Ngwlɛ Yilɛ 1:18 - NYANMIƐN NDƐ'N 1998

¹⁸ Nga Anannganman yoli'n, i su-ɔ, afin ndɛ ng'ɔ kannin'n, m'an fa-man su. Amun bɔ amun o wa'n, amun `sie amun su tie. Amun `nian afɛ ng'ɔ o mín su'n. B'a tra min talua nin min gbanflɛn mun lomuɛn b'a ɔ mɛn wie nun.

Ngwlɛ Yilɛ 1:18 ပူးပေါင်းရင်းမြစ်များ

1 Famiɛn Mun 13:21

Yɛ ɔ seli Zida lɔ Nyanmiɛn nuan ijɔfuɛ'n kɛ: «Anannganman kannin ndɛ kleli wɔ, a fa-man, a bu-mɛn i ndɛ.

Ɛsdras 9:13

E Nyanmiɛn, e nyoliɛ tɛtɛ mun nin e fɔnlɛ ngbli-ngbli'm be ti yɛ sa'm be juli ye su-ɔ, sanngɛ w'a nian-man e sa tɛ sɔ'm be su w'a tu-man e fɔ. ?Yɛ ndɛkɛn bɔ w'a yo man e nun sran wie'm b'a nyan atin b'a sa be sin'n

Neemi 9:26

Sanngɛ be jasoli ɔ wun. Be kaci bé sin sili ɔ mmla'n. Be kunnin ɔ́ nuan ijɔfuɛ nga be se be kɛ be `sa bé sin be bla ɔ sin'n. Be yoli sa tɛ dan ɔ́ wun.

Neemi 9:33

Kɛ e nian sa kwlaa ng'ɔ juli ye su'n, e wun kɛ a yoli ng'ɔ fata'n. E yɛ e fɔnnin-ɔn.

Jue Mun 107:11

Be yoli nyin kekle, b'a fa-man Nyanmiɛn i ndɛ b'ɔ kannin'n be su. Nyanmiɛn b'ɔ like fi nun-mɛn i sin'n, ɔ mannin be afɔtuɛ b'a fa-man.

Jue Mun 119:137

Ee Anannganman, a yo sa i nuan su! A nian mmla'n su yɛ a bu ndɛ mun-ɔn.

Jue Mun 119:75

Anannganman, n wun kɛ ndɛ nga a bu be'n, be ti su. Kɛ bɔ a di nanwlɛ tititi'n ti yɛ man a tuli min fɔ-ɔ .

Jue Mun 145:17

Ninnge nga Anannganman yo be'n, be kwlaa be kle kɛ ɔ yo sa'n i nuan su nan i klun ti ufue.

Ezipt Lɔ Tulɛ'n 9:27

Ezipt famiɛn yiali Moiz nin Aarɔn nan ɔ'a se be kɛ: «Nga liɛ'n, m'an fɔn, e nin min nvle'n yɛ y'a fɔn-ɔn. Anannganman liɛ'n, sa ng'ɔ yo'n ɔ ti i su.

Zeremi 12:1

Anannganman, a ti sɛsɛ ngboko. Kɛ e nin wɔ e `si akplowa'n, ɔ ti-man su. Sanngɛ n waan e nin wɔ e ´koko sa nga a yo i nuan su'n i wun yalɛ. Kɛ ajalɛ nga klunwifuɛ'm be tu'n ɔ yo ye man be'n, n wun-mɛn i wlɛ. Kɛ be nga be yaci wɔ atin'n lɛ be fa uflɛ'n be ti be tilɛ lɛ cɛ'n, n wun-mɛn i wlɛ.

Zeremi 32:23

Be wa fali mɛn sɔ'n, sanngɛ kpɛkuun b'a tie-man wɔ aniɛn'n. B'a nian-man ɔ mmla'n su b'a nanti-man, like nga ɔ waan be yo'n, b'a yo-man. I sɔ'n ti yɛ man a fali nyrɛnnɛn nga kwlakwla yili be su nin-ɔn.

Zeremi 4:17

Be bo sin yia Zerizalɛm kɛ fie sunianfuɛ wie mun yɛ b'a bo b'a sin a yia fie'n sa. Nyin kekle b'ɔ yoli i min su'n ti yɛ be yoli i sɔ-ɔ.› » Anannganman'n yɛ ɔ kan sɔ-ɔ.

Zeremi 49:12

Anannganman wan yoo: «Sran nga bɔ m'an se-man kɛ be yɛ be `nɔn ya klowa'n nun, be nɔnnin nun. ?Yɛ ɔ li wɔ Edɔm, be yaci wɔ lɛ sɔ-ɔ ɔ yo ye? San like ng'ɔ o nun'n, i nɔnlɛ cɛ yɛ a ´nɔn-ɔn.»

Ngwlɛ Yilɛ 1:12

Ɔ se ekun kɛ: «Amun kwlaa bɔ amun sin wa'n, amun `nian! ?Afɛ ng'ɔ nin min liɛ'n sɛ'n, amu'an wun wie le? Kɛ Anannganman fɛli i ya dan'n, ɔ kleli min nun.

Ngwlɛ Yilɛ 3:42

E yoli sa tɛ, e yoli nyin kekle dan. Kɛ ɔ yoli sɔ'n kusu w'a yaci-man a cɛ-man ye.

Ngwlɛ Yilɛ 5:16

E ti sika kle'n ɔ tu tɔli. Sa tɛ nga e yoli'n ti'n, y'a wun nyrɛnnɛn.

Daniɛl 9:5

E nyin a yi-man wɔ, e yoli sa tɛ, e fɔnnin, e jasoli ɔ́ wun. Ɔ mmla nin ɔ́ nuan su ndɛ nga a kannin'n, y'a di-man su.

Daniɛl 9:7

Ɔ liɛ'n, e Min, a yo sa i nuan su titi. Sanngɛ e liɛ'n, ng'ɔ nin ye fata'n, yɛlɛ é wun ase kanlɛ kɛ nga e su yo i ndɛ cɛn nga nun yɛ'n sa. E nga e ti Zerizalɛmfuɛ'm nin Zidafuɛ'n, e ´kan e wun ase. Izraɛlfuɛ nga a kannin be bo guali mɛn wie nun'n be sa tɛ bɔ be yoli wɔ'n ti, sɛ be o koko o, sɛ be o mmua o, be o nun wie.

Amɔs 8:13

I sɔ cɛn nun'n, talua nglanman kpa'm be nin gbanflɛn'm be ´glɔ, nzuewe'n dunman nun.

Sofoni 3:5

Kusu wuun sa kpa yolɛ ti yɛ Anannganman'n wo klɔ'n su-ɔ, nán sa tɛ yolɛ ti-ɔ. Nglɛmun kwlakwla ɔ yiyi i mmla'n nun, ɔ lɛ-man cɛn. Sanngɛ ɔ nin sɔ ngba'n, aeliɛ tɛfuɛ'm be ´yo sa'n sa-a, nyannzuɛn kaan sa kun-man be.

Zakari 1:6

Sanngɛ ndɛ nin mmla nga n fa wlali min sufuɛ nga be ijɔ min nuan'n bé sa nun, kɛ be `fa man amun nannan mun'n, amun nannan'm be wunnin i yɛ be seli kɛ: ‹Sa nga Anannganman b'ɔ sie mɛn wunmuan'n waan sɛ e yo tɛ nan sɛ y'a yaci-man ye aeliɛ tɛtɛ'n ɔ ´fa yo ye'n, yɛ ɔ'a yo i yɛ.› »

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Rɔmfuɛ Mun 3:19

E si kɛ ndɛ ng'ɔ o mmla nun'n i kwlaa ɔ ti be nga be di su'm be liɛ, ɔ man sran fi su kwla uke-mɛn i nuan, sanngɛ be ´fa sran'm be kwlaa kɔ Nyanmiɛn ja su.

Mmla'n 32:4

I yɛ ɔ ti kɛ yɛbuɛ sa i yɛ n talo i-ɔ, sa ng'ɔ yo be'n be ti kpa lele tra su. I atin'm be ti seiin. Ɔ ti Nyanmiɛn kun b'ɔ kaci-man, ɔ di-man ndɛ kwlɛ. Ɔ yo sa'n i nuan su sɛsɛsɛ, ɔ di nanwlɛ.

Jɔlɛ Difuɛ Mun 1:7

kpɛkuun Adɔni-Bezɛk seli kɛ: «N kpɛkpɛli famiɛn ableso bé sama kokotre nin bé ja mma kokotre mun. Tabli nga n di su like'n, be o i bo yɛ aliɛ ng'ɔ flo mín sa nun tɔ'n yɛ be isa be di-ɔ. Nga n yoli'n yɛ Nyanmiɛn ɔ'a yi ɔ'a man min yɛ.» Be fɛli i bali Zerizalɛm, lɛ yɛ ɔ wa wuli-ɔ.

1 Samiɛl 15:23

Nyin kekle nin wunnzue yilɛ'n be sɛ. Bé wun bɔ be kɛn-mɛn i ase'n kusu nin amuɛn sɔlɛ'n be sɛ. Kɛ bɔ a yili Anannganman i ndɛ'n i blo'n, i ti i kusu ɔ'a yi wɔ blo wie. Ɔ man a su yo-mɛn i nvle'n i su famiɛn kun.»