jue Mun 89:45

A yoli man i anyrunnyan'n wieli. A suli i famiɛn bia'n bo yili i ase.

Jue Mun 99:5

An `yi Anannganman e Nyanmiɛn'n i ayɛ. An `koto i ja takatakawlɛ'n i nyrun lɛ. I nzuɛn'n nin klɔ sran liɛ'n ti-man kun.

Ezai 64:11

Anannganman, lika nvuɛn sɔ'n yɛ ɔ́ nyin tɛ i lɛ-ɔ. ?A ´tran lɛ sa ngbɛn? ?A su kan-man ndɛ fi? ?Nan a ´gua é nyin ase lele tra su?

Zeremi 30:14

Be kwlaa nga be klo wɔ'n, bé nyin nun-man ɔ su kun. Be bua-man ɔ ndɛ nun kun. Afin kɛ n ´yo wɔ like yaya'n, n yoli wɔ kɛ n klo-man wɔ sa sa. Kɛ n ko kle wɔ nyrɛnnɛn'n yɛ n kleli wɔ-ɔ. Ɔ sa tɛ nga a yoli'n, be sɔnnin yɛ be ti dandan.

Ngwlɛ Yilɛ 1:1

Klɔ bɔ laa i su sran'm be sɔnnin sa kpanngbangban, b'ɔ yo sro'n, yɛ ɔ'a tɔ srolo yɛ! Cuekee! Klɔ'n bɔ laa i yɛ ɔ sie mɛn kun nga mun'n, klɔ bɔ laa ɔ lɛ nyrun tra klɔ'm be kwlaa'n, yɛ andɛ be miɛn i sufuɛ'm be kɛ be di junman yɛ. ?Ɔ yo sɛ yɛ ɔ'a ka aika sa-a? Cuekee!

Ngwlɛ Yilɛ 1:12

Ɔ se ekun kɛ: «Amun kwlaa bɔ amun sin wa'n, amun `nian! ?Afɛ ng'ɔ nin min liɛ'n sɛ'n, amu'an wun wie le? Kɛ Anannganman fɛli i ya dan'n, ɔ kleli min nun.

Ngwlɛ Yilɛ 2:17

Sa nga Anannganman guguli kɛ ɔ ´yo'n yɛ ɔ'a yo i yɛ. Ndɛ ng'ɔ kɛnnin i lalafuɛ nun'n, i nuan like'n yɛ ɔ'a yo i yɛ. Kɛ ɔ ´nunnun wɔ'n, ɔ'a si-man wɔ aunnvuɛ. Ɔ yoli man ɔ kpɔfuɛ'm be klun jɔli. Ɔ yoli man ɔ kpɔfuɛ'm be nyinman-nyinman bé wun .

Ngwlɛ Yilɛ 4:1

Ɔoo! ?Kɛ ɔ o yɛ'n, sika ɔkwlɛ'n ɔ'a kpa? ?Kɛ ɔ o yɛ'n, sika ɔkwlɛ jrɛiin'n ɔ'a saci? ?Kɛ ɔ o yɛ'n, Nyanmiɛn i sua i nun yɛbuɛ'm be tru klɔ'n nun anngɔnda'm be kwlaa be su? Cuekee!

Ngwlɛ Yilɛ 4:11

Anannganman fali ya dan. I sɔ ya ble liɛ'n, ɔ yoli i su like. Ɔ sɔli sin nuan fa yili Siɔn klɔ'n nun, sin'n ɔ yrali Siɔn klɔ'n mlɔnmlɔn, like fi ɔ'a ka-man lɛ.

Ezekiɛl 13:13

Anannganman wan yoo: Kɛ n wa fa min ya'n, n ´yo man aunngban dan kun fita, min ya falɛ blɛ nun'n, nzue dan kun ´tɔ, kpɛkuun nzraama bɔ kɛ nzue ´tɔ-ɔ ɔ gua'n ɔ gua kekle kpa yɛ ɔ ´nunnun like kwlaa.

Ezekiɛl 19:12

Sanngɛ be tuli i bo ya su, be yili i ase. Yɛ aunngban'n b'ɔ fin wia afiliɛ lɔ'n yoli man i mma'm be wuli kee. I sama dandan sɔ'm be bubuli, be wuli kee, sin dili be.

Ezekiɛl 24:21

‹Se Izraɛlfuɛ'm be kɛ: Anannganman seli min kɛ: Min tranwlɛ bɔ amun fa di amun nuan'n, bɔ amun wun i-ɔ, amun klun jɔ'n, bɔ amún wla o su'n n wa yo man ɔ yo fiɛn. Amun mma yasua mun nin amun mma bla nga be kali Zerizalɛm lɔ'n, be ´kun be.

Ezekiɛl 30:18

Cɛn nga n wa bubu Ezipt mɛn'n i fanngan'n, bɔ n wa bu i wun b'ɔ tu'n i bue, lika'n su kpaja-man Tapanɛs lɔ, aosin'n ´wla. Nyanmiɛn ble tritri kun ɔ ´kata Tapanɛs klɔ'n su, yɛ be ´tra lɔ ba talua'm be lomuɛn kɔ mɛn wie nun.

Zoɛl 2:2

Cɛn sɔ'n ɔ ´yo aosin tritritri, cɛn sɔ'n ɔ ´yo nzue mlanlɛ lika sa tuun yɛ ɔ yo bɔlɛ ufue lika sa munnduun. Kakaa fa fa nga be ba'n, be sɔnnin kpa, be yo wlɛ. Kɛ be ´ba'n, lika'n lu kɛ sɛnzɛ'n su tɔ oka'm be su sa. I sɔ like liɛ'n, be nian wun-man wie asiɛ'n su le, i kusu be su ko wun-man wie asiɛ'n su le mlɔnmlɔn kun.

Matthieu 11:23

?Kapɛrnaɔmfuɛ mun amun kusu, amun tu amún wun lele fa ju nyanmiɛn su lɔ? Be wa gua amún nyin ase lele ju blɔlɔ lɔ, afin sɛ ɔ ti kɛ sa kekleekle bɔ be yoli be amun klɔ'n su'n yɛ be yoli be Sodɔm'n, wuun lele ndɛ ɔ tɛ o lɛ.

JÉSUS-CHRIST I DYASIN FE'N BO LUC KLELI'N 10:15

?Kapɛrnaɔmfuɛ mun, amun kusu an bu i kɛ be wa bo amun dunman lele ju Nyanmiɛn su lɔ? Ɔ su yo-man sɔ, be wa gua amún nyin ase blɔlɔ lɔ.

JÉSUS-CHRIST I DYASIN FE'N BO LUC KLELI'N 10:18

Ɔ seli be kɛ: «N wunnin Satan ɔ fin nyanmiɛn su lɔ kɛ nyanmiɛn b'ɔ kpa sin'n sa, ɔ tɔli.

1 Samiɛl 4:21

Ɔ flɛli ba'n kɛ I-kabɔd, afin Nyanmiɛn i anyrunnyan ng'ɔ fa mannin Izraɛl nvle'n ɔ'a tu be afiɛn. Nyanmiɛn i alaka'n bɔ be fali'n ɔ nin i sia nin i wun bɔ be wuli'n i ti yɛ ɔ flɛli i sɔ-ɔ.

1 Samiɛl 4:22

I waan: «Nyanmiɛn i anyrunnyan ng'ɔ fa mannin Izraɛl nvle'n, ɔ'a jaso be afiɛn, afin b'a fa Nyanmiɛn i alaka'n.»