Ngwlɛ Yilɛ 1:9 - NYANMIƐN NDƐ'N 1998

⁹ I mannza mmoja'n wo i tralɛ nun badaa. Sa ng'ɔ juli i su'n ɔ fuli i bɔbɔ nun. I nyin b'ɔ bo i bla-a ɔ'a tɔ. Sran bɔ kun sa ɔ'a fɔnvɔ-mɛn i. Yɛ i waan: «Anannganman, nian nyrɛnnɛn bɔ n wo nun-ɔn, nian kɛ min kpɔfuɛ'n ɔ'a kwla min b'ɔ nyinmɛn-nyinmɛn i wun-ɔn.»

Ngwlɛ Yilɛ 1:9 ပူးပေါင်းရင်းမြစ်များ

2 Samiɛl 16:12

Sɛ nja, Anannganman ´wun min awlaboɛ'n nan ɔ ´fa min su sannzan'n kaci muae ´man min o.»

2 Famiɛn Mun 14:26

Anannganman wunnin afɛ dan nga Izraɛlfuɛ'm be o nun'n, i kanga o, i diewa o. Sran fi nun-man lɛ nan ɔ'a de be!

Neemi 9:32

Siɛn'n e Min, Nyanmiɛn Kpli b'ɔ kwla like kwlaa yo'n, b'ɔ yo sro'n, Nyanmiɛn b'ɔ nanti aenguɛ b'ɔ nin ye trali'n su'n, Nyanmiɛn b'ɔ si aunnvuɛ'n, kɛ ɔ fɛ i Asiri famiɛn'm be blɛ su lele b'ɔ ´fa ju ndɛ'n, afɛ ng'ɔ tɔli é su e nin e famiɛn mun, nin e famiɛn i awlo lɔ sran dandan mun, nin e Nyanmiɛn nyrun jranfuɛ mun, nin e Nyanmiɛn nuan ijɔfuɛ mun, nin e nannan mun, nin e nvle'n kwlaa'n, afɛ sɔ'n, nán bu i like kaan.

Jue Mun 119:153

Nian min nyrɛnnɛn'n bɔ n wun i'n nan de min, afin mín wla fi-man ɔ mmla'n su.

Jue Mun 140:8

Anannganman Nyanmiɛn, a ti kɛ min fiawlɛ sua sa, wɔ yɛ man n nyan n ti-ɔ. Kɛ alɛ'n tɔ'n, wɔ yɛ a kata mín su-ɔ.

Jue Mun 25:18

Nian nyrɛnnɛn nin afɛ bɔ n wo nun'n nan yaci mín sa tɛ'n kwlaa cɛ min.

Jue Mun 69:21

Min anwlɛn'n kpɛ min klun nzowa'n dunman nun. N kwla sin-man min osu kun. M'an minndɛ kɛ sran wie si min aunnvuɛ lele ngbɛn. N nyan-man sran fi b'ɔ ´fɔnvɔ min-ɔn.

Ezipt Lɔ Tulɛ'n 3:17

I sɔ'n ti, i waan ɔ ´de amun Eziptfuɛ sɔ'm bɔ be kle amun nyrɛnnɛn'n bé sa nun, nan ɔ ´fa amun kɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, ɔ nin Zɛbisfuɛ'm be mɛn liɛ'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman.›

Ezipt Lɔ Tulɛ'n 3:7

Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Ezipt Lɔ Tulɛ'n 4:31

Kpɛkuun sran'm be lafili su, be wunnin i wlɛ kɛ Anannganman wunnin bé su afɛ'n, nan i waan ɔ ´yi i wun nglo nan ɔ ´de be. Be kotoli nan b'a su i.

Akunndanfuɛ'n 4:1

Nyrɛnnɛn nga sran'm be kle be wiengu mun nyanmiɛn'n bo wa'n, m buli i akunndan. Be nga be wun nyrɛnnɛn'n, kannzɛ be ´kpan sɛ, be nyan-man sran b'ɔ ´fɔnvɔ be-ɔ. Afin be nga be kle sran'm be nyrɛnnɛn'n yɛ kwlalɛ'n wo bé sa nun-ɔn. Nyrɛnnɛn wunfuɛ'm be nyan-man sran b'ɔ ´fɔnvɔ be-ɔ.

Ezai 3:8

Zerizalɛm'n ɔ'a tɔ, Zida'n ɔ'a fin ase. Be nuan nun ndɛ mun nin be nyoliɛ mun be kle kɛ be jaso Anannganman b'ɔ ti famiɛn'n i wun.

Ezai 37:17

Anannganman, sie ɔ́ su tie. Anannganman, tike ɔ nyinma nan nian. Tie nzowa nga Sankerib ɔ'a sunman sran kɛ ɔ wa kpɛ wɔ Nyanmiɛn bɔ a lafi-man nin-ɔn.

Ezai 37:23

?Wan li yɛ a kɛnnin i ndɛ tɛtɛ bɔ a kpɛli i nzowa nin-ɔn? ?Wan yɛ a ´kɛn i ndɛ bɔ a man ɔ nɛn'n su nin-ɔn? ?Wan yɛ a kpɛli i kannglɛ gaan nin-ɔn? ?Izraɛl Nyanmiɛn bɔ fɔ nun-mɛn i wun nin-ɔn, nɛ́n i-ɔ?

Ezai 37:29

Kɛ bɔ a fali mín wun ya, bɔ a kannin min wun ndɛ tɛtɛ'n ti'n, n wa wla ɔ bue nun nga, yɛ n ´wla ɔ́ nuan nun nga. N ´fa wɔ n ´sin atin kunngba nga a fa bali'n su, n ´fa wɔ n ´sa ɔ́ sin.›

Ezai 37:4

Atrɛkpa-a Anannganman ´ti nzowa nga Asiri famiɛn'n sunmannin i sufuɛ safunyrɛn'n kɛ ɔ wa kpɛ i bɔbɔ Nyanmiɛn b'ɔ lafi-man nin o! Sɛ ɔ nin i be ´kan o! Ɔ man Ezekias waan a srɛ Nyanmiɛn man be nga be ka lɛ mun.› »

Ezai 40:2

Amun `gua Zerizalɛmfuɛ'm be anwlɛn su nzue, yɛ amun `kpan kekle se be kɛ be alɛ'n ɔ'a wie. Amun `se be kɛ b'a yaci bé wun sa'n b'a cɛ be, afin be sa tɛ nga be yoli'n b'a nyɛn i su akatua sɔ kpɛ nnyɔn Anannganman i sa nun.»

Ezai 47:7

A seli kɛ: ‹N ´sie mɛn'n tititi. A bu-man ninnge nga a yo be'm be akunndan, ɔ'a kpɛn-man ɔ klun kɛ cɛn kun be ´wie.

Ezai 51:19

Sayalɛ nnyɔn kannin amun: amún bo ninnge'n i fɛnlɛ, nin lika'n i bubulɛ b'ɔ bubuli'n, yɛ alɛ nin awe'n. ?Wan yɛ ɔ ´koko amun-ɔn? ?Wan yɛ ɔ ´fɔnvɔ amun-ɔn?

Ezai 54:11

«Amun Zerizalɛmfuɛ mun bɔ amun ti nyrɛnnɛnfuɛ bɔ aunngban dan'n ɔ'a fita amun klɔ'n su lele'n, bɔ sran fi fɔnvɔ-man amun'n, amun `nian, n ´fa yɛbuɛ nglanman-nglanman n ´fa kplan amun klɔ'n i uflɛ, n ´fa safir n ´fa wla klɔ'n i wun talɛ'n i bo ase,

Zeremi 13:27

Ɔ bian bɔ a kunndɛli mín bo'n, ɔ nin ɔ bian sa ngboko'n, ɔ nin ɔ tekle dan nga a boli'n, n wunnin be kpɔlɛ'm be su nin fie'm be su. N wunnin ɔ tete ninnge mun. Zerizalɛm, yako nin ɔ́ wun saun bɔ ɔ waan a yo-man'n. ?Cɛn onin ko yɛ a ´yaci kokowa bolɛ nin-ɔn?»

Zeremi 16:7

Sran fi nin i sɔfuɛ'm be su di-man aliɛ kɛ be ´fa fɔnvɔ be. Sran nga i si annzɛ i nin wuli'n, ɔ su nyan-man sran b'ɔ ´mɛn i nzan ´yo i yako-ɔ.

Zeremi 2:34

Aunnvuɛfuɛ nga w'a fite-man be su kɛ be su yo sa'n bɔ sanngɛ a kunnin be'n, be mmoja'n guagua lele ɔ gua ɔ tralɛ'n i nuan su'n nun.

Zeremi 48:26

«Sɛ Moab ti sran'n, wuun n ´se kɛ ɔ yoli i wun dandan. Ɔ yoli Anannganman'n finfin. Be `mɛn i nzan man ɔ nɔn bo nan ɔ `fi nan ɔ `la kondo i fiɛ'n nun nan be `yo i finfin wie .

Zeremi 5:31

Min nuan ijɔfuɛ'm be bo ato jasin. Min nyrun jranfuɛ'm be like nyanlɛ akunndan yɛ be bu-ɔ. Min nvle'n klo i sɔ sa ng'ɔ ju lɛ'n! ?Yɛ i sin'n, amun ´yo i sɛ?»

Zeremi 50:29

An `flɛflɛ ta tofuɛ'm be ngba man be nin Babilɔni ko kun. Man be ko tran Babilɔni anuan'n i nyrun lɛ. Nán be man sran kun sa sinwlɛ. Sa ng'ɔ fa yoli i wiengu mun'n, man be fa yo i wie. Sa ng'ɔ fa wlali be nun'n, man be fa wlɛ i nun wie. Yɛlɛ kɛ ɔ yoli i wun kpakpa Anannganman'n su. Ɔ yoli i wun kpakpa Izraɛl i Nyanmiɛn'n su.

Ngwlɛ Yilɛ 1:17

Siɔn tinngɛli i sa, sran fi ɔ'a sɔ-man nun nan se kɛ ɔ ´fɔnvɔ i. Anannganman seli nvle nga be mantan Izraɛlfuɛ'm be lɛ'n kɛ be nin be be `nyɛn i. Zerizalɛm i wun yo nvle kun nga'm be tɛ siɛn'n.

Ngwlɛ Yilɛ 1:21

Kɛ n ´fɛfɛ'n be tili, sanngɛ sran kun sa ɔ'a fɔnvɔ-man min. Min kpɔfuɛ'm be kwlakwla be tili i kɛ sa ɔ'a nyan min. Sa nga wɔ man ɔ nyannin min'n, kɛ be tili'n, be klun'n jɔli dan. Cɛn nga a kɛnnin i ndɛ'n, yo mɛn i sɔ cɛn liɛ'n ɔ ju. Man ɔ ju nan be `yo kɛ min sa .

Ngwlɛ Yilɛ 2:13

Ee! ?Zerizalɛm, n `kan sɛ yɛ n `kle wɔ-ɔ? ?Wan cɛ yɛ n ´fa ɔ́ sa yalɛ'n n sunnzun i liɛ nin-ɔn? ?Be ´fɔnvɔ wɔ wafa sɛ cɛ yɛ ɔ ´yo ye-ɔ? Sa nga ɔ'a nyan wɔ'n i dan liɛ'n san jenvie'n yɛ be ´fa sunnzun i-ɔ. ?Wan cɛ yɛ ɔ kwla yo man a ´kpɛn ɔ osu nun-ɔn ?

Ngwlɛ Yilɛ 4:1

Ɔoo! ?Kɛ ɔ o yɛ'n, sika ɔkwlɛ'n ɔ'a kpa? ?Kɛ ɔ o yɛ'n, sika ɔkwlɛ jrɛiin'n ɔ'a saci? ?Kɛ ɔ o yɛ'n, Nyanmiɛn i sua i nun yɛbuɛ'm be tru klɔ'n nun anngɔnda'm be kwlaa be su? Cuekee!

Ngwlɛ Yilɛ 5:1

Sa nga ɔ'a ju e su yɛ'n, Anannganman, nán ɔ́ wla fi. Ɔ bɔbɔ nian sokpalɛ bɔ y'a sokpa-a.

Ndɛ Nga Nyanmiɛn I Nuan Ijɔfuɛ Oze Kannin'n 2:14

I vinyi fie nin i figie fie b'ɔ kan be ndɛ se kɛ: ‹Min ajaoke nga min soman'm be mannin min'n yɛ'n,› n ´saci be. N ´yo man fie sɔ'n be ´kaci bo ble, kpɛkuun lɛ yɛ blo nnɛn'm be wa didi-ɔ.

Sofoni 2:10

Be tutre bɔ be dili'n, ɔ nin nzowa nga be kpɛli Anannganman b'ɔ sie mɛn wunmuan'n i sran mun'n, i su sa nga be ko nyɛn i'n, yɛ ɔ o lɛ-ɔ.

Jean 11:19

Zuif kpanngban kpa be bali Mart nin Mari be yako yolɛ be niaan'n i wie'n ti.

Mmla'n 26:7

Yɛ e kpan flɛli Anannganman e nannan'm be Nyanmiɛn'n. Anannganman kusu tili e aniɛn'n, ɔ wunnin afɛ nga e o nun'n, ɔ wunnin yalɛ nin nyrɛnnɛn bɔ be ´kle ye'n.

Mmla'n 32:27

Like ng'ɔ jrannin min'n, yɛlɛ be kpɔfuɛ'm be finfin bɔ be yo min'n. Be kwla-man be kpɔfuɛ mun. Kɛ ɔ wa yo lɛ'n, kpɛkuun be kpɔfuɛ sɔ mun be ´si be wue nun be ´se kɛ: ‹Anannganman ɔ'a yo-man like fi, e bɔbɔ yɛ e kwlali be-ɔ.›

Mmla'n 32:29

Sɛ ɔ ti kɛ be si ngwlɛlɛ'n, wuun be ´fa sunnzun ase be ´wun sa ng'ɔ wa ju'n.

1 Piɛr 4:17

Cɛn nga be ´bo jɔlɛ dilɛ'n bo'n ɔ'a ju, be ´bo i bo Nyanmiɛn bɔbɔ i awlo'n nun. ?Sɛ e su yɛ be ´bo i bo'n, be nga be fa-man Nyanmiɛn jasin fɛ'n su'n, be liɛ'n ´yo sɛ?

1 Samiɛl 1:11

Ɔ fua kleli Anannganman kɛ: «Ee! Anannganman b'ɔ sie mɛn wunmuan'n, nian afɛ dan b'ɔ o n su-ɔ. E Min, nán ɔ́ wla fi min su. Sɛ ɔ́ wla kpɛn mín su nan a man min ba yasua kun'n, n ´fa man wɔ, ɔ ´yo ɔ liɛ mlɔnmlɔn. Be su yi-mɛn i ti'n le .»