Ngwlɛ Yilɛ 1:8 - NYANMIƐN NDƐ'N 1998

⁸ Zerizalɛm i sa tɛ nga ɔ'a yo be'n, be ti beblebe sɔ ngbɛn. Ɔ man i ti siɛn'n i wun yo sran'm be tɛ. Ɔ'a yo kɛ bla bɔ ɔ'a yo mannza'n sa. Be bɔ titi be yɛyɛ i'n, be yo i finfin siɛn'n, afin sɛ ɔ ti sran'n, wuun b'a wun kɛ i bo ti ngbɛn. I bɔbɔ'n kusu ɔ su fɛfɛ, ɔ to i nyin blo.

Ngwlɛ Yilɛ 1:8 ပူးပေါင်းရင်းမြစ်များ

Bo Bolɛ 3:7

Kpɛkuun be nnyɔn'n b'a wun sa wlɛ. Be wunnin kɛ bé wun ti kplɛn, nan b'a kpɛ figie nnya b'a fa yo be bo tannin.

1 Famiɛn Mun 9:6

sanngɛ sɛ amun nin amun osu'n nunfuɛ mun amun kaci amún sin si min'n, sɛ amu'an fa-man min mmla fanunfanun nga n fa mannin amun'n be su'n, sɛ amun ko tu amuɛn'n nan amun kotokoto bé bo'n,

1 Famiɛn Mun 9:7

i liɛ'n, n ´kan amun bo mɛn nga n fa mannin amun'n i nun, yɛ sua nga n fali min dunman sieli su'n, n su bu-mɛn i like fi kun, kpɛkuun nvle'm be nunfuɛ'm be kwlaa be ´yo amun finfin, be ´srisri amun.

1 Famiɛn Mun 9:9

Kpɛkuun be wa tɛ bé su kɛ: ‹Anannganman be Nyanmiɛn'n b'ɔ ko fali be nannan mun Ezipt lɔ bali'n, be yili i ase, be ko fali amuɛn'm be kotoli bé bo, be suli be. I ti yɛ Anannganman fali nyrɛnnɛn nga kwlaa yili bé su nin-ɔn.› »

Ezai 47:3

Be ´wun ɔ́ bo, a ´wun nyannzuɛn, n ´tu n klunngbɔ'n, sran fi su kan-man ndɛ.

Zeremi 13:22

A wa usa ɔ́ wun kɛ: ‹?Nguɛ ti yɛ sa nga'm be ju min su-ɔ?› Sɛ a ti bla'n, wuun n ´se kɛ sa tɛ dan bɔ a yoli'n ti yɛ be trali wɔ bɔ be nin wɔ lali kekle nun nin-ɔn.

Zeremi 13:26

Sɛ a ti bla'n, wuun n ´se kɛ: «N kusu n wa kpa ɔ bo nan a `wun nyannzuɛn.

Zeremi 15:4

Mɛn'n nun famiɛn diwlɛ nunfuɛ'm be wun be-ɔ, ɔ ´yo be sro. Sa ti bɔ n ´yo sɔ'n yɛlɛ Ezekias i wa Manase b'ɔ ti Izraɛl famiɛn'n i ninnge ng'ɔ yoli Zerizalɛm'n .»

Zeremi 24:9

Sa nga n ´fa wla be nun'n man asiɛ'n su famiɛn diwlɛ'n kwlaa be nunfuɛ nga be wun be'n be ´bo kitika. Lika kwlaa wie ala bɔ n ´fuan be lɛ'n, lɛfuɛ'm be ´fa be dunman'n be ´kpɛ nzowa. Be ´kpɛ bé wun flɛn, be ´fa be bo sannzan.

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Zeremi 34:17

I sɔ'n ti Anannganman'n waan: «Kɛ n waan amun `se amun niaan'm be kɛ amu'an yaci be nun bɔ amu'an di-man su'n, i ti n kusu n ´kan kle amun kɛ: ‹M'an yaci alɛ, nin tukpacɛ b'ɔ sa ndɛndɛ'n, ɔ nin awe'n be nun kɛ be kle amun nyrɛnnɛn. N ´yo man famiɛn diwlɛ'm be nunfuɛ'm be kwlaa nga be ´ti amun ndɛ'n, ɔ ´yo be sro.

Zeremi 4:31

N ti fɛfɛlɛ kɛ bla yɛ ɔ su wu ba sa. Fɛfɛlɛ'n tɛ kɛ bla sɔ'n i talua ba yɛ ɔ su wu i sa-a. Kannzu Siɔn yɛ ɔ fɛfɛ sɔ-ɔ, yɛ ɔ sun aunnvuɛ sunlɛ ɔ tinngɛ i sa'n nglo sɔ-ɔ. Ɔ se kɛ: «M'an wu o! M'an fɛ, min kunfuɛ'm b'a kle min yalɛ lele n si-man wie se kun.»

Zeremi 6:28

Be kekleke liɛ'n ti kɛ aaba annzɛ blalɛ sa, ɔ lɛ-man be nun kun. Be ti abla difuɛ, be kwlaa be ti sa tɛ yofuɛ.

Ngwlɛ Yilɛ 1:11

Izraɛlfuɛ'm be kwlakwla be su kplin. Be sa sin ɔ'a bubu be bé nuan nun aliɛ bɔ be nyɛn-mɛn i'n ti. Be ninnge kpakpa mun'n, be fa toli aliɛ kɛ ɔ ko yo nan b'a nyan wunmiɛn kan'n ti. Zerizalɛm waan: «Anannganman, nian kɛ m'an sokpa-a!»

Ngwlɛ Yilɛ 1:17

Siɔn tinngɛli i sa, sran fi ɔ'a sɔ-man nun nan se kɛ ɔ ´fɔnvɔ i. Anannganman seli nvle nga be mantan Izraɛlfuɛ'm be lɛ'n kɛ be nin be be `nyɛn i. Zerizalɛm i wun yo nvle kun nga'm be tɛ siɛn'n.

Ngwlɛ Yilɛ 2:10

Siɔn kpɛnngbɛn'm be titi asiɛ ba kpa'n su. Be si-man wie se kun. B'a gua bé ti su ndutre. B'a wla bé bajɛ tralɛ mun. Zerizalɛm talua'm be kwla-man bé ti su man kun.

Ngwlɛ Yilɛ 4:21

Edɔmfuɛ mun, amun li man amun klun jɔ, amun `bo sro. Sanngɛ fɔ bulɛ'n ɔ wa tɔ amun su wie. Ɔ ´yo kɛ nzan sa, amun ´nɔn ´bo. Amun ´kpɛ bé bo nyanman nun .

Ezekiɛl 23:29

Be ´yo wɔ sa tɛtɛ kpa, ɔ bo ninnge nga a dili junman nan w'a nyan be'n, be ´de be. Be ´jra wɔ kplɛn sa kli, yɛ be ´nian-nian wɔ kɛ tekle bla sa. Ɔ tekle nin ɔ wlaka'n ti-ɔ.

Ezekiɛl 23:46

Afin min Anannganman Nyanmiɛn n wan yoo: ‹Man sran'm bé bo yo kun be jaso bé wun, n ´fa be n wlɛ i akluntitiɛ nun. Yɛ be ´fɛn bé bo ninnge mun.

Ezekiɛl 39:23

«Nvle-nvlefuɛ'm be wa si jrɛiin kɛ Izraɛlfuɛ'm bé sa tɛ bɔ be yoli min'n, i ti yɛ be trali be lomuɛn ɔli mɛn wie nun nin-ɔn. Afin n kacili mín sin n sili be, yɛ n yacili be be kpɔfuɛ'm bé sa nun nan alɛ'n ɔ di be .

Ndɛ Nga Nyanmiɛn I Nuan Ijɔfuɛ Oze Kannin'n 2:10

Ɔ'a wun-mɛn i wlɛ kɛ min yɛ m mɛnnin i aliɛ ng'ɔ di'n, nin nzan lɔflɛ ng'ɔ nɔn'n, ɔ nin ngo ng'ɔ kpakpa nin-ɔn. Yɛ ɔ'a wun-mɛn i wlɛ kɛ min yɛ m mɛnnin i jɛtɛ ufue nin sika ɔkwlɛ ng'ɔ fa yi sraka mannin amuɛn nga be flɛ i Baal nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 2:3

Anannganman'n dunman nun amun `flɛ amun niaan yasua'm be kɛ: «Min sran mun» Yɛ amun `flɛ amun niaan mmla'm be kɛ: «Nsi-be-aunnvuɛ».

Sa nglô yile 3:18

I sɔ'n ti, n ´kan kle amun kɛ sika ɔkwlɛ bɔ b'a klo i'n wo ń sa nun, an `to nan an yo anyanbeunfuɛ. Yɛ an `to tralɛ ufue fa wla amun wun nan b'a wun-man kɛ amún wun ti kplɛn nan amún nyin a gua-man ase. An `to ayre fa kpɛ amún nyin su nan an wun ase.

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.