Ngwlɛ Yilɛ 1:20 - NYANMIƐN NDƐ'N 1998

²⁰ Anannganman, nian min nyrun bɔ n ´wun i-ɔ. Min anwlɛn'n ɔ'a kpɔtɔ min klun. Min akunndan'n ɔ'a sanngan min klun sa mlɔnmlɔn nyin kekle bɔ n yoli'n i dunman nun. Alɛ'n ɔ'a di min mma mun klɔ gua'n su. Kɛ a wlu sua'm be nun'n ɔ waan be bɔ b'a wu'n be sua-a.

Ngwlɛ Yilɛ 1:20 ပူးပေါင်းရင်းမြစ်များ

Zɔb I Nyrɛnnɛn Wunlɛ 30:27

Kɛ ɔ fin cɛn bɔ blɛ kekle nga juli min su'n, min klun'n yaci-man min titilɛ.

Zɔb I Nyrɛnnɛn Wunlɛ 33:27

Ɔ sro jue. Kɛ ɔ wun sran mun'n ɔ se be kɛ: «N yoli sa tɛ, m'an nanti-man atin'n su kɛ ɔ fata'n sa. Sanngɛ Nyanmiɛn ɔ'a nian-man sa nga n yoli'n su ɔ'a bu-man min fɔ.

Jue Mun 22:14

Be trɛ bé nuan'n nun be kpan kɛ asɔmɔli bɔ i waan ɔ ´di nnɛn'n sa. Be waan be ´di min.

Jue Mun 38:8

Min wunnɛn'n ɔ lo fiaan! Min wunnɛn'n i lika fi ti-man klonglo.

Nyanndra Mun 28:13

Sran ng'ɔ fia sa tɛtɛ ng'ɔ yo be'n be su'n, ɔ yo-man kpa. Sanngɛ sran ng'ɔ kɛn i sɔ sa liɛ mun'n, b'ɔ yaci be yolɛ'n, Nyanmiɛn'n yaci í wun sa'n cɛ i .

Ezai 16:11

I sɔ'n ti, min anwlɛn'n ɔ keje min klun kɛ jru nyanman sa Moabfuɛ'm be ti. Min anwlɛn'n kpɛ min klun Kir-Erɛsfuɛ'm be ti.

Ezai 38:14

N kpan fie fie kɛ alialia b'ɔ tu sin'n sa. N kplin kɛ auble sa. N kwla fa-man min nyinma n nian-man nyanmiɛn su lɔ kun. Awlaboɛ'n wo mín su dan, bla wa uka min.

Zeremi 14:18

A kɔ fie su lɔ-ɔ, kɛ fuɛn'm be tru sa. A wlu klɔ nun-ɔn, awe'n kle-man sran'm be yalɛ ngowa. Yɛ min nuan ijɔfuɛ nin min nyrun jranfuɛ'm be wlan mɛn nun'n, be wun-man sa ng'ɔ ju'n be nyanndra.› »

Zeremi 14:20

Anannganman, e si kɛ e ti-man sɛsɛ ɔ nyrun. E si kɛ é si'm be yoli sa tɛ. Nanwlɛ e fɔnnin ɔ́ wun.

Zeremi 2:35

Sanngɛ a blu sa ng'ɔ o lɛ'n su a ko se kɛ: «M'an yo-man sa, nán ɔ fa mín wun ya sɔ. Selɛ nga a seli kɛ w'a yo-man tɛ'n ti e nin wɔ y'a nyɛn i.»

Zeremi 3:13

Ɔ man i ti'n, di ɔ́ sa tɛ'n i nanwlɛ: Nyin kekle nga a yoli i min Anannganman ɔ Nyanmiɛn'n min su'n, kan. A wanndi ɔli nvle uflɛ'm be amuɛn'm bé sin, a ɔli waka nga be lɛ nnya'n be kwlaa be bo. W'a tie-man min aniɛn'n.› » Anannganman'n yɛ ɔ kan sɔ-ɔ.

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Zeremi 4:19

N klun o, n klun o! Be `nian kɛ min anwlɛn'n yra min fiaan kɛ ɔ su wa ti sa-a. Be `nian kpitalɛ bɔ n ´kpita-a. N wun-man mín wun fɛ mlɔnmlɔn. Kɛ n ti nnɛn wɛ bɔ be fita nun'n, kɛ n ti alɛ kpanlɛ bɔ be ´kpan'n, m muan mín nuan-an ɔ yo-man ye.

Zeremi 48:36

Moab nin Kir-Erɛsfuɛ'm be wun ngwlɛ bɔ n yi i kɛ blo yɛ be su bo sa'n, i bo'n yɛlɛ kɛ like nga be nyɛnnin i'n kwlaa ɔ'a fi be sa.

Ngwlɛ Yilɛ 1:11

Izraɛlfuɛ'm be kwlakwla be su kplin. Be sa sin ɔ'a bubu be bé nuan nun aliɛ bɔ be nyɛn-mɛn i'n ti. Be ninnge kpakpa mun'n, be fa toli aliɛ kɛ ɔ ko yo nan b'a nyan wunmiɛn kan'n ti. Zerizalɛm waan: «Anannganman, nian kɛ m'an sokpa-a!»

Ngwlɛ Yilɛ 1:18

Nga Anannganman yoli'n, i su-ɔ, afin ndɛ ng'ɔ kannin'n, m'an fa-man su. Amun bɔ amun o wa'n, amun `sie amun su tie. Amun `nian afɛ ng'ɔ o mín su'n. B'a tra min talua nin min gbanflɛn mun lomuɛn b'a ɔ mɛn wie nun.

Ngwlɛ Yilɛ 1:8

Zerizalɛm i sa tɛ nga ɔ'a yo be'n, be ti beblebe sɔ ngbɛn. Ɔ man i ti siɛn'n i wun yo sran'm be tɛ. Ɔ'a yo kɛ bla bɔ ɔ'a yo mannza'n sa. Be bɔ titi be yɛyɛ i'n, be yo i finfin siɛn'n, afin sɛ ɔ ti sran'n, wuun b'a wun kɛ i bo ti ngbɛn. I bɔbɔ'n kusu ɔ su fɛfɛ, ɔ to i nyin blo.

Ngwlɛ Yilɛ 1:9

I mannza mmoja'n wo i tralɛ nun badaa. Sa ng'ɔ juli i su'n ɔ fuli i bɔbɔ nun. I nyin b'ɔ bo i bla-a ɔ'a tɔ. Sran bɔ kun sa ɔ'a fɔnvɔ-mɛn i. Yɛ i waan: «Anannganman, nian nyrɛnnɛn bɔ n wo nun-ɔn, nian kɛ min kpɔfuɛ'n ɔ'a kwla min b'ɔ nyinmɛn-nyinmɛn i wun-ɔn.»

Ngwlɛ Yilɛ 2:11

M'an sun lele min nyinma'n ɔ'a bloblo min ti nun siɛn'n. Min anwlɛn'n ɔ'a kpɔtɔ min klun. Be `nian sa yalɛ bɔ ɔ'a nyan min nvle nin-ɔn, i ti min wla ti bowa. Be `nian ba kanngan mun nin ba nɔnman mun bɔ b'a glɔ klɔ gua'n su-ɔ!

Ngwlɛ Yilɛ 5:16

E ti sika kle'n ɔ tu tɔli. Sa tɛ nga e yoli'n ti'n, y'a wun nyrɛnnɛn.

Ezekiɛl 7:15

«Alɛ'n ɔ ´di sran mun gua'n su lɔ. Tukpacɛ b'ɔ sa ndɛndɛ'n nin awe'n kusu be kun sran mun sua'm be nun. Amun afiɛn sran ng'ɔ o blo lɔ'n, alɛ yɛ ɔ ´di i-ɔ. Sran ng'ɔ o klɔ'n nun wa'n, awe ɔ nin tukpacɛ b'ɔ sa ndɛndɛ'n yɛ be ´kun i-ɔ.

Daniɛl 9:5

E nyin a yi-man wɔ, e yoli sa tɛ, e fɔnnin, e jasoli ɔ́ wun. Ɔ mmla nin ɔ́ nuan su ndɛ nga a kannin'n, y'a di-man su.

Ndɛ Nga Nyanmiɛn I Nuan Ijɔfuɛ Oze Kannin'n 11:8

?Efraimfuɛ mun, n `yo amun sɛ? Izraɛlfuɛ mun, n yi amun m man sran mun-ɔn ɔ yo-man ye, n yo amun kɛ Adma sa-a, ɔ yo-man ye, n yo amun kɛ Zɛbɔim sa kusu-ɔ ɔ yo-man ye. Min akunndan'n ɔ'a sanngan, n wun-man mín wun yowlɛ kunngba.

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

Mmla'n 32:25

Be ´fa tokofi be ´kun sran mun klɔ nun atin'm be nun. Sran nga be o awlo'm be nun'n, be kusu, srɛ'n ɔ ´kun be kpo. Wie'n su yaci-man sran fi lɛ, i gbanflɛn mun o, i talua mun o, i ba nɔnman mun o, i oke mun o, ɔ ´wlu be kwlakwla be nun.